Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഫൈസല്‍ ഫരീദിനെ പിടിക്കാന്‍ വലവീശി കേന്ദ്രം; പാസ്‌പോര്‍ട്ട് റദ്ദാക്കി, വിലാസം ഇയാളുടേത് തന്നെ...
ദില്ലി: തിരുവനന്തപുരം വിമാനത്താവളത്തില്‍ യുഎഇ നയതന്ത്ര ബാഗേജ് വഴി സ്വര്‍ണം കടത്തിയ കേസില്‍ മൂന്നാം പ്രതിയായ ഫൈസല്‍ ഫരീദിനെ പിടികൂടാന്‍ ഇന്ത്യ ശ്രമം ഊര്‍ജിതമാക്കി. ഇയാളുടെ പാസ്‌പോര്‍ട്ട് കേന്ദ്രസര്‍ക്കാര്‍ റദ്ദാക്കി. കസ്റ്റംസ് വകുപ്പിന്റെ അഭ്യര്‍ഥന പരിഗണിച്ചാണ് വിദേശകാര്യ മന്ത്രാലയത്തിന്റെ നടപടി. ഇക്കാര്യം വിദേശകാര്യ മന്ത്രാലയം ആഭ്യന്തര മന്ത്രാലയത്തെയും ബ്യൂറോ ഓഫ് എമിഗ്രേഷനെയും അറിയിച്ചു. നിലവില്‍ ദുബായിലാണ് ഫൈസല്‍ ഫരീദ്. തൃശൂര്‍ സ്വദേശിയായ ഇയാള്‍ക്കെതിരെ എന്‍ഐഎ അപേക്ഷ പരിഗണിച്ച് കോടതി വാറണ്ട് പുറപ്പെടുവിച്ചിരുന്നു.
ഫൈസല്‍ ഫരീദിനെ ഉടന്‍ നാട്ടിലെത്തിക്കാനാണ് നീക്കം. യുഎഇയില്‍ നിന്ന് പുറത്തുകടക്കാന്‍ ഇയാള്‍ക്ക് ഇനി സാധിക്കില്ല. യുഎഇയിലെ താമസ രേഖകള്‍ പുതുക്കുന്നതിനും ഇനി സാധ്യമാകില്ല. ഇയാളെ ഇപ്പോള്‍ ദുബായിലെ താമസസ്ഥലത്ത് കാണാനില്ലെന്നാണ് റിപ്പോര്‍ട്ടുകള്‍. നേരത്തെ കേസില്‍ പേര് പുറത്തുവന്ന ആദ്യ ദിനത്തില്‍ ഫൈസല്‍ ഫരീദ് മാധ്യമങ്ങള്‍ മുമ്പിലെത്തി താന്‍ നിരപരാധിയാണെന്ന് അവകാശപ്പെട്ടിരുന്നു.
Recommended Video
എന്നാല്‍ തൃശൂര്‍ മൂന്നുപീടിക സ്വദേശിയായ ഫൈസല്‍ ഫരീദ് തന്നെയാണ് സ്വര്‍ണം അയച്ചതെന്ന് അന്വേഷണ സംഘം കണ്ടെതത്തി. മാത്രമല്ല, ഇയാളുടെ വിലാസം തന്നെയാണ് ബാഗേജിലുണ്ടായിരുന്നത് എന്നും കണ്ടെത്തി. ഇതോടെയാണ് അറസ്റ്റ് വാറണ്ട് പുറപ്പെടുവിച്ചത്. തൊട്ടുപിന്നാലെ ഇയാളെ ദുബായിലെ താമസസ്ഥലത്ത് നിന്ന് കാണാതായി. മറ്റേതെങ്കിലും രാജ്യത്തേക്ക് കടക്കുന്നത് തടയുക എന്ന ലക്ഷ്യത്തോടെയാണ് കേന്ദ്രസര്‍ക്കാര്‍ പാസ്‌പോര്‍ട്ട് റദ്ദാക്കിയിരിക്കുന്നത്.
