തട്ടിക്കൊണ്ട് പോയി നഗ്ന ചിത്രമെടുത്ത് പണം തട്ടി!! ഗുണ്ട സംഘം പിടിയിൽ!!

പണം നൽകിയില്ലെങ്കിൽ നഗ്ന ചിത്രങ്ങളും വീഡിയോകളും പുറത്താക്കുമെന്ന് ഭീഷണിപ്പെടുത്തി പണം തട്ടുകയായിരുന്നു.

തൃശൂർ: യുവാവിനെ തട്ടിക്കൊണ്ട് പോയി നഗ്നചിത്രമെടുത്ത് ഭീഷണിപ്പെടുത്തി പണംതട്ടിയ ഗുണ്ടാ സംഘം പിടിയിൽ. തോക്കാട്ടുകരി ബിനോയിയെ തട്ടിക്കൊണ്ട് പോയി നഗ്നചിത്രങ്ങളും വീഡിയോയും പകർത്തി ഭീഷണിപ്പെടുത്തി 1.30 ലക്ഷം രൂപയും മൊബൈലും എടിഎം കാർഡും സ്വർണവും തട്ടിയെടുത്ത കോസിലാണ് അറസ്റ്റ്.

സോഷൻ, ടിജോയ്, ശ്രീക്കുട്ടൻ, ശരത്ത് എന്നിവരാണ് പിടിയിലായത്. ഒട്ടേറെ ക്രിമിനൽ കേസുകളിൽ പ്രതികളാണ് ഇവർ. മെയ് 21ന് രാത്രി ബിനോയ് ബന്ധുവിന്റെ വീട്ടിൽ പോകുന്നതിനിടെയായിരുന്നു സംഭവം.

സുഹൃത്തിനൊപ്പം ബൈക്കിൽ പോവുകയായിരുന്ന ബിനോയിയെ ബൈക്ക് തടഞ്ഞ് നിർത്തി തട്ടിക്കൊണ്ട് പോവുകയായിരുന്നു. ആളൊഴിഞ്ഞ സ്ഥലത്തു വച്ച് മർദിച്ച് അവശനാക്കിയ ശേഷം ചിത്രങ്ങളും വീഡിയോയും പകർത്തുകയായിരുന്നു.

പണം നൽകിയില്ലെങ്കിൽ നഗ്ന ചിത്രങ്ങളും വീഡിയോകളും പുറത്താക്കുമെന്ന് ഭീഷണിപ്പെടുത്തി പണം തട്ടുകയായിരുന്നു. ആദ്യം അവശനായ ബിനോയിയെ ബന്ധു വീട്ടിലെത്തിച്ച് 30000 രൂപ വാങ്ങി. പിന്നെ പല തവണയായി തൊണ്ണൂറ്റി എട്ടായിരം വാങ്ങി. പരാതി നൽകിയതോടെ പ്രതികൾ ഒളിവിൽ പോവുകയായിരുന്നു. ഒളിവിൽ കഴിഞ്ഞിരുന്ന മാന്ദമംഗലത്ത് വച്ചാണ് ഇവരെ പിടി കൂടിയത്.

English summary

gunda gang arrested for kidnap youth.