Click it and Unblock the Notifications
Just In
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വിവാദ പ്രസംഗം; ബാലകൃഷ്ണ പിള്ളയ്‌ക്കെതിരെ അന്വേഷണത്തിന് ഉത്തരവിട്ടു
കൊല്ലം: ന്യൂനപക്ഷങ്ങളെ അധിക്ഷേപിച്ച് കേരള കോണ്‍ഗ്രസ് (ബി) ചെയര്‍മാനും മുന്‍മന്ത്രിയുമായ ആര്‍. ബാലകൃഷ്ണപിള്ള നടത്തിയ വിവാദപ്രസംഗത്തെക്കുറിച്ച് അന്വേഷിക്കാന്‍ ഉത്തരവിട്ടു. കൊല്ലം റൂറല്‍ എസ്പിക്ക് ലഭിച്ച പരാതിയെ തുടര്‍ന്നാണ് അന്വേഷണത്തിന് ഉത്തരവിട്ടത്. പുനലൂര്‍ ഡിവൈഎസ്പിക്കാണ് അന്വേഷണ ചുമതല.
പത്തനാപുരം കമുകുംചേരിയില്‍ കഴിഞ്ഞ ദിവസം നടന്ന എന്‍എസ്എസ് യോഗത്തിലാണ് ക്രൈസ്തവ, മുസ്ലീം സമുദായങ്ങളെ ആക്ഷേപിച്ചുകൊണ്ട് പിള്ള പ്രസംഗിച്ചത്. ഇതിന്റെ ശബ്ദരേഖ പുറത്താവുകയും ചെയ്തിരുന്നു. ക്രൈസ്തവരും മുസ്ലീങ്ങളും പള്ളികള്‍ പണിതുയര്‍ത്തുകയാണെന്നും ബാങ്കുവിളി നായയുടെ കുരപോലെയാണെന്നുമായിരുന്നു പ്രസംഗത്തിന്റെ ചുരുക്കം.
എന്നാല്‍, താന്‍ അങ്ങിനെ സംസാരിച്ചിട്ടില്ലെന്നായിരുന്നു പിള്ളയുടെ പ്രതികരണം. യോഗത്തില്‍ താന്‍ ഒന്നേകാല്‍ മണിക്കൂര്‍ സംസാരിച്ചിരുന്നു. ഇത് എന്തെല്ലാമാണെന്ന് ഇപ്പോള്‍ ഓര്‍മയില്ല. ബാങ്കുവിളിയെ അധിക്ഷേപിച്ചിട്ടില്ല. ശബ്ദരേഖ എഡിറ്റ് ചെയ്തതാകാം. എന്‍എസ്എസ് കരയോഗത്തിന്റെ നാലു ചുമരുകള്‍ക്കുള്ളില്‍ ഇരുന്ന് സംസാരിച്ചതാണെന്നും പിള്ള പറയുന്നു.
കരയോഗങ്ങളുടെ എണ്ണം വര്‍ധിപ്പിക്കുകയാണ് വേണ്ടത് എന്നുമാത്രമാണ് യോഗത്തില്‍ പറഞ്ഞത്. ഒരു സമുദായത്തെയും അധിക്ഷേപിച്ചില്ല. കോടതികള്‍ ആധ്യാത്മിക കാര്യങ്ങളില്‍ ഇടപെടുന്നത് ശരിയല്ലെന്നും താന്‍ സംസാരിച്ചിരുന്നതായി പിള്ള പറയുന്നു. സംഭവത്തില്‍ മുസ്ലീം സംഘടനകള്‍ പത്തനാപുരത്ത് ബാലകൃഷ്ണ പിള്ളയ്‌ക്കെതിരെ പ്രകടനം നടത്തിയിരുന്നു.
