സ്വര്ണം പൊള്ളുന്നു; സ്വര്ണവില ഇന്നും ഉയര്ന്നു, പവന് ആഭരണത്തിന് 1.10 ലക്ഷം കവിയും, ഗ്രാം വില അറിയാം
കൊച്ചി: കേരളത്തില് സ്വര്ണവില ഇന്നും വര്ധിച്ചു. രാജ്യാന്തര വിപണിയിലും വില കൂടി. ഇനിയും വില ഉയരുമെന്ന് തന്നെയാണ് വിപണിയില് നിന്നുള്ള വിവരം. വിവാഹ ആവശ്യങ്ങള്ക്ക് ഉള്പ്പെടെ ആഭരണം വാങ്ങുന്നവര് അഡ്വാന്സ് ബുക്കിങ് ചെയ്യുന്നതാണ് നല്ലത്. താരതമ്യേന കുറഞ്ഞ വിലയ്ക്ക് വാങ്ങാനും പണിക്കൂലിയില് ഇളവ് കിട്ടാനും അഡ്വാന്സ് ബുക്കിങ് സഹായിക്കും.
സര്വ റെക്കോര്ഡുകളും ഭേദിച്ച് സ്വര്ണവില മുന്നോട്ട് പോകുമെന്നാണ് മനസിലാകുന്നത്. ഡിജിറ്റല് ഗോള്ഡ് വ്യാപാരം ശക്തിപ്പെടുന്നതാണ് സ്വര്ണവിലയിലെ മുന്നേറ്റത്തിന് ഒരു കാരണം. ഓണ്ലൈനായി ചെറിയ തുകയ്ക്ക് പോലും സ്വര്ണം വാങ്ങുന്ന സ്കീമുകള് പല രാജ്യങ്ങളിലും സജീവമായിട്ടുണ്ട്. കൂടാതെ മറ്റുചില ഘടകങ്ങളും സ്വര്ണവില കൂടാന് കാരണമാണ്.
കേരളത്തില് ഇന്ന് 22 കാരറ്റ് ഒരു പവന് സ്വര്ണത്തിന് 102280 രൂപയാണ് വില. ഗ്രാമിന് 12785 രൂപയും. പവന് 480 രൂപയും ഗ്രാമിന് 60 രൂപയുമാണ് വര്ധിച്ചിരിക്കുന്നത്. ഈ മാസം ഒന്നിന് ഒരു പവന് സ്വര്ണത്തിന്റെ വില 99040 രൂപയായിരുന്നു. ഇതുമായി താരതമ്യം ചെയ്യുമ്പോള് 3200 രൂപയില് അധികം കൂടുതലാണ് ഇന്ന്. ഒരു പവന് ആഭരണത്തിന് പണിക്കൂലിയും മറ്റു ചെലവുകളും ചേര്ത്ത് 1.10 ലക്ഷം രൂപ ചെലവ് വരും.
സ്വര്ണവില കൂടിയ സാഹചര്യത്തില് കുറഞ്ഞ കാരറ്റിലെ ആഭരണങ്ങള്ക്ക് പ്രിയം ഏറിയിട്ടുണ്ട്. 18 കാരറ്റ് സ്വര്ണം ഗ്രാമിന് 10510 രൂപയും പവന് 84080 രൂപയുമാണ് ഇന്ന് നല്കേണ്ടത്. 14 കാരറ്റ് സ്വര്ണം ഗ്രാമിന് 8185 രൂപയും പവന് 65480 രൂപയുമാണ് വില. 9 കാരറ്റ് സ്വര്ണം ഗ്രാമിന് 5280 രൂപയും പവന് 42240 രൂപയും ഇന്ന് നല്കണം. വെള്ളിയുടെ വില ഗ്രാമിന് 265 രൂപയും പത്ത് ഗ്രാമിന് 2650 രൂപയുമാണ്. ആഭരണം വാങ്ങുക എന്ന ഉദ്ദേശം മാത്രമുള്ളവര്ക്ക് കുറഞ്ഞ കാരറ്റ് സ്വര്ണത്തെ ആശ്രയിക്കാം.
