ദേശീയപാതയിൽ ബൈക്ക് ടാങ്കർലോറിയിടിച്ച് യുവാവ് മരിച്ചു

By Desk

Updated: Tuesday, January 16, 2018, 11:58 [IST]

വടകര: ദേശീയപാതയിൽ അഴിയൂർ ഹാജിയാർ പളളിക്ക് സമീപം ബൈക്ക് ടാങ്കർ ലോറിയിലിടിച്ച് യുവാവ് മരിച്ചു. ഒഞ്ചിയം പാലത്തിന് സമീപം പറമ്പത്ത് രാജേഷ് (34)ആണ് മരിച്ചത്. ഞായറാഴ്ച രാത്രി ഒമ്പതരയോടെയാണ് അപകടം.

മാഹിയിൽ നിന്നും വരികയായിരുന്ന രാജേഷ് ഓടിച്ച ബൈക്ക് മറ്റൊരു വാഹനത്തെ മറികടക്കുന്നതിനിടയിൽ എതിരെ വന്ന ടാങ്കർ ലോറിയിൽ ഇടിച്ചാണ് അപകടം.ചോമ്പാൽ പോലീസ് ഇൻക്വസ്റ്റ് നടത്തിയ മൃതദേഹം വടകര ജില്ലാ ആശുപത്രിയിൽ പോസ്റ്റ്മോർട്ടത്തിന് ശേഷം വീട്ടുവളപ്പിൽ സംസ്കരിച്ചു. പിതാവ്:പരേതനായ രാധാകൃഷ്ണൻ,മാതാവ്:പുഷ്പ, ഭാര്യ: സനിത ,മകൾ:രവിജകൃഷ്ണ.