ആരോ​ഗ്യവകുപ്പ് അഡീഷണൽ ചീഫ് സെക്രട്ടറിക്ക് ഹൈക്കോടതിയുടെ അറസ്റ്റ് വാറണ്ട്; 20ന് അറസ്റ്റ് ചെയത് ഹാജരാക്കണം

കൊച്ചി: ആരോ​ഗ്യ വകുപ്പ് അഡീഷണൽ ചീഫ് സെക്രട്ടറി രാജൻ ഖൊബ്ര​ഗഡെയ്ക്ക് ഹൈക്കോടതിയുടെ അറസ്റ്റ് വാറണ്ട്. കോടതി അലക്ഷ്യ കേസിലാണ് ഹൈക്കോടതി നടപടി. ഈ മാസം 20 ന് രാജൻ ഖൊബ്ര​ഗഡയെ അറസ്റ്റ് ചെയ്ത് ഹാജരാക്കാനാണ് പോലീസിന് ഡിവിഷൻ ബെഞ്ച് നിർദ്ദേശം നൽകിയത്. ഭിന്നശേഷിക്കാരനായ ഡോക്ടർക്ക് പ്രൊമോഷൻ നൽകണമെന്ന ഉത്തരവ് ഇറക്കാത്തിലാണ് നടപടി.

ഭിന്നശേഷിക്കാരനായ ഡോക്ടർക്ക് പ്രൊമോഷൻ നൽകണമെന്ന ഉത്തരവിറക്കാത്തതിലാണ് കടുത്ത നടപടി. ആരോ​ഗ്യവിഭാ​ഗം അസി. ഡയറക്ടറായ ഡോ. ബി ഉണ്ണികൃഷ്ണൻ നൽകിയ കോടതിയലക്ഷ്യ ഹർജിയിലാണ് നടപടി. 2023 ൽ ആയിരുന്നു ഡോ ഉണ്ണികൃഷ്ണന് നിയമനം നൽകണമെന്ന ഹൈക്കോടതി ഡിവിഷൻ ബെഞ്ചിന്റെ വിധി.

ഇതിനെതിരെ സർക്കാർ നൽകിയ അപ്പീലും പുനപരിശോധന ഹർജിയും സുപ്രീംകോടതി തള്ളി. തുടർന്നാണ് ഉത്തരവിറക്കാൻ കഴിഞ്ഞ സെപ്റ്റംബറിൽ ഹൈക്കോടതി ആരോ​ഗ്യ വകുപ്പിന് നിർദ്ദേശം നൽകിയത്.

എന്നാൽ ഹൈക്കോടതി ഡിവിഷൻ ബെഞ്ചിന്റെ ഉത്തരവ് മറികടന്ന് ആരോ​ഗ്യ വകുപ്പ് മറ്റൊരു തീരുമാനമെടുത്തു. ഉത്തരവ് മറികടന്ന് ആരോ​ഗ്യ വകുപ്പ് മറ്റൊരു തീരുമാനമെടുത്തു. ഉത്തരവ് റദ്ദാക്കി ഡോ. ബി ഉണ്ണികൃഷ്ണന് അനുകൂല തീരുമാനമെടുക്കണമെന്ന ഉത്തരവ് ആരോ​ഗ്യ വകുപ്പ് സ്വീകരിച്ചില്ല.

രാജൻ ഹൊബ്ര​ഗെഡോട് ഇന്ന് നേരിട്ട് ഹാജരാക്കാൻ ഹൈക്കോടതി നിർദ്ദേശിച്ചിരുന്നു. എന്നാൽ ഇദ്ദേഹം ഹാജരായില്ല. തുടർന്നാണ് കോടതിയലക്ഷ്യ ഹർജിയിൽ ജസ്റ്റിസുമാരായ എ മുഹമ്മദ് മുഷ്താഖ്, സി ജയചന്ദ്രൻ എന്നിവർ ഉൾപ്പെട്ട ഡിവിഷൻ ബെഞ്ച് അറസ്റ്റ് വാറണ്ട് പുറപ്പെടുവിപ്പിച്ചത്.