മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്; ഇന്നോവയ്ക്ക് പകരം 33 ലക്ഷത്തിന്റെ കിയ കാര്ണിവല്
തിരുവനന്തപുരം: മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്. 33 ലക്ഷം രൂപ ചെലവാക്കി പുതിയ കാര് വാങ്ങുന്നു. ആറു മാസം മുമ്പ് വാങ്ങിയ കറുത്ത ഇന്നോവ ക്രിസ്റ്റ കാറുകള്ക്ക് പുറമേയാണ് പുതിയ കാര് വാങ്ങിക്കുന്നത്. കൊറിയന് വാഹന നിര്മാതാക്കളായ കിയയുടെ കാര്ണിവല് സീരിസിലെ ലിമോസിന് കാര് ആണ് പുതുതായി വാങ്ങുന്നത്. കൂടുതല് സുരക്ഷാ സംവിധാനമുള്ള വാഹനമെന്ന് പറഞ്ഞാണ് പുതിയ കാര് വാങ്ങാനുള്ള തീരുമാനം.
സംസ്ഥാന പോലീസ് മേധാവിയുടെ ശുപാര്ശ പരിഗണിച്ചാണ് മുഖ്യമന്ത്രിയുടെ വാഹനവ്യൂഹത്തിലേക്ക് 33 ലക്ഷം മുടക്കി പുതിയ കിയ കാര്ണിവല് 8എടി ലിമോസിന് പ്ലസ് 7 കാര് വാങ്ങുന്നത്. ഇതുസംബന്ധിച്ച ആഭ്യന്തര സെക്രട്ടറി ടികെ ജോസിന്റെ ഉത്തരവ് ഈ മാസം 24ന് പുറത്തിറങ്ങി.2022 ജനുവരിയില് മുഖ്യമന്ത്രിയുടെ വാഹനവ്യൂഹത്തിലേക്ക് മൂന്ന് കറുത്ത ഇന്നോവ ക്രിസ്റ്റ കാറുകളും ഒരു ടാറ്റ ഹാരിയര് കാറും വാങ്ങാന് ഉത്തരവ് ഇറക്കിയിരുന്നു.
ഈ ഉത്തരവ് പുതുക്കിയാണ് കിയ ലിമോസിന് വാങ്ങുന്നത്. നേരത്തെ മൂന്ന് ഇന്നോവ ക്രിസ്റ്റയും ടാറ്റ ഹാരിയറും വാങ്ങാന് 62.46 ലക്ഷം രൂപയാണ് അനുവദിച്ചത്.ഇതിലെ ടാറ്റ ഹാരിയര് ഒഴിവാക്കിയാണ് കിയ ലിമോസിന് വാങ്ങുന്നത്.
'ഇനിയെത്ര ചരിത്രം വഴിമാറാന് ഇരിക്കുന്നു പ്രിയ കുഞ്ഞാക്കൂ'; ഹൃദയംതൊട്ട് അഭിനന്ദിച്ച് മന്ത്രി
ഇതോടെ പുതിയ ഉത്തരവില് ആകെ ചെലവ് 88.69 ലക്ഷമായി. കാര്ണിവലിന്റെ വില മാത്രം 33.31 ലക്ഷം രൂപയാണ്.നിലവില് ഉള്ള മൂന്ന് ക്രിസ്റ്റ കാറുകളും പുതുതായി വാങ്ങുന്ന കിയ കാര്ണിവലും മുഖ്യമന്ത്രിയുടെ പൈലറ്റ് എസ്കോര്ട്ട് ഡ്യൂട്ടിക്കാണ്.