ആണത്തമുള്ള മനുഷ്യനൊപ്പം വേദി പങ്കിട്ടതില്‍ അഭിമാനം തോന്നുന്നു: ഹരീഷ് പേരടി

കോഴിക്കോട്: ആണത്തമുള്ള മനുഷ്യന്റെ കൂടെ വേദി പങ്കിട്ടതില്‍ എനിക്ക് അഭിമാനം തോന്നുന്നുവെന്ന് ഹരീഷ് പേരടി. ആണത്തമുള്ള മനുഷ്യന്റെ കൂടെ വേദി പങ്കിട്ടതില്‍ എനിക്ക് അഭിമാനം തോന്നുന്നുവെന്ന അടിക്കുറിപ്പോടെയാണ് തമിഴ് നടന്‍ വിജയിക്കൊപ്പമുള്ള ചിത്രം ഫേസ്ബുക്കില്‍ പോസ്റ്റ് ചെയ്തിട്ടുള്ളത്. മെര്‍സലിലാണ് ഇരുവരും ഒരുമിച്ച് അഭിനയിച്ച മെഴ്സലിന്റെ ചിത്രീകരണത്തിനിടെ പകര്‍ത്തിയ ഒരു ചിത്രമാണ് പങ്കുവെച്ചിട്ടുള്ളത്.

സാമ്പത്തിക ഇടപാടുമായി ബന്ധപ്പെട്ട് ബുധനാഴ്ചയാണ് ആദായനികുതി വകുപ്പ് വിജയിയെ കസ്റ്റഡിയിലെടുത്തത്. ചൈന്നൈ ഇസി റോഡിലെ വിജയിയുടെ വീട്ടില്‍ ബുധനാഴ്ച രാത്രി തുടങ്ങിയ പരിശോധന ഇപ്പോഴും തുടര്‍ന്ന് വരികയാണ്. ദീപാവലി ചിത്രമായ ബിഗില്‍ സിനിമക്കായി വാങ്ങിയ പ്രതിഫലം സംബന്ധിച്ച കണക്കുകളാണ് നടനെ വെട്ടിയിലാക്കിയിട്ടുള്ളത്. സോഷ്യല്‍ മീഡിയയില്‍ #WeStandWithVIJAY എന്ന പേരില്‍ ഹാഷ് ടാഗ് ക്യാമ്പെയിനും വ്യാപകമായി നടക്കുന്നുണ്ട്. ഇതിന് പുറമേ വിവിധ മേഖലകളില്‍ നിന്നായി നടനെ പിന്തുണച്ച് പല പ്രമുഖരും ഇതിനകം രംഗത്തെത്തിയിട്ടുണ്ട്.

നടന്റെ വീടിന് പുറമേ സിനിമയുടെ നിര്‍മാതാക്കളായ എജിഎസ് എന്റര്‍ടെയിന്‍മെന്റിന്റെ ഓഫീസുകളിലും ആദായനികുതി വകുപ്പ് ഉദ്യോഗസ്ഥര്‍ പരിശോധന നടത്തിയിരുന്നു. വിജയിക്ക് നല്‍കിയ പ്രതിഫലം എത്രയാണ് എന്നതുമായി ബന്ധപ്പെട്ട് നിര്‍മാതാവിന്റെയും അന്‍പു ചെഴിയന്റെയും മൊഴികളിലെ പൊരുത്തക്കേടുകളെത്തുടര്‍ന്നാണ് ഐടി വകുപ്പ് കസ്റ്റഡിലെടുക്കുന്നതുള്‍പ്പെടെയുള്ള നടപടികളേക്ക് നീങ്ങുന്നത്. ബിഗില്‍ സിനിമക്ക് വേണ്ടി പണം പലിശക്ക് നല്‍കിയ അന്‍പ് ചെഴിയന്റെ ഓഫീസില്‍ നടത്തിയ പരിശോധനയില്‍ 65 കോടിയും ഉദ്യോഗസ്ഥര്‍ പിടിച്ചെടുത്തിട്ടുണ്ട്.

English summary

Hareesh Peradi on actor Vijay during income tax move against him