സലീം രാജില്‍ സിബിഐ അന്വേഷണത്തിന് കോടതി

കൊച്ചി:സലീം രാജ് ഉള്‍പ്പെട്ട ഭൂമി തട്ടിപ്പ് സിബിഐ അന്വേഷിക്കണം എന്ന് ഹൈക്കോടതി. മുഖ്യമന്ത്രി ഉമ്മന്‍ ചാണ്ടിയുടെ മുന്‍ ഗണ്‍മാന്‍ സലീം രാജ് നടത്തിയ തട്ടിപ്പില്‍ ഉന്നതര്‍ക്ക് പങ്കുണ്ടെന്നും കോടതി വിലയിരുത്തി.

എറണാകുളംത്തും തിരുവനന്തപുരം ആയി സലീം രാജിന്റെ നേതൃത്വത്തില്‍ നടത്തിയത് 250 കോടി രൂപയുടെ തട്ടിപ്പാണെന്നാണ് കോടതിയുടെ കണ്ടെത്തല്‍. ഉന്നതരുടെ ഇടപെലുകള്‍ അന്വേഷിക്കേണ്ടി വരുമെന്നും കോടതി വാക്കാല്‍ പരാമര്‍ശിച്ചു.

നിലവില്‍ സംസ്ഥാന സര്‍ക്കാര്‍ ഏജന്‍സികള്‍ നടത്തുന്ന അന്വേഷണത്തില്‍ തൃപ്തിയില്ലെന്ന് ഹൈക്കോടതി വ്യക്തമാക്കി.സത്യം പുറത്ത് വരണമെങ്കില്‍ കേന്ദ്ര ഏജന്‍സി തന്നെ അന്വേഷിക്കേണ്ടിവരുമെന്നും കോടതി പറഞ്ഞു.

തിരവന്തപുരം ജില്ലയിലെ കടകംപള്ളി വില്ലേജിലും എറണാകുളം ജില്ലയിലെ കളമശ്ശേരിയിലും ആണ് സലീം രാജിന്റെ നേതൃത്വത്തില്‍ ഭൂമി തട്ടിപ്പ് നടത്തിയത്. കടകം പള്ളി ഭൂമി ഇടപാടില്‍ അഡ്വാന്‍സ് ആയി നല്‍കിയ 20 കോടി രൂപ ആരാണ് നല്‍കിയതെന്ന് കണ്ടെത്തണം എന്നും കോടതി ആവശ്യപ്പെട്ടിട്ടുണ്ട്.

രണ്ട് ഭൂമി തട്ടിപ്പുകളെക്കുറിച്ചും ഉള്ള വിജിലന്‍സ് അന്വേഷണ റിപ്പോര്‍ട്ട് കോടതിയില്‍ സമര്‍പ്പിച്ചിട്ടുണ്ട്. റവന്യു ഉദ്യോഗസ്ഥര്‍ ക്രമക്കേടിന് കൂട്ടുനിന്ന കാര്യം വ്യക്തമാക്കുന്നതാണ് നേരത്തെ വിജിലന്‍സ് സമര്‍പ്പിച്ച ഇടക്കാല റിപ്പോര്‍ട്ട്.

ലാന്‍ഡ് റവന്യു കമ്മീഷണറായ ടിഒ സൂരജിന്റെ നടപടികളാണ് തട്ടിപ്പിന് വഴിവച്ചതെന്ന് കോടതി രൂക്ഷമായ ഭാഷയില്‍ വിമര്‍ശിച്ചിരുന്നു.

English summary

High Court says that Salim Raj's land fraud should be investigated by CBI.