Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
കുളിമുറിയില്‍ ഒളി ക്യാമറ; ഒമ്പതാം ക്ലാസുകാരി പ്രതികളെ കുടുക്കി
മുവാറ്റുപുഴ: വീട്ടുകാരുടെ സാഹചര്യം മുതലെടുത്ത് അശ്ലീല ദൃശ്യങ്ങള്‍ പകര്‍ത്താനുള്ള യുവാക്കളുടെ ശ്രമം ഒമ്പതാം ക്ലാസുകാരിയുടെ സമയോചിതമായ ഇടപെടലിലൂടെ പൊളിഞ്ഞു. മുവാറ്റുപുഴ റാക്കാട് ഒരാഴ്ച മുന്‍പാണ് സംഭവം നടന്നത്. പ്രദേശത്ത് അറിയപ്പെടുന്നവരും ചാരിറ്റി പ്രവര്‍ത്തനമെന്ന പേരില്‍ വീടുകളില്‍ കയറി ഇറങ്ങുന്നവരുമാണ് പ്രതികള്‍.
പെണ്‍കുട്ടിയുടെ വീട്ടിലെ ദയനീയ സാഹചര്യം മുതലെടുത്താണ് യുവാക്കള്‍ വീട്ടിനുള്ളില്‍ കടന്നത്. കുടുംബനാഥന്‍ 14 വര്‍ഷമായി കിടപ്പിലാണ്. പെണ്‍കുട്ടിയുടെ മാതാവ് സ്വകാര്യ കമ്പനിയില്‍ ജോലി ചെയ്തു കിട്ടുന്ന വരുമാനമാണ് ഏക ആശ്രയം. ഇവരെ സഹായിക്കാമെന്ന് വാഗ്ദാനം ചെയ്തായിരുന്നു യുവാക്കള്‍ വീട്ടിലെത്തിയത്.
ഒരു യുവാവ് വീട്ടുകാരുമായി സംസാരിച്ചിരിക്കുമ്പോള്‍ മറ്റേയാള്‍ മൂത്രമൊഴിക്കാനെന്ന വ്യാജേന കുളിമുറിയില്‍ കയറിയിരുന്നു. ഇവര്‍ പോയശേഷം ഒമ്പതാം ക്ലാസുകാരിയായ പെണ്‍കുട്ടി കുളിക്കാനായി കുളിമുറിയില്‍ ചെന്നപ്പോഴാണ് ഒളിക്യാമറ ഘടിപ്പിച്ച പേന കണ്ടെത്തിയത്. ഉടന്‍ മാതാപിതാക്കളെ വിവരം അറിയിച്ചു. എന്നാല്‍, ആരാണ് പേന അവിടെ വച്ചതെന്ന് വീട്ടുകാര്‍ക്ക് സംശയമുള്ളതിനാല്‍ പുറത്തറിയിച്ചിരുന്നില്ല.
വൈകുന്നേരത്തോടെ പേന മറന്നുപോയതായി പറഞ്ഞ് യുവാക്കള്‍ വീട്ടിലെത്തിയപ്പോഴാണ് പ്രതികളെക്കുറിച്ച് വീട്ടുകാര്‍ക്ക് സൂചന ലഭിച്ചത്. ഇവര്‍ വീടിനകത്തും കുളിമുറിയിലും പേന തിരഞ്ഞെങ്കിലും കാണാത്തതോടെ തിരിച്ചുപോയി. വീട്ടുകാര്‍ ഉടന്‍ അയല്‍വാസികളുടെ സഹായത്തോടെ യുവാക്കളെ തെരഞ്ഞെങ്കിലും അപ്പോഴേക്കും അവര്‍ മുങ്ങിയിരുന്നു. തുടര്‍ന്ന് ശനിയാഴ്ച വീട്ടമ്മ പോലീസില്‍ പരാതി നല്‍കുകയായിരുന്നു. യുവാക്കള്‍ക്കെതിരെ കേസെടുത്ത പോലീസ് അന്വേഷണം നടത്തിവരികയാണ്.
