ഇബ്രാഹിംകുഞ്ഞിന് ജാമ്യമില്ല; പുതിയ അപേക്ഷ പിന്നീട് നല്കൂ എന്ന് ഹൈക്കോടതി
കൊച്ചി: പാലാരിവട്ടം പാലം നിര്മാണവുമായി ബന്ധപ്പെട്ട അഴിമതിക്കേസില് മുന് മന്ത്രി വികെ ഇബ്രാഹിംകുഞ്ഞിന് ഹൈക്കോടതിയും ജാമ്യം നല്കിയില്ല. ജാമ്യാപേക്ഷ ഹൈക്കോടതി തള്ളി. നേരത്തെ കീഴ്ക്കോടതി ജാമ്യ ഹര്ജി തള്ളിയതിനെ തുടര്ന്നാണ് മുന് മന്ത്രി ഹൈക്കോടതിയെ സമീപിച്ചത്. ആശുപത്രിയില് നിന്ന് ഡിസ്ചാര്ജ് ചെയ്യുകയും ജയിലിലേക്ക് മാറ്റുകയും ചെയ്താല് ഇബ്രാഹിം കുഞ്ഞിന് പുതിയ ജാമ്യാപേക്ഷ സമര്പ്പിക്കാമെന്നും കോടതി അറിയിച്ചു.
കഴിഞ്ഞ മാസം അദ്ദേഹം സമര്പ്പിച്ച ജാമ്യാപേക്ഷ മൂവാറ്റുപുഴ വിജിലന്സ് കോടതി തള്ളിയിരുന്നു. ആശുപത്രിയില് വച്ച് ചോദ്യം ചെയ്യാന് വിജിലന്സ് ഉദ്യോഗസ്ഥര്ക്ക് നിബന്ധനകളോടെ ഒരു ദിവസത്തെ അനുമതി നല്കുകയും ചെയ്തിരുന്നു. തുടര്ന്ന് നവംബര് 30ന് ഉദ്യോഗസ്ഥര് അദ്ദേഹത്തെ ആശുപത്രിയില് ചോദ്യം ചെയ്തു. ലേക് ഷോര് ആശുപത്രിയില് ചികില്സയിലാണ് ഇബ്രാഹിം കുഞ്ഞ്.
2015ലെ തദ്ദേശ തിരഞ്ഞെടുപ്പ് ഫലം ഇങ്ങനെ; തുല്യമായി ജില്ലകള്, ഇത്തവണ യുഡിഎഫ് കുതിക്കുമോ
തന്റെ അറസ്റ്റ് രാഷ്ട്രീയ പ്രേരിതമാണെന്ന് ജാമ്യാപേക്ഷയില് ഇബ്രാഹിം കുഞ്ഞ് പറയുന്നു. ഇബ്രാഹീംകുഞ്ഞിന്റെ അറസ്റ്റിലേക്ക് നയിച്ചത് കേസിലെ മറ്റൊരു പ്രതിയായ ടിഒ സൂരജിന്റെ മൊഴിയാണ്. സൂരജ് നേരത്തെ അറസ്റ്റിലായിരുന്നു. കരാര് എടുത്ത കമ്പനിക്ക് മുന്കൂര് പണം നല്കിയത് മന്ത്രിയായിരുന്ന ഇബ്രാഹീം കുഞ്ഞിന്റെ അറിവോടെയാണ് എന്നാണ് സൂരജിന്റെ മൊഴി. കേസിലെ അഞ്ചാം പ്രതിയാണ് ഇബ്രാഹീം കുഞ്ഞ്. പൊതുമരാമത്ത് സെക്രട്ടറിയായിരുന്ന ടിഒ സൂരജ്, കരാര് കമ്പനിയായ ആര്ഡിഎസ് പ്രൊജക്സ്ട് എംഡി സുമതി ഗോയല്, കിറ്റ്കോ ജനറല് മാനേജര് ബെന്നിപോള്, റോഡ്സ് ആന്റ് ബ്രഡ്ജസ് ഡെവലപ്മെന്റ് കോര്പേറഷന് കേരള അസിസ്റ്റന്റ് ജനറല് മാനേജര് പിഡി തങ്കച്ചന് എന്നിവരാണ് കേസിലെ മറ്റു പ്രതികള്.
തിരക്കുകള് മാറ്റിവച്ച് പാര്വതി വോട്ട് ചെയ്യാനെത്തി; കൂടുതല് ജാഗ്രത പാലിക്കേണ്ട സമയമെന്ന് നടി
മുന്കൂര് പണം നല്കുന്നതില് എന്താണ് പ്രശ്നമെന്ന് യുഡിഎഫ് നേതാക്കള് ചോദിക്കുന്നു. ഈ പണം തിരിച്ചുലഭിക്കുകയും ചെയ്തിട്ടുണ്ട്. മാത്രമല്ല, എല്ഡിഎഫ് സര്ക്കാര് അധികാരത്തിലെത്തിയ ശേഷവും കരാറുകള്ക്ക് മുന്കൂര് പണം നല്കിയില്ലേ എന്നും യുഡിഎഫ് നേതൃത്വം ചോദിക്കുന്നു. കേസെടുത്ത് ഏറെകാലം കഴിഞ്ഞ് അറസ്റ്റ് ചെയ്തത് രാഷ്ട്രീയ പ്രേരിതമാണ് എന്നാണ് മുസ്ലിം ലീഗ് നേതാവ് പികെ കുഞ്ഞാലിക്കുട്ടി പ്രതികരിച്ചത്.
Recommended Video