ക്രിസ്മസ് രാവുകളെ ആഘോഷമാക്കാന് ക്രിസ്മസ് ഗാനം പുറത്തിറക്കി ഹരിചരണ്
കൊച്ചി; ക്രിസ്മസ് രാവുകളെ വരവേല്ക്കാന് പുറത്തിറക്കിയ 'മനസിലൊരു പുല്ക്കൂട്' എന്ന ക്രിസ്മസ് ഗാനം പ്രേക്ഷക ഹൃദയങ്ങള് കീഴടക്കുന്നു. ഹരിചരണിന്റെ ശബ്ദത്തിലൊരുങ്ങിയ പാട്ട് മനോരമ മ്യൂസിക് ആണ് ആസ്വാദകരിലേക്ക് എത്തിച്ചത്. ഉണ്ണിയേശുവിന്റെ തിരുപ്പിറവിക്കായി കാത്തികിടക്കുന്ന മാലോകര്ക്ക് മുന്നില് പ്രതീക്ഷ പകരുന്ന വരികള് കൂട്ടി ചേര്ത്ത് പാട്ടിന്റെ രചന പൂര്ത്തീകരിച്ചത് മനോജ് എലവുങ്കല് ആണ്. അശ്വിന് മാത്യുവും അനില് വര്ഗീസും ചേര്ന്നാണ് പാട്ടിന്റെ സംവിധാനം.
ആഘോഷ ഈണവും താളവും പാട്ടിനെ ഏറെ സ്വീകാര്യമാക്കിയിരിക്കുകയാണിപ്പോള്. പ്രതീക്ഷയോടും സന്തോഷത്തോടും കൂടെ ക്രിസ്മസ് കാലത്തെ വരവേല്ക്കാന് പാട്ട് ഏറെ പ്രചോദനം പകരുന്നുവെന്നാണ് ആസ്വാദക പക്ഷം. ഹരിചരണിന്റെ സ്വരം ആദ്യ കേള്വിയില് തന്നെ ഹൃദയത്തില് ഇടം പിടക്കുന്നുവെന്നും ആസ്വാദകര് കുറിച്ചു. അശ്വിന് മാത്യൂ, അനില് വര്ഗീസ്. ആന്റണി ആല്ഫ്രഡ്, ഡെനി ഡെന്സില്, സ്നേഹ ജറോം,സൗമ്യ ജെറോം, ട്രീസ ജെറോം, ട്രീസ ഫ്രാന്സിസ് എന്നിവരും പിന്നണിയില് സ്വരമായിട്ടുണ്ട്.
ശാന്തന് എബ്രഹാം വര്ഗീസ് നിര്മ്മിച്ച പാട്ടിന്റെ മിക്സറിങ്ങും നിര്വഹിച്ചത് രഞ്ജിത് സി രാജന് ആണ് . ജോസഫ് മാടശ്ശേരി പുല്ലാങ്കുഴലും ബാലു കൊല്ലം തബലയിലും അഖില് നാദസ്വരത്തിലും ഈണം പകര്ന്നു. റോബിന് ആന്റണിയാണ് എഡിറ്റിങ് നിര്വഹിച്ചത്. മഹാമാരിയുടെ ഭീതി നിറഞ്ഞ നാളിലും പ്രതീക്ഷയും ധൈര്യവും പകര്ന്നൊരുക്കിയ പാട്ട് ഇതിനോടകം നിരവധി ആസ്വാദകരേയും നേടി
Recommended Video