വിവാഹദിനത്തില് വരന് കിട്ടിയ ഊരാക്കുടുക്ക്..ഊരിപ്പോരാന് ഫയര്ഫോഴ്സ് സഹായം തേടി
വിവാഹത്തിനെത്തിയ ബന്ധുക്കള് സ്നേഹത്തോടെ നല്കിയ സമ്മാനത്തില് ഇത്തരമൊരു അപകടം പതിയിരിക്കുന്നുണ്ടെന്ന് വരനും കൂട്ടരും കരുതിയിരുന്നില്ല.
കായംകുളം : വിവാഹദിനത്തില് വരന് കിട്ടിയത് എട്ടിന്റെ പണി. വിവാഹത്തിനെത്തിയ ബന്ധുക്കള് സ്നേഹത്തോടെ നല്കിയ സമ്മാനത്തില് ഇത്തരമൊരു അപകടം പതിയിരിക്കുന്നുണ്ടെന്ന് വരനും കൂട്ടരും കരുതിയിരുന്നില്ല. താലികെട്ട് കഴിഞ്ഞതിനു ശേഷമാണ് വരന് ഇക്കാര്യം അടുത്ത ബന്ധുവിനെ അറിയിച്ചത്. സുഹൃത്തുക്കള് നല്കുന്ന പണിയെക്കുറിച്ച് മാത്രമാണ് പലപ്പോഴും കേള്ക്കാറുള്ളത്. എന്നാല് ഇത്തവണ ബന്ധു നല്കിയ സമ്മാനമാണ് വരനെ പറ്റിച്ചത്.
വിവാഹത്തിനെത്തിയ ബന്ധുക്കളില് ആരോ നല്കിയ മോതിരമാണ് വരന് എട്ടിന്റെ പണിയായി മാറിയത്. താലി കെട്ടിനു ശേഷമുള്ള വരന്റെ അസ്വസ്ഥത ശ്രദ്ധയില്പ്പെട്ട ഫോട്ടോഗ്രാഫര് കാര്യം തിരക്കിയപ്പോഴാണ് വരന് തന്റെ കൈ കാണിച്ചത്. മോതിരം വിരലില് കുടുങ്ങി നീരു വച്ചതിന്റെ വേദനയായിരുന്നു വരന്റെ മുഖത്ത് കണ്ടത്. ഫയര് ഫോഴ്സിന്റെ സഹായത്തോടെ വിരലില് നിന്നും മോതിരം മുറിച്ചു മാറ്റിയതിനു ശേഷമാണ് വരന് വീണ്ടും പള്ളിയിലേക്കെത്തിയത്. അപ്പോഴാണ് വധു ഇക്കാര്യം അറിഞ്ഞത്.
വിവാഹദിനത്തില് വരന് കിട്ടിയ പണി
വിവാഹവുമായി ബന്ധപ്പെട്ട് വരനും വധുവിനും പണി കിട്ടുന്നത് സ്വാഭാവികമായ കാര്യമാണ്. സുഹൃത്തുക്കളും ബന്ധുക്കളും നല്കുന്ന സ്നേഹപൂര്വ്വമായ പണി ചിലപ്പോഴൊക്കെ അതിരു കടക്കാറുമുണ്ട്. അത്തരത്തിലൊരു പണിയാണ് നെടുമങ്ങാട് സ്വദേശിയായ ജോണി ജോണ്സന് ലഭിച്ചത്. വിവാഹത്തിന് ലഭിച്ച സമ്മാനമാണ് വിനയായി മാറിയത്.
ചടങ്ങിനു ശേഷം അസ്വസ്ഥനായ വരന്
കായംകുളം സെന്റ് ആന്റണീസ് പള്ളിയില് വെച്ച് വിവാഹിതനായ ജോണി ജോണ്സനാണ് വിവാഹ ചടങ്ങുകള്ക്ക് ശേഷം അസ്വസ്ഥത പ്രകടിപ്പിച്ചത്. ഫോട്ടോയെടുക്കുന്നതിനിടയില് ഫോട്ടോഗ്രാഫര് കാര്യം തിരക്കിയപ്പോഴാണ് ജോണ്സണ് കാരണം വെളിപ്പെടുത്തിയത്.
അസ്വസ്ഥതയ്ക്ക് പിന്നില്
വിവാഹ ചടങ്ങിനെത്തിയ ബന്ധുക്കളിലാരോ സമ്മാനിച്ച മോതിരം വിരലില് കുടുങ്ങി നീരു വെച്ചതായിരുന്നു പ്രശ്നം. മോതിരം ഈരിയെടുക്കാന് പഠിച്ച പണി പതിനെട്ടും പയറ്റി നോക്കിയെങ്കിലും കഴിഞ്ഞില്ല.
അടുത്ത ബന്ധുവിനെ കാര്യം അറിയിച്ചു
മോതിരം ഊരാന് കഴിയാതെ വന്നതോടെ അടുത്ത ബന്ധുവിനെ വിവരം അറിയിച്ച് ഫോട്ടോഗ്രാഫറോടൊപ്പം വരന് അടുത്തുള്ള ഫയര് സ്റ്റേഷനിലേക്ക് പോയി. പോകുന്ന കാര്യം വധുവിനോട് പോലും പറഞ്ഞിരുന്നില്ല.
വരനെ കാണാനില്ല
വിവാഹ ചടങ്ങുകള്ക്ക് ശേഷം വരന് പള്ളിയില് നിന്നും അപ്രത്യക്ഷനായ കാര്യം ശ്രദ്ധയില്പ്പെട്ടതോടെ വധുവും ബന്ധുക്കളും പരിഭ്രാന്തരായി തിരച്ചില് തുടങ്ങിയിരുന്നു.
മോതിരം മുറിച്ചു മാറ്റി
മോതിരം വിരലില് കുടുങ്ങി നീരുവെച്ചതിനാല് ഊരിയെടുക്കാന് കഴിയാത്തതിനെത്തുടര്ന്ന് മുറിച്ചു മാറ്റുകയായിരുന്നു. വിരലിന് പരിക്ക് പറ്റാതെ മോതിരം മുറിച്ച് മാറ്റിയതോടെയാണ് വരന് ആശ്വസമായത്.
വധുവിനെ അറിയിച്ചു
മോതിരം ഊരി മാറ്റിയതിനു ശേഷം തിരിച്ച് പള്ളിയിലെത്തിയതിനു ശേഷമാണ് വരന് ഇക്കാര്യം വധുവിനെ അറിയിച്ചത്. വരനെ കാണാതെ പരിഭ്രാന്തരായി നിന്ന ബന്ധുക്കള്ക്ക് കാര്യമറിഞ്ഞതോടെ ആശ്വാസമായി.
-
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ
Click it and Unblock the Notifications
Sign in with Google