കൊല്ലത്ത് ഗുഡ്സ് ട്രെയിൻ പാളം തെറ്റി; ഇരുദിശകളിലേക്കുമുള്ള ഗതാഗതം താറുമാറായി,ട്രെയിനുകൾ വൈകുന്നു...
കൊല്ലത്തു നിന്ന് തിരുവനന്തപുരം ഭാഗത്തേക്കും, കായംകുളം ഭാഗത്തേക്കുമുള്ള ട്രെയിൻ ഗതാഗതം താറുമാറായി.
തിരുവനന്തപുരം: കൊല്ലത്ത് ഗുഡ്സ് ട്രെയിൻ പാളം തെറ്റി. രാവിലെ നാലു മണിയോടെയാണ് ഗുഡ്സ് ട്രെയിൻ പാളം തെറ്റിയത്. ഇതോടെ കൊല്ലത്തു നിന്ന് തിരുവനന്തപുരം ഭാഗത്തേക്കും, കായംകുളം ഭാഗത്തേക്കുമുള്ള ട്രെയിൻ ഗതാഗതം താറുമാറായി.
സൗദിയിൽ മലയാളി കുടുംബം സഞ്ചരിച്ച വാഹനം അപകടത്തിൽപ്പെട്ടു; രണ്ട് സ്ത്രീകൾ മരിച്ചു...
പല ട്രെയിനുകളും മണിക്കൂറുകളോളം പല സ്റ്റേഷനുകളിലായി പിടിച്ചിട്ടു. മംഗലാരപുരത്തേക്കുള്ള നാഗർകോവിൽ-മംഗലാപുരം ഏറനാട് എക്സ്പ്രസ്, തിരുവനന്തപുരത്ത് നിന്നും കോഴിക്കോട്ടേക്കുള്ള ജനശതാബ്ദി എക്സ്പ്രസ്, പാലക്കാട് നിന്നും തിരുവനന്തപുരത്തേക്കുള്ള അമൃത എക്സ്പ്രസ് എന്നീ ട്രെയിനുകളാണ് വൈകുന്നത്.
പാളം തെറ്റിയ ഗുഡ്സ് ട്രെയിനിന്റെ ബോഗികൾ നീക്കം ചെയ്യാനുള്ള ശ്രമങ്ങൾ പുരോഗമിക്കുകയാണ്. ബോഗികൾ മാറ്റി ഗതാഗതം എത്രയും പെട്ടെന്ന് പുന:സ്ഥാപിക്കാനാണ് റെയിൽവേ അധികൃതരുടെ ശ്രമം. ഒരു പാതയിൽക്കൂടി നിലവിൽ ട്രെയിനുകൾ കടത്തിവിടുന്നുണ്ട്.
ട്രെയിൻ ഗതാഗതം മണിക്കൂറുകൾക്കം സുഗമമാക്കാൻ കഴിഞ്ഞില്ലെങ്കിൽ കൊല്ലം-തിരുവനന്തപുരം പാതയിൽ സർവ്വീസ് നടത്തുന്ന പാസഞ്ചർ ട്രെയിനുകൾ റദ്ദാക്കാനും സാദ്ധ്യതയുണ്ട്. ട്രെയിൻ ഗതാഗതം താറുമാറായതോടെ പല യാത്രക്കാരും ബസുകളെ ആശ്രയിക്കുകയാണ്.