Click it and Unblock the Notifications
Just In
Don't Miss
-
IPL 2024: കണക്കുവീട്ടാന് സിഎസ്കെ, ജയം തുടരാന് ലഖ്നൗ- ടോസ് 7 മണിക്ക് -
മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര് -
18 മാസം കൊണ്ട് 108 കിലോ കുറച്ചത് വെറുതേയായി; വീണ്ടും തടി കൂടി ആനന്ദ് അംബാനി; കാരണം ഇത് -
1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കടകംപള്ളി ഭൂമി തട്ടിപ്പ്; സലിം രാജിനെ പ്രോസിക്യൂട്ട് ചെയ്യും...
തിരുവനന്തപുരം: കടകംപള്ളി ഭൂമി തട്ടിപ്പ് കേസില്‍ മുന്‍ മുഖ്യമന്ത്രി ഉമ്മന്‍ചാണ്ടിയുടെ ഗണ്‍മാനായിരുന്ന സലീം രാജിനെ പ്രോസിക്യൂട്ട് ചെയ്യും. സലിം രാജിനെ പ്രോസിക്യൂട്ട് ചെയ്യാന്‍ അഡീഷണല്‍ ചീഫ് സെക്രട്ടറിയാണ് അനുമതി നല്‍കിയത്.
ഏറെ വിവാദമായ കടകംപള്ളി ഭൂമി തട്ടിപ്പ് കേസിലെ ഇരുപത്തിയൊന്നാം പ്രതിയാണ് സലിം രാജ്. സിബിഐ അന്വേഷണത്തില്‍ സലിം രാജിന്റെ പങ്ക് വ്യക്തമായിരുന്നു. എന്നാല്‍ കേസില്‍ 21 മുതല്‍ 27 വരെയുള്ള പ്രതികള്‍ സര്‍ക്കാര്‍ ഉദ്യോഗസ്ഥരായതിനാല്‍ ഇവരെ സിബിഐക്ക് പ്രോസിക്യൂട്ട് ചെയ്യാന്‍ സാധിച്ചില്ല. തുടര്‍ന്ന് സിബിഐ പ്രോസിക്യൂഷന് അനുമതി തേടുകയായിരുന്നു.
കടകംപള്ളി ഭൂമി തട്ടിപ്പുമായി ബന്ധപ്പെട്ട് 14 കോടിയുടെ തട്ടിപ്പ് നടന്നിട്ടുണ്ടെന്നാണ് സിബിഐ കണ്ടെത്തിയിട്ടുള്ളത്. തിരുവനന്തപുരത്ത് കഴക്കൂട്ടത്തിനടുത്ത് കടകംപള്ളി വില്ലേജില്‍ 44.5 ഏക്കര്‍ ഭൂമി സര്‍ക്കാര്‍ ഉദ്യോഗസ്ഥരുടെ ഒത്താശയോടെ വ്യാജ രേഖയുണ്ടാക്കി തട്ടിയെടുക്കാന്‍ ശ്രമിച്ചെന്നാണ് കേസ്.
വ്യാജ രേഖയുണ്ടാക്കാനും ഭൂമിയുടെ തണ്ടപ്പേര് മാറ്റാനുമായി മാത്രം 60 ലക്ഷം രൂപയാണ് പ്രതികള്‍ ചെലവഴിച്ചത്. കടകംപള്ളി വില്ലേജ് ഓഫീസറടക്കം കേസിലെ പ്രധാന പ്രതികളാണ്. മുഖ്യമന്ത്രിയുടെ ഓഫീസിലെ സ്വാധീനം കൊണ്ടും ഉമ്മന്‍ചാണ്ടിയുടെ വിശ്വസ്ഥന്‍ എന്ന തലത്തിലും സലിം രാജിന് ഭൂമി തട്ടിപ്പില്‍ വലിയ പങ്കുണ്ടായിരുന്നു.
സര്‍ക്കാര്‍ തലത്തിലെ ഇടപെടലുകള്‍ക്ക് സലിം രാജ് തന്‍രെ ബന്ധം ഉപയോഗിച്ചുവെന്നും ഉമ്മന്‍ചാണ്ടിയുടെ ഓഫീസ് വഴിവിട്ട് സഹായിച്ചുവെന്നും ആരോപണമുയര്‍ന്നിരുന്നു. ഹൈക്കോടതിയില്‍ തട്ടിപ്പ് കേസിലെ പ്രതിയായ സലിംരാജിന് വേണ്ടി സര്‍ക്കാരിന്റെ അന്റോര്‍ണി ജനറല്‍ ഹാജരായതുമെല്ലാം വലിയ വിവാദമായിരുന്നു.
