Click it and Unblock the Notifications
Just In
Don't Miss
-
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
'നടുക്ക് കേറി നിന്നിട്ടും കാര്യമില്ലാതെയായല്ലോ, ബിഗ് ബോസ് പണവുമായി ചെല്ലുമ്പോൾ സമൂഹത്തിൽ വിലയില്ലാതാകും' -
ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ -
IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും? -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം -
കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം
കള്ളുഷാപ്പുകളുടെ ലൈസന്സ് നീട്ടി നല്‍കി; എന്‍ഡോസള്‍ഫാന്‍ ഇരകള്‍ക്ക് 56 കോടി
ഡിഎംആര്‍സി മുഖ്യ ഉപദേഷ്ടാവ് ഇ ശ്രീധരന്‍ പഠിച്ച പാലക്കാട് ചാത്തന്നൂര്‍ എല്‍പി സ്‌കൂളില്‍ പുതിയതായി ക്ലാസ് മുറികള്‍ നിര്‍മിക്കുന്നതിന് ഡിഎംആര്‍സിയെ ചുമതലപ്പെടുത്തി.
തിരുവനന്തപുരം: കള്ളുഷാപ്പ് ലൈസന്സ് മൂന്ന് മാസത്തേക്ക് നീട്ടി നല്‍കാന്‍ മന്ത്രിസഭാ തീരുമാനം. പുതിയ മദ്യനയം പ്രഖ്യാപിക്കാന്‍ വൈകുന്ന പശ്ചാത്തലത്തിലാണ് നടപടി. നിലവിലുള്ള നിരക്കിന്റെ ആനുപാതികമായ ലൈസന്സ് ഫീസ് ഈടാക്കിയാവും നീട്ടി നല്‍കല്‍.
ഏപ്രില്‍ ഒന്നുമുതല്‍ മൂന്ന് മാസത്തേക്കാണ് കള്ള് ഷാപ്പുകളുടെ ലൈസന്സ് ദീര്‍ഘിപ്പിച്ചുനല്‍കുന്നത്. എന്‍ഡോസള്‍ഫാന്‍ ഇരകള്‍ക്ക് 56.76 കോടി രൂപ അനുവദിക്കാനും മന്ത്രിസഭാ യോഗം തീരുമാനിച്ചു. മൂന്നാം ഗഡുവായാണ് ഇത്രയും തുക അനുവദിക്കുന്നത്.
ദുരിത ബാധിതരുടെ പട്ടികയിലുള്ള പൂര്‍ണമായും കിടപ്പിലായവര്‍ക്കും ബുദ്ധിമാന്ദ്യം സംഭവിച്ചവര്‍ക്കും മരിച്ചവരുടെ ആശ്രിതര്‍ക്കും അഞ്ചുലക്ഷം രൂപ വീതം നല്‍കാന്‍ നേരത്തെ തീരുമാനിച്ചിരുന്നു. വൈകല്യമുള്ളവര്‍ക്കും കാന്‍സര്‍ ബാധിതര്‍ക്കും മൂന്ന് ലക്ഷമാണ് നല്‍കുക. ഈ സംഖ്യ ഘഡുക്കളായി നല്‍കാനായിരുന്നു സര്‍ക്കാര്‍ തീരുമാനം. നേരത്തെ രണ്ടു ഘഡുക്കള്‍ നല്‍കിയിരുന്നു.
പതിമൂന്നാം പദ്ധതിയിലെ ആദ്യ ഗ്രാമസഭാ യോഗങ്ങള്‍ ഏപ്രില്‍ രണ്ട് മുതല്‍ ഒമ്പതുവരെ നടക്കും. സര്‍ക്കാരിന്റെ വികസന ദൗത്യങ്ങളായ ഹരിത കേരളം, ആര്‍ദ്രം, പൊതുവിദ്യാഭ്യാസ സംരക്ഷണ യജ്ഞം എന്നിവയുടെ പ്രവര്‍ത്തനങ്ങള്‍ക്ക് ഇതോടെ തുടക്കമാവും. മുഖ്യമന്ത്രി ഉള്‍പ്പെടെയുള്ള എല്ലാ മന്ത്രിമാരും സ്വന്തം ഗ്രാമസഭകളില്‍ പങ്കെടുക്കും.
മെട്രോ റെയില്‍ പദ്ധതികള്‍ക്ക് മികച്ച സംഭാവനകള്‍ നല്‍കിയ ഡിഎംആര്‍സി മുഖ്യ ഉപദേഷ്ടാവ് ഇ ശ്രീധരന്‍ പഠിച്ച പാലക്കാട് ചാത്തന്നൂര്‍ എല്‍പി സ്‌കൂളില്‍ പുതിയതായി ക്ലാസ് മുറികള്‍ നിര്‍മിക്കുന്നതിന് ഡിഎംആര്‍സിയെ ചുമതലപ്പെടുത്തി. പൊതുമരമാത്ത് ഫണ്ടില്‍ നിന്ന് ഈ പ്രവൃത്തിക്ക് 20 ലക്ഷം രൂപ അനുവദിച്ചു.
പത്താം ശമ്പള പരിഷ്‌കരണ കമ്മീഷന്‍ ശുപാര്‍ശ പ്രകാരമുള്ള ശമ്പളവും മറ്റ് ആനുകൂല്യങ്ങളും ലൈബ്രറി കൗണ്‍സിലിന് കീഴിലുള്ള ജീവനക്കാര്‍ക്കും അനുവദിക്കും. ഭക്ഷ്യസുരക്ഷാ നിയമം നടപ്പാക്കുന്ന പശ്ചാത്തലത്തില്‍ ഭക്ഷ്യവകുപ്പിന്റെ പ്രവര്‍ത്തനം കാര്യക്ഷമമാക്കുന്നതിന് 26 വാഹനങ്ങള്‍ വാങ്ങാനും അനുമതി നല്‍കി.
