ഷെയ്ന് നിഗം സിനിമയുടെ ലൊക്കേഷനില് ഗുണ്ടാ ആക്രമണം; പ്രൊഡക്ഷന് മാനേജര്ക്ക് മര്ദ്ദനം
കോഴിക്കോട്: സിനിമാ ലൊക്കേഷനില് ഗുണ്ടാ ആക്രമണം. ഷെയ്ന് നിഗം നായകനാകുന്ന ഹാല് എന്ന സിനിമയുടെ ഷൂട്ടിങ് ലൊക്കേഷനിലാണ് സംഭവം. ഇന്നലെ രാത്രിയോടെ എത്തിയ ഗുണ്ടാ സംഘം പ്രൊഡക്ഷന് മാനേജരെ ക്രൂരമായി മര്ദ്ദിക്കുകയായിരുന്നു. ഇന്നലെ രാത്രി 11 മണിയോടെ കോഴിക്കോട് മലാപറമ്പില് വെച്ചായിരുന്നു ആക്രമണം. ഇവിടെ സിനിമാ ചിത്രീകരണത്തിന്റെ ഭാഗമായി ലൊക്കേഷന് ഒരുക്കിയിട്ടുണ്ട്.
പ്രൊഡക്ഷന് മാനേജര് ടി ടി ജിബുവിനാണ് മര്ദനമേറ്റത്. ജിബുവിന്റെ പരാതിയില് അഞ്ച് പേര്ക്കെതിരെ പൊലീസ് കേസെടുത്തിട്ടുണ്ട്. അബു ഹംദാന്, ഷബീര് എന്നിവരും മറ്റു മൂന്നു പേരും ചേര്ന്നാണ് മര്ദിച്ചത് എന്ന് ജിബു പറയുന്നു. ഷൂട്ടിംഗ് ലൊക്കേഷനില് നിന്ന് ജിബുവിനെ വലിച്ചിറക്കിയ സംഘം റോഡരികില് വെച്ചാണ് മര്ദിച്ചത്. മര്ദ്ദനത്തിനിടെ ജിബുവിന് ലോഹവള കൊണ്ട് ഇടിയേറ്റു.
കത്തികൊണ്ട് കുത്തി കൈയ്ക്ക് പരുക്കേല്പ്പിക്കുകയും ചെയ്തിട്ടുണ്ട് എന്നും ജിബു പൊലീസിനോട് പറഞ്ഞു. ഇടതുമുട്ടിന് താഴെ പോറലേറ്റിട്ടുണ്ട്. ബൈക്ക് വാടകയുമായി ബന്ധപ്പെട്ട തര്ക്കമാണ് ആക്രമണത്തിന് കാരണം എന്നാണ് വിവരം. സിനിമയുടെ ആവശ്യത്തിന് അണിയറപ്രവര്ത്തകര് ബൈക്ക് വാടകയ്ക്ക് എടുത്തിരുന്നു. എന്നാല് വാടകയായി വന് തുകയാണ് ചോദിച്ചത്.
ഇത്രയും വലിയ തുക നല്കാന് സാധിക്കില്ലെന്ന് അറിയിച്ചതോടെയാണ് അബു ഹംദാന്റെ നേതൃത്വത്തിലെത്തിയ സംഘം ലൊക്കേഷനില് ആക്രമണം നടത്തിയത്. കോഴിക്കോട് മലാപ്പറമ്പ് ഇഖ്ര ഹോസ്പിറ്റലിന് എതിര് വശത്തുള്ള ഒരു കെട്ടിടത്തിലാണ് ചിത്രത്തിന്റെ ഷൂട്ടിംഗ് നടക്കുന്നത്. ജിബുവിന്റെ പരാതിയെ തുടര്ന്ന് സംഭവത്തില് നടക്കാവ് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
ഷെയ്ന് നിഗത്തിനെ നായകനാക്കി വീര സംവിധാനം ചെയ്യുന്ന 'ഹാല്' എന്ന ചിത്രത്തിന്റെ ഷൂട്ടിംഗിനിടെയാണ് ആക്രമണം. ജെവിജെ പ്രൊഡക്ഷന്സിന്റെ ബാനറില് ഒരുങ്ങുന്ന ഹാല് സംഗീതത്തിന് പ്രാധാന്യം നല്കി ഒരുക്കുന്ന ഒരു പ്രണയകഥയാണ്. ഓര്ഡിനറി, മധുര നാരങ്ങ, തോപ്പില് ജോപ്പന്, ശിക്കാരി ശംഭു എന്നീ ചിത്രങ്ങള്ക്ക് ശേഷം നിഷാദ് കോയ രചന നിര്വഹിക്കുന്ന ചിത്രമാണ് ഹാല്.
ഷെയ്ന് നിഗത്തിന്റെ സമീപകാല ചിത്രങ്ങളില് ഏറ്റവും വലിയ ബഡ്ജറ്റില് ഒരുങ്ങുന്ന ചിത്രം കൂടിയാണിത്. ഹിന്ദി, തെലുങ്ക്, തമിഴ്, കന്നഡ ഭാഷകളില് ഒരേ സമയം റിലീസ് പ്ലാന് ചെയ്യുന്ന ചിത്രത്തിലെ നായികയാകുന്നത് തെലുങ്ക് നടി വൈദ്യ സാഷിയാണ്. കോഴിക്കോട് നഗരത്തില് റാപ്പ് മ്യൂസിക്കുമായി ബന്ധപ്പെട്ടു പ്രവര്ത്തിക്കുന്ന ഒരു മ്യൂസിക്ക് ഗ്രൂപ്പിലെ അംഗത്തെയാണ് ഷെയ്ന് ചിത്രത്തില് അവതരിപ്പിക്കുന്നത്.
-
പ്രഹസനം സമ്മതിച്ചല്ലോയെന്ന് വിടി ബൽറാം, ഒന്നും അറിയില്ലല്ലേയെന്ന് എംബി രാജേഷ്..ഫേസ്ബുക്ക് പോര് കനക്കുന്നു -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല" -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ?
Click it and Unblock the Notifications
Sign in with Google