ഗുരുവായൂർ ക്ഷേത്രത്തിലെ ആ​ഗസ്റ്റിലെ ഭണ്ഡാര വരവ് 4.38 കോടി രൂപ;1 കിലോ ​ഗ്രാം സ്വർണം 11 കിലോ വെള്ളി

​ഗുരുവായൂർ: ​ഗുരുവായൂർ ക്ഷേത്രത്തിൽ ആഗസ്റ്റ് മാസത്തെ ഭണ്ഡാര വരവായി 4.38, 55787 രൂപയും 1 കിലോ ​819 ഗ്രാം സ്വർണവും 11 കിലോ വെള്ളിയും ലഭിച്ചു. ധനലക്ഷ്മി ബാങ്കിനായിരുന്നു ഭണ്ഡാരം എണ്ണുന്നതിന്റെ ചുമതല. എസ് ബി ഐയുടെ ഇ - ഭണ്ഡാര വരവായി 2. 50 ലക്ഷം രൂപയും ലഭിച്ചും. നിരോധിച്ച രണ്ടായിരം രൂപയുടെ പതിനാറ് നോട്ടുകളും നിരോധിച്ച ആയിരം രൂപയുടെ 20 നോട്ടുകളും അഞ്ഞൂറിന്റെ 46 കറൻസിയും ലഭിച്ചതായി ദേവസ്വം ബോർഡ് അറിയിച്ചു.

അതേ സമയം ​ഗുരുവായൂർ ക്ഷേത്രത്തിൽ 2024 ജൂലായിലെ ഭണ്ഡാരം എണ്ണൽ പൂർത്തിയായപ്പോൾ ലഭിച്ചത് 4,72,69,284 രൂപയായിരുന്നു. കൂടാതെ രണ്ട് കിലോ 134 ​ഗ്രാമോളം സ്വർണവും 10 കിലോ 340 ​ഗ്രാം വെള്ളിയും നേർച്ചയായി ലഭിച്ചു. കേന്ദ്ര സർക്കാർ പിൻവലിച്ച രണ്ടായിരം രൂപയുടെ 15 ഉം നിരോധിച്ച ആയിരം രൂപയുടെ അഞ്ചും അഞ്ഞൂറിന്റെ 48 കറൻസിയും ലഭിച്ചു. ഇന്ത്യൻ ബാങ്ക് ​ഗുരുവായൂർ ശാഖയ്ക്കായിരുന്നു എണ്ണാനുള്ള ചുമതല.

ഈ ഭണ്ഡാര വരവ് എസ് ബി ഐ വഴി 3. 21ലക്ഷം രൂപയും കിഴക്കേനടയിലെ എസ് ബി ഐയുടെ ഭണ്ഡാരം വഴി 3,21,612 രൂപയും ലഭിച്ചു. സ്ഥിരം ഭണ്ഡാര വരവിന് പുറമെ ആണ് ഇത്. യു ബി ഐ വഴിയുള്ള ഭണ്ഡാര വരവ് 28600 രൂപയാണ്.

English summary

Guruvayur Temple Received RS 4.38, 55787 Treasury Income In August, Details