കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സൂര്യനെല്ലിയില്‍ ഡിവിഷന്‍ ബഞ്ചും പിന്‍മാറി

  • By Soorya Chandran
Google Oneindia Malayalam News

കൊച്ചി: സൂര്യനെല്ലി പെണ്‍വാണിഭക്കേസില്‍ പെണ്‍കുട്ടിയുടെ ഹര്‍ജിയില്‍ വാദം കേള്‍ക്കുന്നതില്‍ നിന്ന് ഹൈക്കോടതി ഡിവിഷന്‍ ബഞ്ചും പിന്‍മാറി. ഹര്‍ജിയില്‍ സുപ്രധാന നിയമ പ്രശ്‌നങ്ങള്‍ ഉണ്ടെന്ന് ചൂണ്ടിക്കാട്ടി കഴിഞ്ഞ ആഴ്ചയാണ് സിംഗിള്‍ ബഞ്ച് ഡിവിഷന്‍ ബഞ്ചിന് കൈമാറിയത്.

കേസില്‍ പ്രതിഭാഗത്തിന്റേയും വാദം കേള്‍ക്കുന്നത് ഇതേ ഡിവിഷന്‍ ബഞ്ചാണ്ട്. അതുകൊണ്ടാണ് ഹര്‍ജി പരിഗണിക്കുന്നതില്‍ നിന്ന് പിന്‍മാറിയത്. ജസ്റ്റിസുമാരായ കെടി ശങ്കരനും എംഎല്‍ ജോസഫും അടങ്ങിയ ഡിവിഷന്‍ ബഞ്ചാണ് ഇത്.

High Court

കേസില്‍ പുനരന്വേഷണം ആവശ്യപ്പെട്ട് പെണ്‍കുട്ട് സമര്‍പ്പിച്ച ഹര്‍ജിയിലാണ് ഇപ്പോള്‍ തീരുമാനം നീണ്ടുപോകുന്നത്. കേസിലെ മുഖ്യ പ്രതിയായ ധര്‍മരാജന്‍ മാധ്യമങ്ങള്‍ക്ക് മുന്നില്‍ വെളിപ്പെടുത്തിയതിന്റെ അടിസ്ഥാനത്തില്‍ പിജെ കുര്യനെ പ്രതി ചേര്‍ക്കണം എന്നും ഹര്‍ജിയില്‍ ആവശ്യപ്പെടുന്നുണ്ട്. കുര്യനെ കുമളിയിലെ ഗസ്റ്റ് ഹൗസില്‍ കൊണ്ടുവന്നത് താനായിരുന്നു എന്നായിരുന്നു ധര്‍മരാജന്റെ വെളിപ്പെടുത്തല്‍. എന്നാല്‍ ഇക്കാര്യം ധര്‍മകരാജന്‍ കോടതിയില്‍ പിന്നീട് നിഷേധിച്ചു.

ധര്‍മരാജന്റെ വെളിപ്പെടുത്തലിന്റെ അടിസ്ഥാനത്തില്‍ കുര്യനെ പ്രതി ചേര്‍ക്കണം എന്നാവശ്യപ്പെട്ട് തൊടുപുഴ സെഷന്‍സ് കോടതിയില്‍ അന്ന് പെണ്‍കുട്ടി ഹര്‍ജി നല്‍കിയിരുന്നു. എന്നാല്‍ കോടതി ഹര്‍ജി തള്ളുകയായിരുന്നു. കുര്യനെ ഹൈക്കോടതി നേരത്തെ തന്നെ കുറ്റ വിമുക്തനാക്കുകയും ചെയ്തിരുന്നു. ഈ രണ്ട് വിധികളും റദ്ദാക്കണം എന്നും പെണ്‍കുട്ടിയുടെ ഹര്‍ജിയില്‍ ഉണ്ട്.

പെണ്‍കുട്ടിയുടെ വാദം കേള്‍ക്കാതെ കുര്യനെ കുറ്റ വിമുക്തനാക്കിയ സംഭവത്തില്‍ ഹൈക്കോടതി കീഴ്‌ക്കോടതിയെ രൂക്ഷമായ ഭാഷയില്‍ വിമര്‍ശിക്കുകയും ചെയ്തിരുന്നു.

English summary
High Court division bench hesitated to consider Suryanelli Girl's plea.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X