സ്വര്ണത്തില് ചരിത്ര തിരുത്ത്; ഞായറാഴ്ച സ്വര്ണവില മാറുന്നത് ആദ്യം, ഇന്ന് പവന് വിലയില് കുതിപ്പ്
കൊച്ചി: സ്വര്ണ വിപണിയില് അപൂര്വ മാറ്റം. ഞായറാഴ്ചയും വില മാറി. സാധാരണ വിപണി അവധിയായതിനാല് സ്വര്ണവില മാറുന്ന പതിവില്ല. എന്നാല് ഇന്ന് സ്വര്ണവില വലിയ കുതിപ്പ് നടത്തിയെന്ന് ജ്വല്ലറി വ്യാപാരികള് അറിയിച്ചു. ഇസ്രായേല് അമേരിക്ക ഇറാന് യുദ്ധത്തിന്റെ പശ്ചാത്തലത്തിലാണ് വിലമാറ്റം. ഇനിയും വില ഉയരുമെന്ന് വിപണി നിരീക്ഷകര് പറയുന്നു.
ശനിയാഴ്ച രണ്ട് തവണ സ്വര്ണവില ഉയര്ന്നിരുന്നു. രാവിലെ ഒരു പവന് 120800 രൂപയായിരുന്നു വില. ഉച്ചയ്ക്ക് യുദ്ധം തുടങ്ങിയതോടെ 123720 രൂപയായി പവന് വില ഉയര്ന്നു. ഇനി വിലയില് മാറ്റം വരേണ്ടിയിരുന്നത് തിങ്കളാഴ്ചയായിരുന്നു. എന്നാല് ഞായറാഴ്ച വില കയറിയതായി വ്യാപാരികള് പറയുന്നു. ഇന്ന് ഒരു പവന് 3200 രൂപയാണ് വര്ധിച്ചിരിക്കുന്നത്.
കേരളത്തില് ഇന്ന് 22 കാരറ്റ് ഒരു ഗ്രാമിന് 400 രൂപയാണ് കൂടിയിരിക്കുന്നത്. 15865 രൂപയാണ് ഒരു ഗ്രാമിന് നല്കേണ്ടത്. പവന് 126920 രൂപയായി. മാര്ച്ചിലെ ആദ്യ ദിനത്തില് തന്നെ റെക്കോര്ഡ് കുതിപ്പിലാണ് സ്വര്ണവില. വെള്ളി വിലയിലും ഇന്ന് വന് മുന്നേറ്റമാണ്. കേരളത്തില് ഒരു ഗ്രാം വെള്ളിക്ക് 310 രൂപയാണ് വില. പത്ത് ഗ്രാമിന് 3100 രൂപയും.
കേരളത്തില് ഇന്ന് 18 കാരറ്റ് സ്വര്ണം ഗ്രാമിന് 13030 രൂപയാണ് വില. ഒരു പവന് 104240 രൂപയാണ് നല്കേണ്ടത്. 14 കാരറ്റ് സ്വര്ണം ഗ്രാമിന് 10145 രൂപ നല്കണം. ഒരു പവന് 81160 രൂപയും. 9 കാരറ്റ് സ്വര്ണം ഗ്രാമിന് 6540 രൂപയും പവന് 52320 രൂപയും നല്കണം. ഏറ്റവും കുറഞ്ഞ കാരറ്റിലുള്ള സ്വര്ണത്തിന് പോലും അര ലക്ഷത്തിന് മുകളില് ചെലവ് വരുന്നു എന്നതാണ് മാറ്റം.
