ഹാരിസ് ബീരാന് ലീഗിന്റെ രാജ്യസഭ സ്ഥാനാർത്ഥി: 5 പാർലമെന്റ് അംഗങ്ങളുമായി ലീഗിന്റെ സുവർണ്ണകാലം
തിരുവനന്തപുരം: സുപ്രീംകോടതി അഭിഭാഷകനും കെം എ സി സി നേതാവുമായ അഡ്വ ഹാരിസ് ബീരാന് മുസ്ലിം ലീഗിന്റെ രാജ്യസഭ സ്ഥാനാർത്ഥി. ഇന്ന് രാവിലെ തിരുവനന്തപുരത്ത് ചേർന് പാർട്ടി നേതൃയോഗത്തിലാണ് ഇത് സംബന്ധിച്ച തീരുമാനം ഉണ്ടായത്. മുസ്ലീം ലീഗ് സംസ്ഥാന പ്രസിഡന്റ് സാദിഖലി ശിഹാബ് തങ്ങള് സ്ഥാനാർത്ഥി പ്രഖ്യാപനം നടത്തി. ഇന്ന് വൈകീട്ട് തന്നെ ഹാരിസ് ബീരാന് നാമനിർദേശ പത്രിക സമർപ്പിക്കും.
ലീഗ് സംസ്ഥാന ജനറല്സെക്രട്ടറി പി എം എ സലാം, മുസ്ലിം യൂത്ത് ലീഗ് ദേശീയ ജനറല്സെക്രട്ടറി അഡ്വ. വി കെ ഫൈസല് ബാബു, സംസ്ഥാന ജനറല്സെക്രട്ടറി പി കെ ഫിറോസ് എന്നിവരെ മറികടന്നാണ് ഹാരിസ് ബിരാന് രാജ്യസഭയിലേക്ക് അവസരം ലഭിക്കുന്നത്. തുടക്കം മുതല് തന്നെ സാദിഖലി തങ്ങള്ക്ക് ഹാരിസ് ബീരാനോടായിരുന്നു താല്പര്യം. ഒടുവില് നേതൃയോഗത്തില് തന്റെ നിലപാടില് അദ്ദേഹം ഉറച്ച് നിന്നതോടെ മറ്റുള്ളവർക്ക് വേണ്ടി വാദിച്ചവർ പിന്വാങ്ങി.
കേരളത്തില് ഒഴിവ് വരുന്ന മൂന്ന് രാജ്യസഭ സീറ്റുകളില് ഒരെണ്ണത്തിലാണ് യു ഡി എഫിന് വിജയിക്കാന് സാധിക്കുക. ലോക്സഭ തിരഞ്ഞെടുപ്പില് മലപ്പുറത്തിനും പൊന്നാനിക്കും പുറമെ മൂന്നാമതൊരു സീറ്റ് കൂടെ വേണമെന്ന് ലീഗ് ആവശ്യപ്പെട്ടിരുന്നു. ഈ സമയത്ത് നടത്തിയ അനുനയ ചർച്ചകളുടെ ഭാഗമായി ഒഴിവുവരുന്ന മൂന്ന് രാജ്യസഭാ സീറ്റുകളില് ജയസാധ്യതയുള്ള സീറ്റ് ലീഗിന് നല്കാമെന്ന് കോണ്ഗ്രസ് അറിയിച്ചിരുന്നു.
ഹാരിസ് ബീരാന് കൂടി എത്തുന്നതോടെ പി.വി. അബ്ദുല്വഹാബിന് പുറമെ ലീഗിന് ഒരു രാജ്യസഭാംഗം കൂടിയാകും. ലോക്സഭയിലെ മൂന്നുപേരടക്കം ലീഗ് എം പിമാരുടെ എണ്ണം അഞ്ചാകും. സ്ഥാനാർത്ഥിത്വം ഉറപ്പിച്ച ഹാരിസ് ബീരാനെ അഭിനന്ദിച്ച് പികെ ഫിറോസ്, കെ പി എ മജീദ് തുടങ്ങിയ പ്രമുഖ ലീഗ് നേതാക്കള് രംഗത്ത് വന്നു. വെല്ലുവിളികളുടെ കാലത്ത് പ്രതീക്ഷയുടെ ശബ്ദമായി ചിലർ ഉയർന്നു വരേണ്ടത് അനിവാര്യമാണെന്നാണ് കെ പി എ മജീദ് ഹാരിസ് ബീരാനെ അഭിനന്ദിച്ചുകൊണ്ട് ഫേസ്ബുക്കില് കുറിച്ചത്.
'വെല്ലുവിളികളുടെ കാലത്ത് പ്രതീക്ഷയുടെ ശബ്ദമായി ചിലർ ഉയർന്നു വരേണ്ടത് അനിവാര്യമാണ്.മുസ്ലിംലീഗിന്റെ രാജ്യസഭാ സ്ഥാനാർത്ഥിയായി ഇന്ന് സയ്യിദ് സാദിഖലി ശിഹാബ് തങ്ങൾ അഡ്വ. ഹാരിസ് ബീരാനെ പ്രഖ്യാപിച്ചിരിക്കുകയാണ്. നിയമജ്ഞരായ പ്രതിനിധികൾ പാർലിമെന്റിൽ ഉണ്ടാകേണ്ട കാലമാണിത്. അവരുടെ അറിവും അനുഭവ പരിചയവും ഏത് വെല്ലുവിളികളെയും നേരിടാൻ നമ്മെ പ്രാപ്തമാക്കും. സുപ്രിംകോടതിയിൽ നീതിയുടെ വാതിലുകൾക്ക് കാവലിരിക്കുന്ന ഹാരിസ് ബീരാന് രാജ്യസഭയിലും തിളങ്ങാനാവും.' കെ പി എ മജീദ് ഫേസ്ബുക്കില് കുറിച്ചു.
-
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
Click it and Unblock the Notifications
Sign in with Google