സന്തോഷ് ട്രോഫി; കേരളത്തിന് അഭിനന്ദന പ്രവാഹം, ആശംസകളറിയിച്ച് മമ്മൂട്ടിയും ഗവർണറും!
തിരുവനന്തപുരം: പതിമൂന്ന് വർഷത്തിന് ശേഷം സന്തോഷ് ട്രോഫി സ്വന്തമാക്കിയ കേരള ടീമിനെ അഭിനന്ദിച്ച് നടൻ മമ്മൂട്ടിയും കേരള ഗവർണർ ജസ്റ്റിസ് പി സദാശിവവും. മമ്മൂട്ടി തന്റെ ഫേസ്ബുക്ക് പേജിലൂടെയാണ് അഭിനന്ദനങ്ങൾ അറിയിച്ചത്. അതേസമയം കേരള ഗവർണർ ട്വിറ്ററിലൂടെ ആശസംകൾ അറിയിച്ചു.
പതിനാലു വർഷത്തിനു ശേഷം സന്തോഷ് ട്രോഫി സ്വന്തമാക്കിയ കേരള ടീമിന് അഭിനന്ദനങ്ങൾ എന്നാണ് മമ്മൂട്ടി ഫേസ്ബുക്ക് പേജിൽ കുറിച്ചത്. പതിനാലു വര്ഷത്തിനു ശേഷം കൈവരിച്ച ഈ വിജയത്തിലൂടെ ഇന്ത്യന് ഫുട്ബോള് രംഗത്ത് കേരളത്തിന്റെ ആധിപത്യം പുനഃസ്ഥാപിക്കാനായെന്നും ഗവര്ണര് പറഞ്ഞു. മുഖ്യമന്ത്രി പിണറായി വിജയനും നേരത്തെ ആശംസകളുമായി രംഗത്ത് വന്നിരുന്നു. ആവേശകരമായ മത്സരത്തിലൂടെ പെനാല്ട്ടി ഷൂട്ടൗട്ടില് ബംഗാളിനെ തോല്പ്പിച്ച് നേടിയ ഈ കീരിട നേട്ടം കേരളത്തിന് അഭിമാനവും ആവേശവുമാണെന്നാണ് പിണറായി പറഞ്ഞത്.
കേരളത്തിനായി കപ്പുയര്ത്തിയ ടീം അംഗങ്ങള്ക്ക് അര്ഹമായ പാരിതോഷികം നല്കുമെന്ന് കായിക മന്ത്രി എസി മൊയ്തീന് അറിയിച്ചിരുന്നു. ഗ്രൂപ്പ് മല്സരങ്ങളിലടക്കം ഒറ്റമത്സരം പോലും തോല്ക്കാതെ കേരളംചാമ്പ്യന്മാരായത് ഏറെ അഭിമാനകരമാണ്. 14 വര്ഷത്തിന് ശേഷം ആറാമത്തെ തവണ നേടിയ ഈ കീരിട നേട്ടം കായിക കേരളത്തിന് ആവേശകരമാണെന്നും മന്ത്രി പറഞ്ഞു. ഈ വിജയത്തിന് പിന്നില് പ്രവര്ത്തിച്ച കളിക്കാരെയും പരിശീലകരേയും മാനേജരെയും അഭിനന്ദിക്കുന്നു. സന്തോഷത്തില്പങ്ക് ചേരുന്നുവെന്നും എസി മൊയ്തീന് നേരത്തെ വ്യക്തമാക്കിയിരുന്നു.
സന്തോഷ് ട്രോഫി നേടിയ കേരള ടീമിന് എന്റെ ഹൃദയം നിറഞ്ഞ അനുമോദനം. പതിനാലു വർഷത്തിനു ശേഷം കൈവരിച്ച ഈ വിജയത്തിലൂടെ ഇൻഡ്യൻ ഫുട്ബോൾ രംഗത്ത് കേരളത്തിന്റെ ആധിപത്യം പുന സ്ഥാപിക്കാനായി #സന്തോഷ്ട്രോഫി #കേരളം
— Kerala Governor (@KeralaGovernor) April 1, 2018