വിദഗ്ദ പരിശോധനയില്‍ നട്ടെല്ലിന് ക്ഷതം; രാജകുടുംബം വിമാനമയച്ചു, അബുദാബിയിലേക്ക് പറന്ന് യൂസഫലി

കൊച്ചി: ഹെലിക്‌പോടര്‍ അപകടത്തെ തുടര്‍ന്ന് ആശുപത്രിയില്‍ ചികിത്സയില്‍ കഴിഞ്ഞിരുന്ന പ്രമുഖ വ്യവസായി ആശുപത്രിവിട്ടു. അദ്ദേഹത്തെ വിദഗ്ദ പരിശോധനയ്ക്കായി അബുദാബിയിലേക്ക് മാറ്റിയിരിക്കുകയാണ്. കൊച്ചി ലേക്‌ഷോര്‍ ആശുപത്രിയില്‍ പ്രവേശിപ്പിച്ച അദ്ദേഹത്തിന് വിദഗ്ദ പരിശോധനയ്ക്ക് വിധേയമാക്കിയിരുന്നു. തുടര്‍ന്ന് നട്ടെല്ലില്‍ ക്ഷതം കണ്ടെത്തിയതിനെ തുടര്‍ന്ന് വിദഗ്ദ ചികിത്സയ്ക്കായി അബുദാബിയിലേക്ക് മാറ്റുകയായിരുന്നു.

അബുദാബി രാജകുടും അയച്ച പ്രത്യേക വിമാനത്തിലാണ് യൂസഫലി അബുദാബിയിലേക്ക് യാത്ര തിരിച്ചത്. യുസഫലിയുടെ ചികിത്സയുടെ കാര്യത്തില്‍ അബുദാബി രാജകുടുംബം പ്രത്യേകം താല്‍പര്യമെടുത്തിരുന്നു. രാജകുടുംബം അയച്ച പ്രത്യേക വിമാനത്തില്‍ ഇന്ന് പുലര്‍ച്ചയോടെയാണ് യുസഫലി അബുദാബിയിലേക്ക് പോയത്. അദ്ദേഹത്തിന്റെ ഭാര്യയും ജീവനക്കാരും ഒപ്പമുണ്ട്. ഹെലികോപ്റ്ററിലുണ്ടായിരുന്ന എല്ലാവരും ആശുപത്രിയില്‍ നിന്ന് ഡിസ്ചാര്‍ജ് ആയി.

അതേസമയം, അപകടത്തില്‍പ്പെട്ട ഹെലികോപ്റ്റര്‍ ചതുപ്പില്‍ നിന്ന് നീക്കി. ഹെലികോപ്റ്ററിന് ആവശ്യമായ അറ്റകുറ്റപ്പണികള്‍ക്കായി നെടുമ്പാശേരി വിമാനത്താവളത്തിലേക്കാണ് മാറ്റിയത്. നാല് ലീഫുകളും അഴിച്ചുമാറ്റി ക്രെയിന്‍ ഉപയോഗിച്ചാണ് മാറ്റിയത്. ലുലു ഗ്രൂപ്പിന്റെ വിമാനങ്ങളും ഹെലിക്‌പോറ്ററുകളും അറ്റകുറ്റപ്പണി നടത്തുന്ന കമ്പനിയാണ് ഈ ജോലികള്‍ ചെയ്യുന്നത്. കൂടാതെ സിയാലില്‍ നിന്നുള്ള സാങ്കേതിക വിദഗ്ദരും വ്യോമയാന വകുപ്പ് ഉദ്യോഗസ്ഥരും സ്ഥലത്തുണ്ടായിരുന്നു.

ഹെലികോപ്റ്റര്‍ അപകടത്തിന്റെ കാരണം സ്ഥിരീകരിക്കാന്‍ വ്യോമയാന മന്ത്രാലയത്തിലെ വിദഗ്ദര്‍ സംഭവ സ്ഥലം പരിശോധിച്ച ശേഷം റിപ്പോര്‍ച്ച് തയ്യാറാക്കുകയാണ്. ഏഴ് പേര്‍ക്ക് യാത്ര ചെയ്യാവുന്ന ഹെലികോപ്റ്റര്‍ ആണ് അപകടത്തില്‍ പെട്ടത്. നിശ്ചയിച്ച സ്ഥലത്ത് ലാന്‍ഡ് ചെയ്യാന്‍ സാധിക്കാതെ നിയന്ത്രണം നഷ്ടപ്പെട്ടപ്പോഴും, പൈലറ്റിന്റെ മനസ്സാന്നിധ്യമാണ് ആ ചതുപ്പ് നിലത്ത് തന്നെ ഇറക്കാന്‍ വഴിവച്ചത് എന്നാണ് വിലയിരുത്തല്‍.

English summary

Helicopter Accident: M A Yusuf Ali flew to Abu Dhabi on a plane sent by the royal family