ശബരിമലയിൽ വിശ്വാസവേട്ട നടത്തിയ സർക്കാർ ഇപ്പോൾ വിശ്വാസികളെ കബളിപ്പിക്കുന്നുവെന്ന് സുരേന്ദ്രൻ

തിരുവനന്തപുരം; സീതാറാം യെച്ചൂരി ശബരിമലയിൽ നിലപാട് മാറ്റിയില്ലെന്ന് തുറന്ന് പറഞ്ഞതോടെ സിപിഎമ്മിൻ്റെ തനിനിറം പുറത്തായെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ. ശബരിമലയിൽ വിശ്വാസവേട്ട നടത്തിയ സർക്കാർ ഇപ്പോൾ വിശ്വാസികളെ കബളിപ്പിക്കാൻ ശമിക്കുകയാണ്.
കടകംപള്ളി ശബരിമലയിൽ തെറ്റുപറ്റിയെന്ന് പറഞ്ഞത് തട്ടിപ്പാണെന്ന് ഞങ്ങൾ അന്നേ പറഞ്ഞിരുന്നു. അയ്യപ്പ വിശ്വാസികളിൽ പ്രവർത്തിക്കുന്നത് അയ്യപ്പന്റെ ബുദ്ധിയാണെന്ന് പിണറായിയും കൂട്ടരും മറക്കരുതെന്നും സുരേന്ദ്രൻ പറഞ്ഞു.

കോന്നി നിയോജക മണ്ഡലത്തിൽ പട്ടയം കിട്ടാത്ത 6,000 ത്തിലേറെ കുടുംബങ്ങൾ ഉണ്ടെന്നും വിജയിച്ചു കഴിഞ്ഞാലുടൻ അവർക്ക് പട്ടയം ലഭ്യമാക്കാൻ നടപടി സ്വീകരിക്കുമെന്നും സുരേന്ദ്രൻ പറഞ്ഞപ.. 4,000 ത്തോളം തൊഴിലാളികൾ മണ്ഡലത്തിലെ ലയങ്ങളിൽ താമസിക്കുന്നുണ്ട്. അടിയന്തിര പ്രാധാന്യത്തോടെയാണ് ഇവരുടെ വിഷയങ്ങളെ കാണുന്നത്.

പതിനായിരക്കണക്കിനാളുകൾ വൈദ്യുതിയും വെള്ളവും ഇല്ലാതെ താമസിക്കുന്ന പിന്നോക്ക മണ്ഡലമാണ് കോന്നി. എൻഡിഎക്ക് അവസരം ലഭിച്ചാൽ മോദി സർക്കാരിൻ്റെ സഹായത്തോടെ വലിയ വികസനങ്ങൾ കോന്നിയിൽ കൊണ്ടുവരാൻ സാധിക്കും. കോന്നിയെ കേരളത്തിലെ ഏറ്റവും മികച്ച മണ്ഡലമാക്കി മാറ്റുകയെന്ന ദൗതൃത്തിലാണ് എൻഡിഎയെന്നും സുരേന്ദ്രൻ പറഞ്ഞു.

English summary

government which conducted a faith hunt in Sabarimala is now deceiving the believers says surendran