കെഎം ഷാജിക്ക് തിരിച്ചടി, അയോഗ്യനാക്കിയ കേസില് സ്റ്റേ നീട്ടാനാകില്ലെന്ന് ഹൈക്കോടതി
കൊച്ചി: അഴീക്കോട് എംഎല്എ സ്ഥാനത്ത് നിന്ന് കെഎം ഷാജിയെ അയോഗ്യനാക്കിയ കേസില് സ്റ്റേ നീട്ടാനാകില്ലെന്ന് ഹൈക്കോടതി. സുപ്രീം കോടതിയില് ഹര്ജി നല്കുന്നതിന്റെ ഭാഗമായി രണ്ടാഴ്ചത്തേക്ക് ഹൈക്കോടതി വിധി സ്റ്റേ ചെയ്തിരുന്നു. സ്റ്റേ കാലാവധി അവസാനിക്കുന്ന സാഹചര്യത്തിലാണ് സ്റ്റേ നീട്ടണം എന്നാവശ്യപ്പെട്ട് ഹൈക്കോടതിയെ സമീപിച്ചത്. ഹൈക്കോടതി വിധിക്കെതിരെ സുപ്രീം കോടതിയില് കെഎം ഷാജി ഹര്ജി നല്കിയ പശ്ചാത്തലത്തിലാണ് സ്റ്റേ നീട്ടാനാകില്ലെന്ന് ഹൈക്കോടതി വ്യക്തമാക്കിയിരിക്കുന്നത്.
കഴിഞ്ഞ ദിവസം കെഎം ഷാജിയുടെ ഹര്ജി പരിഗണിച്ച സുപ്രീം കോടതി നിയമസഭാ നടപടികളുമായി സഹകരിക്കാം എന്ന് വാക്കാല് പറഞ്ഞിരുന്നു. എന്നാല് പങ്കെടുക്കാം എന്നതൊഴിച്ച് എംഎല്എ എന്ന നിലയ്ക്കുളള യാതൊരു ആനുകൂല്യവും കൈപ്പറ്റാനാകില്ലെന്നും സുപ്രീം കോടതി വ്യക്തമാക്കുകയുണ്ടായി. ഹര്ജി അടിയന്തരമായി പരിഗണിക്കണം എന്ന ആവശ്യം സുപ്രീം കോടതി അംഗീകരിച്ചില്ല.
സ്റ്റേയുടെ ബലത്തില് എംഎല്എയായിരിക്കാനാണോ ആഗ്രഹിക്കുന്നത് എന്നും സുപ്രീം കോടതി ചോദിക്കുകയുണ്ടായി. നിയമസഭയില് പങ്കെടുക്കാമെന്ന് സുപ്രീം കോടതി വാക്കാല് മാത്രമേ പറഞ്ഞിട്ടുളളൂ എന്നതിനാല് കെഎം ഷാജിയെ നിയമസഭാ സമ്മേളനത്തില് പങ്കെടുപ്പിക്കാന് സാധ്യമല്ലെന്ന് സ്പീക്കര് പി ശ്രീരാമകൃഷ്ണന് വ്യക്തമാക്കി. തന്റെ മുന്നിലുളളത് കെഎം ഷാജിയെ അയോഗ്യനാക്കിയ ഹൈക്കോടതി ഉത്തരവ് മാത്രമാണ്.
അത് കൊണ്ട് ആ ഉത്തരവ് മാത്രമേ നടപ്പിലാക്കാന് സാധിക്കുകയുളളൂ എന്നും പി ശ്രീരാമകൃഷ്ണന് വ്യക്തമാക്കി. കെഎം ഷാജിയെ നിയമസഭയില് പ്രവേശിപ്പിക്കില്ല എന്ന് താന് പറഞ്ഞിട്ടില്ലെന്നും സ്പീക്കര് വ്യക്തമാക്കി. 2016ലെ നിയമസഭാ തെരഞ്ഞെടുപ്പില് ചട്ടം ലംഘിച്ച് വര്ഗീയ പ്രചാരണം നടത്തി എന്ന് ചൂണ്ടിക്കാട്ടി എല്ഡിഎഫ് സ്ഥാനാര്ത്ഥി നികേഷ് കുമാര് ആണ് കോടതിയെ സമീപിച്ചത്. ഇത് പ്രകാരം ഹൈക്കോടതി തെരഞ്ഞെടുപ്പ് റദ്ദാക്കുകയും 6 വര്ഷത്തേക്ക് കെഎം ഷാജിയെ അയോഗ്യനാക്കുകയും ചെയ്തു.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google