തന്റെ ജീവന് ഭീഷണിയുള്ളതായി സ്വപ്നാ സുരേഷ് കോടതിയില്
കൊച്ചി: തന്റെ ജീവന് ഭീഷണിയുണ്ടെന്ന് സ്വര്ണക്കടത്ത് കേസ് പ്രതി സ്വപ്ന സുരേഷ് കോടതിയില് പറഞ്ഞു. പൊലീസ് ഉദ്യോഗസ്ഥരെന്ന് തോന്നുന്ന ചിലര് ജയിലില് എത്തി തന്നെ കണ്ടു. കേസുമായി ബന്ധമുള്ള ഉന്നതരുടെ പേരുകള് പറയരുതെന്ന് ആവശ്യപ്പെട്ടു. തന്നെയും കുടുംബത്തേയും അപകടപ്പെടുത്താന് ശേഷിയുള്ളവരാണ് തങ്ങളെന്ന് അവര് മുന്നറിയിപ്പ് നല്കിയെന്നും സ്വപ്ന സുരേഷ് കോടതിയില് പറഞ്ഞു. അന്വഷണ ഏജന്സിയുമായി ഒരു തരത്തിലും സഹകരിക്കരുതെന്നും ഇവര് പറഞ്ഞതായി സ്വപ്ന പകോടതിയില് പറഞ്ഞു.
നവംബര് 25ന് മുമ്പ് പലതവണ തനിക്ക് ഭീഷണി വന്നതാണ്. തനിക്ക് സംരക്ഷണം വേണമെന്നും സ്വപ്ന ആവശ്യപ്പെട്ടു.കൊച്ചി അഡീഷ്ണല് സെക്ഷന്സ് കോടതിയിലാണ് ഇക്കാര്യങ്ങള് സ്വപ്ന വെളിപ്പെടുത്തിയത്. തനിക്കും കുടുംബാംഗങ്ങള്ക്കും കോടതി ഇടപെട്ട് സംരക്ഷണം ഉറാപ്പാക്കണമെന്നാവശ്യപ്പെട്ട് സ്വപ്ന കോടതിയില് ഹരജി നല്കി.
തിരുവനന്തപുരം ആട്ടക്കുളങ്ങര ജയിലില് ആയിരുന്ന സമയത്താണ് തന്നെ ചിലര് വന്ന് കണ്ടത്. അവര് കാഴ്ച്ചയില് ജയില് പൊലീസ് ഉദ്യാഗസ്ഥരെന്ന് തോന്നുന്നവരാണ്. കസ്റ്റംസിന്റെ കസ്റ്റഡി കാലാവധി കഴിഞ്ഞാല് താന് പോകേണ്ടത് ആട്ടക്കുളങ്ങര ജയിലിലേക്കാണ് . അവിടെവെച്ച് തന്നെ അപായപ്പെടുത്താന് സാധ്യതയുണ്ടെന്നും അതിനാല് സംരക്ഷണം വേണമെന്നുമാണ് സ്വപ്ന കോടതിയില് ആവശ്യപ്പെട്ടത്.
Recommended Video