കൊക്കെയ്ന് കേസ്: രേഷ്മയും ബ്ലസ്സിയും ഉള്ള ജയിലില് ഒളിക്യാമറ
കൊച്ചി: കൊക്കെയ്ന് കേസിലെ പ്രതികളെ താമസിപ്പിച്ചിരുന്ന വനിത ജയിലില് നിന്ന് ഒളി ക്യാമറ കണ്ടെത്തി. കാക്കനാട്ടെ വനിത ജയിലില് നിന്നാണ് ക്യാമറ പോലീസ് കണ്ടെടുത്തത്.
കേസില് അറസ്റ്റിലായ സഹസംവിധായക ബ്ലസ്സി, മോഡലുകളായ രേഷ്മ രംഗസ്വാമി, സ്നേഹ, ടിന്സി എന്നിവരെ ഈ ജയിലില് ആണ് പാര്പ്പിച്ചിരുന്നത്. പ്രതികളുടെ ദൃശ്യം ചിത്രീകരിക്കാന് ശ്രമിച്ച മാധ്യമ പ്രവര്ത്തകര്ക്ക് നേരെയാണ് ഇപ്പോള് ആക്ഷേപം ഉയര്ന്നിരിക്കുന്നത്.
തീപ്പെട്ടിക്കൂടിന്റെ വലുപ്പമുളള ഇലക്ട്രോണിക് ഉപകരണമാണ് ജയിലിന്റെ കവാടത്തിന് സമീപത്ത് നിന്ന് പോലീസ് കണ്ടെടുത്തത്. ഇന്ഫോപാര്ക് പോലീസ് കേസ് രജിസ്റ്റര് ചെയ്തിട്ടുണ്ട്. സൈബര് സെല്ലും അന്വേഷണത്തില് പങ്കാളിയാണ്.
കൊക്കെയ്ന് കേസില് പോലീസിന്റെ അഭ്യര്ത്ഥന പ്രകാരം പ്രതികളെ നാല് ദിവസത്തേക്ക് കസ്റ്റഡിയില് വിട്ടിരിക്കുയാണ് . ഒന്നാം പ്രതി രേഷ്മ രംഗസ്വാമിയേയും രണ്ടാം പ്രതിയും സഹസംവിധായകയും ആയ ബ്ലസ്സിയേയും തെളിവെടുപ്പിനായി ഗോവയിലേക്ക് കൊണ്ടുപോകാന് പോലീസ് തീരുമാനിച്ചിട്ടുണ്ട് .
കൊച്ചിയിലെ ഫ്ലാറ്റില് നിന്നാണ് സിനിമ താരം ഷൈന് ടോം ചാക്കോയും സഹ സംവിധായക ബ്ലസ്സിയും മൂന്ന് മോഡലുകളും മയക്കുമരുന്ന് കേസില് പിടിയിലാകുന്നത് .