സ്വര്ണവില റെക്കോര്ഡ് മറികടക്കും
കേരളത്തില് ഇന്നുവരെ രേഖപ്പെടുത്തിയ സ്വര്ണവിലയില് 1.31 ലക്ഷം രൂപയാണ് റെക്കോര്ഡ് പവന് നിരക്ക്. വൈകാതെ ഈ വില മറികടന്ന് കുതിക്കുമെന്നാണ് വിവരം. യുദ്ധം നീണ്ടുപോയാല് സ്വര്ണവില ദിവസങ്ങള്ക്കകം ഒന്നര ലക്ഷത്തിലേക്ക് എത്തും. ഇതോടെ ജ്വല്ലറി വ്യാപാരികള് കൂടുതല് പ്രതിസന്ധിയിലാകും. പഴയ സ്വര്ണം വില്ക്കുന്നവര് കൂടുകയും ചെയ്യും.
ഡോളര് സൂചിക, രൂപയുടെ വിനിമയ നിരക്ക്, ക്രൂഡ് ഓയില് വില, രാജ്യാന്തര സ്വര്ണവില എന്നിവയിലൊന്നും കാര്യമായ മാറ്റം ഇന്നുണ്ടായില്ല. എന്നിട്ടും കേരളത്തില് സ്വര്ണവില കൂടുതന്നത് അപൂര്വമാണ്. ഇറാന് ഗള്ഫ് രാജ്യങ്ങളിലെ യുഎസ് താവളങ്ങള് കൂടി ലക്ഷ്യമിട്ടതോടെ യുദ്ധം വ്യാപിക്കുമെന്ന ആശങ്കയും ബാക്കിയാണ്. ഇതിനിടെയാണ് ഇറാന്റെ പരമോന്നത നേതാവ് കൊല്ലപ്പെട്ടു എന്ന വിവരം വന്നിരിക്കുന്നത്.
തൊട്ടുപിന്നാലെയാണ് സ്വര്ണവിലയില് വലിയ കുതിപ്പുണ്ടായി എന്ന വാര്ത്ത. യുദ്ധം നീളുമെന്നാണ് ജ്വല്ലറി രംഗത്തുള്ളവര് പ്രതീക്ഷിക്കുന്നത്. മാത്രമല്ല, അവശ്യ വസ്തുക്കളുടെ വില കൂടാനുള്ള സാധ്യതയുണ്ട്. പ്രവാസികളും കൂടുതല് പ്രതിസന്ധിയിലേക്ക് നീങ്ങാനാണ് സാധ്യത. വിമാന സര്വീസുകള് റദ്ദാക്കിയതും അവശ്യ വസ്തുക്കള് എത്താതിരിക്കുന്നതും പ്രതിസന്ധി ഇരട്ടിയാക്കും.
-
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
വീഴാതെ പിടിച്ചുനിന്ന് ദുബായിലെ സ്വര്ണ വിപണി; യുദ്ധത്തിന് ശേഷം സംഭവിച്ചത് ഇത് -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
സ്വർണം പവന് 2 ലക്ഷത്തിന് മുകളിലേക്ക്; 2026ൽ എങ്ങനെ നിക്ഷേപിക്കണം? മികച്ച മാർഗങ്ങൾ ഇതാ -
സ്വർണം ഇപ്പോൾ വാങ്ങണോ അതോ വിഷക്കണോ; സ്ത്രീകൾ എങ്ങനെ നിക്ഷേപിക്കണം? വിദഗ്ധ ഉപദേശം ഇങ്ങനെ -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
വെള്ളിയുടെ കഥകഴിഞ്ഞോ? യുദ്ധത്തിലും താഴേക്ക് വീണ് വെള്ളി വില, ഒരാഴ്ച കൊണ്ട് ഇടിഞ്ഞത് 5000 രൂപ! -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
സ്വർണം കളി തുടങ്ങിയിട്ടേ ഉള്ളൂ: ഇതുവരെ കൂടിയതൊന്നുമല്ല...പണി തരുന്നത് കേന്ദ്രബാങ്കുകൾ -
ചൈന പിന്നോട്ടില്ല... അതേ തന്ത്രം! തുടര്ച്ചയായ 16-ാം മാസവും സ്വര്ണം വാങ്ങിക്കൂട്ടി -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ - സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു?
Click it and Unblock the Notifications
Sign in with Google