സ്വര്ണവില കൂട്ടുന്ന മറ്റു 4 കാര്യങ്ങള്
കേരളത്തില് സ്വര്ണത്തിന് ഇന്നുവരെ രേഖപ്പെടുത്തിയ ഏറ്റവും ഉയര്ന്ന പവന് വില 104440 രൂപയാണ്. കഴിഞ്ഞ മാസം 27നായിരുന്നു ഈ വില. പുതിയ സാഹചര്യത്തില് ദിവസങ്ങള്ക്കകം ഈ വില മറികടന്ന് പോകുമെന്നാണ് വിവരം. ഡോളര് വിട്ട് പല രാജ്യങ്ങളും അവരുടെ കരുതല് ധനശേഖരം സ്വര്ണമാക്കി മാറ്റുകയാണ്. അതുകൊണ്ടുതന്നെ വ്യാപകമായി സ്വര്ണം വാങ്ങുകയാണ് കേന്ദ്ര ബാങ്കുകള്.
രാജ്യാന്തര വിപണിയില് സ്വര്ണത്തിന് 4475 ഡോളറാണ് ഇന്നത്തെ വില. ഉയര്ന്ന വിലയിലെത്തിയ സാഹചര്യത്തില് വിറ്റഴിച്ച് ലാഭംകൊയ്യല് നടക്കാന് സാധ്യതയുണ്ട്. അത് സംഭവിച്ചാല് സ്വര്ണത്തിന് നേരിയ വിലക്കുറവ് വന്നേക്കും. എന്നാല് ഇത് സ്ഥിരമായ വിലക്കുറവ് ആകില്ല. പകരം വീണ്ടും ആവശ്യക്കാര് ഏറുമ്പോള് സ്വര്ണവില കുതിക്കുകയും ചെയ്യും.
നാലു കാര്യങ്ങളാണ് സ്വര്ണവില വര്ധിക്കാന് നിലവില് ചൂണ്ടിക്കാട്ടുന്ന ഘടകങ്ങള്. അമേരിക്ക വെനസ്വേല പ്രശ്നം, അമേരിക്ക ഉയര്ത്തിയ വ്യാപാര ചുങ്ക തര്ക്കം, ചൈന തായ്വാന് പ്രശ്നം, ഇറാനിലെ പ്രക്ഷോഭം. ഡോളര് സൂചിക 98.50 എന്ന നിരക്കിലാണ് ഇന്ന് വ്യാപാരം. ഡോളറിനെതിരെ ഇന്ത്യന് രൂപയുടെ മൂല്യം 90.15 ആയിട്ടുണ്ട്. സ്വര്ണവില നിശ്ചയിക്കുന്നതില് പ്രധാനമാണ് ഡോളര്-രൂപ മൂല്യം.
-
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
സ്വര്ണ വിപണി ദുബായില് നിന്ന് മാറുമോ? ഏഷ്യയിലെ ഗോള്ഡ് ഹബ്ബാകാന് സിംഗപ്പൂര് -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വർണ വില പവന് 50,000 ആയി കുറയില്ല, 50,000 കൂടും; വിൽക്കല്ലേ..നിക്ഷേപകർ ചെയ്യേണ്ടത് ഇതാണ് -
സ്വർണം ഇനിയും താഴേക്ക് പോകുമെന്നത് സ്വപ്നം മാത്രം; 1.40 ലക്ഷത്തിലേക്ക്..പണിതരുന്നത് ചൈന അടക്കമുള്ള രാജ്യങ്ങൾ -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
കേരളത്തില് വീണിട്ടും ഗള്ഫില് സ്വര്ണത്തിന് അനക്കമില്ല...; ഇന്നത്തെ ഗ്രാം വില ഇങ്ങനെ
Click it and Unblock the Notifications
Sign in with Google