കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഫായിസിന്റെ കാമുകിയാണെന്ന് ശ്രവ്യ സുധാകര്‍

  • By Lakshmi
Google Oneindia Malayalam News

നെടുമ്പാശേരി സ്വര്‍ണക്കടത്ത് കേസുമായി ബന്ധപ്പെട്ട് നടിയും മോഡലുമായ ശ്രവ്യ സുധാകറിനെ സിബിഐ ചോദ്യംചെയ്തു. സിനിമയില്‍ അഭിനയിപ്പിക്കാമെന്ന് പറഞ്ഞ് ഫായിസ് തന്നെ വഞ്ചിയ്ക്കുകയായിരുന്നുവെന്നും താന്‍ അയാളുമായി പ്രണയത്തിലായിരുന്നുവെന്നും ശ്രവ്യ സിബിഐയോട് പറഞ്ഞുവെന്നാണ് വിവരം.

സിനിമയില്‍ അഭിനയിപ്പിക്കാമെന്ന് വാക്കു തന്നതിന്റെ പേരിലാണ് ഫായിസുമായി അടുത്തത്. വിദേശത്ത് നടന്ന ഒരു സ്റ്റേജ് ഷോയ്ക്കിടെ പ്രമുഖ നടിയാണ് ഫായിസിനെ പരിചയപ്പെടുത്തിയത്. പിന്നീട് അയാളുമായി കൂടുതല്‍ അടുത്തു. മാസത്തില്‍ അഞ്ചുതവണയില്‍ക്കൂടുതല്‍ ഫായിസിനൊപ്പം വിദേശയാത്രകള്‍ നടത്തിയിട്ടുണ്ട്- ശ്രവ്യ പറഞ്ഞു.

Shravya Sudhakar

ശൃംഗാരവേലനില്‍ നായികയാക്കാമെന്ന് വാക്കു നല്‍കിയിരുന്നു. പക്ഷേ സെറ്റില്‍ ചെന്നപ്പോഴാണ് വളരെ ചെറിയ റോളാണെന്ന് മനസിലായത്. ഇതിന്റെ പേരില്‍ ഫായിസുമായി പിണങ്ങിയിരുന്നു. പിന്നീട് അയാള്‍ വീണ്ടും നിര്‍ബ്ബന്ധിച്ചതുകൊണ്ടാണ് ആ ചിത്രത്തില്‍ അഭിനയിച്ചത്. അയാളുടെ സ്വര്‍ണക്കടത്ത് ബന്ധങ്ങളെക്കുറിച്ച് അറിയില്ല- ശ്രവ്യ പറഞ്ഞു.

കേസിന്റെ തുടക്കം മുതല്‍ തന്നെ ശ്രവ്യയും ഫായിസും തമ്മിലുള്ള ബന്ധത്തില്‍ അന്വേഷണോദ്യോഗസ്ഥര്‍ക്ക് സംശയമുണ്ടായിരുന്നു. സ്വര്‍ണം കടത്താന്‍ ഫായിസ് ശ്രവ്യയെ ഉപയോഗിച്ചോ എന്നതുസംബന്ധിച്ച് അന്വേഷണം തുടരുകയാണ്. ഫായിസും ശ്രവ്യയും തമ്മിലുള്ള ഫോണ്‍സംസാരത്തിന്റെ രേഖകള്‍ സിബിഐയുടെ പക്കലുണ്ട്. ശ്രവ്യയില്‍ നിന്നും ലഭിച്ച വിവരങ്ങള്‍ വച്ചുള്ള അന്വേഷണം തുടര്‍ന്നാല്‍ സ്വര്‍ണക്കടത്തില്‍ ബന്ധമുള്ള കൂടുതല്‍ സിനിമാക്കാരെ കണ്ടെത്താന്‍ കഴിയുമെന്ന പ്രതീക്ഷയിലാണ് അന്വേഷണ സംഘം. ശ്രവ്യയെ പ്രധാനസാക്ഷിയാക്കുമെന്നാണ് സൂചന. ഇവരെ സിബിഐ വീണ്ടും ചോദ്യം ചെയ്യും.

English summary
The anti-corruption wing of the CBI on Monday questioned model Shravya Sudhakar on her connection with the Nedumbassery gold smuggling case.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X