Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഹാദിയ കേസ്; പിണറായി സർക്കാരിന് തിരിച്ചടിയാകും? നിമിഷ ഫാത്തിമയുടെ അമ്മയും രംഗത്ത്...
കേരളത്തിലെ നിർബന്ധിത മതപരിവർത്തനങ്ങൾക്ക് സമാനതകളുണ്ട്. കേരളം ഐസിസിന്റെയും ജിഹാദിന്റെയും താവളമാണെന്നും നിമിഷയുടെ അമ്മ നൽകിയ അപേക്ഷയിൽ പറയുന്നു.
തിരുവനന്തപുരം/ദില്ലി: ഹാദിയ കേസിൽ കക്ഷി ചേരാൻ തിരുവനന്തപുരം മണക്കാട് സ്വദേശി നിമിഷയുടെ അമ്മ ബിന്ദുവും അപേക്ഷ നൽകി. തന്റെ മകളടക്കം ഉൾപ്പെട്ട കേരളത്തിലെ മതപരിവർത്തനങ്ങളെക്കുറിച്ച് എൻഐഎ അന്വേഷണം വേണമെന്ന് ആവശ്യപ്പെട്ടാണ് ബിന്ദു അപേക്ഷ നൽകിയത്.
കേരളത്തിലെ മതപരിവർത്തനങ്ങൾക്ക് പിന്നിൽ തീവ്രവാദ സ്വഭാവമുണ്ടെന്നാണ് നിമിഷയുടെ അമ്മ നൽകിയ അപേക്ഷയിൽ പറയുന്നത്. ഈ സാഹചര്യത്തിൽ കേന്ദ്ര ഏജൻസികളായ എൻഐഎ, റോ എന്നിവയുടെ അന്വേഷണം വേണമെന്നും ബിന്ദു ആവശ്യപ്പെട്ടിട്ടുണ്ട്. കേരളത്തിലെ നിർബന്ധിത മതപരിവർത്തനങ്ങൾക്ക് സമാനതകളുണ്ട്. കേരളം ഐസിസിന്റെയും ജിഹാദിന്റെയും താവളമാണെന്നും നിമിഷയുടെ അമ്മ നൽകിയ അപേക്ഷയിൽ പറയുന്നു. ഹാദിയ കേസിൽ എൻഐഎ അന്വേഷണം ആവശ്യമില്ലെന്ന സർക്കാർ നിലപാടിന് പിന്നാലെയാണ് നിമിഷയുടെ അമ്മ സുപ്രീംകോടതിയിൽ അപേക്ഷ നൽകിയിരിക്കുന്നത്.
ഭർത്താവിനൊപ്പം...
കാസർകോട് സെഞ്ച്വറി ഡെന്റൽ കോളേജ് വിദ്യാർത്ഥിനിയായിരുന്ന നിമിഷ, എൻട്രൻസ് പഠനകാലത്ത് അടുപ്പമുണ്ടായിരുന്ന വിൻസെന്റെന്ന യുവാവിനെയാണ് വിവാഹം ചെയ്തിരുന്നത്. ഇയാൾ പിന്നീട് മതംമാറി ഈസയെന്ന് പേര് സ്വീകരിച്ചു. ഇതിനുപിന്നാലെയാണ് നിമിഷയും ഇസ്ലാം മതം സ്വീകരിച്ചത്.
അമ്മ...
മകളെയും ഭർത്താവിനെയും കാണാനില്ലെന്നും, എത്രയും പെട്ടെന്ന് അവരെ തിരികെയെത്തിക്കാൻ നടപടി സ്വീകരിക്കണമെന്നും ആവശ്യപ്പെട്ട് നിമിഷയുടെ അമ്മ ബിന്ദു നേരത്തെ ഹൈക്കോടതിയിൽ ഹർജിയിൽ നൽകിയിരുന്നു.
സംശയം...
നിമിഷ ഫാത്തിമയും ഭർത്താവ് ഈസയും നിലവിൽ അഫ്ഗാനിസ്ഥാനിലെ ഐസിസ് ക്യാമ്പിലുണ്ടെന്നാണ് സംശയിക്കുന്നത്. 2016ലാണ് നിമിഷ അവസാനമായി ബിന്ദുവിനെ ബന്ധപ്പെട്ടത്.
കക്ഷിചേരാൻ...
കാണാതായ നിമിഷ ഫാത്തിമയുടെ അമ്മ ബിന്ദു ഹാദിയ കേസിലും കക്ഷിചേരാനാണ് ഇപ്പോൾ അപേക്ഷ നൽകിയിരിക്കുന്നത്.
മതപരിവർത്തനം...
കേരളത്തിലെ മതപരിവർത്തനങ്ങളെക്കുറിച്ച് കേന്ദ്ര ഏജൻസി അന്വേഷണിക്കണമെന്നാണ് ബിന്ദുവിന്റെ ആവശ്യം.
ഐസിസ് താവളം...
കേരളം ഐസിസിന്റെ താവളമാണെന്നും, കേരളത്തിലെ മതപരിവർത്തനങ്ങൾക്ക് സമാനതകളുണ്ടെന്നും ബിന്ദു ആരോപിക്കുന്നു. ബിന്ദുവിന് പുറമേ സുമിത്ര ആര്യയും കേസിൽ കക്ഷി ചേരാൻ അപേക്ഷ നൽകുന്നുണ്ട്.
അന്വേഷണം ആവശ്യമില്ലെന്ന്...
ഹാദിയ കേസിൽ എൻഐഎ അന്വേഷണം ആവശ്യമില്ലെന്നാണ് സംസ്ഥാന സർക്കാർ കഴിഞ്ഞദിവസം സത്യവാങ്മൂലം നൽകിയത്. കേസിൽ ക്രൈംബ്രാഞ്ച് അന്വേഷണം നടക്കുന്നുണ്ടെന്നും, എൻഐഎ അന്വേഷിക്കേണ്ട സാഹചര്യമില്ലെന്നും സംസ്ഥാന സർക്കാർ സുപ്രീംകോടതിയെ അറിയിച്ചിരുന്നു.
സുപ്രീംകോടതിയിൽ...
എൻഐഎ അന്വേഷണം ആവശ്യമില്ലെന്ന സർക്കാർ നിലപാടിന് പിന്നാലെ ഹാദിയയുടെ പിതാവ് അശോകനും സുപ്രീംകോടതിയെ സമീപിച്ചിരുന്നു. കേസിൽ എൻഐഎ അന്വേഷണം ആവശ്യമാണെന്നും, തനിക്കും കുടുംബത്തിനും മതിയായ സുരക്ഷ ഏർപ്പെടുത്തണമെന്നുമായിരുന്നു അശോകന്റെ ആവശ്യം.
എല്ലാം പരിഗണിക്കും...
ഒക്ടോബർ ഒമ്പത് തിങ്കളാഴ്ചയാണ് ഇനി ഹാദിയ കേസ് സുപ്രീംകോടതി പരിഗണിക്കുന്നത്. തിങ്കളാഴ്ച കേസ് പരിഗണിക്കുമ്പോൾ അശോകന്റെ ഹർജിയും, ബിന്ദുവിന്റെ അപേക്ഷയും കോടതിയുടെ മുൻപിലെത്തും.
