മുസ്ലീം പുരുഷന്‍മാര്‍ ഹിന്ദു സ്ത്രീകളെ ഇരകളാക്കുന്നു, ഇസ്ലാമിനെയും ജി സുധാകരനെയും അപമാനിച്ച് ശശികല

സന്യാസിമാരുടെ വസ്ത്രത്തെപ്പറ്റി പറയാന്‍ സുധാകരന്‍ ആരാണെന്നും സുധാകരന്റെ അപ്പനപ്പൂപ്പന്മാര്‍ കോണകമെടുത്ത് നടന്നതുകൊണ്ട് കേരളത്തില്‍ എന്തെങ്കിലും കുഴപ്പമുണ്ടായെന്ന് ആരും പറഞ്ഞുകേട്ടിട്ടില്ലെന്നും ശശികല

തൃശ്ശൂര്‍: മന്ത്രി ജി സുധാകരനെ അസഭ്യം പറഞ്ഞും മുസ്ലീം വിരുദ്ധത പറഞ്ഞും ഹിന്ദു ഐക്യവേദി നേതാവ് കെപി ശസികലയുടെ വര്‍ഗ്ഗീയ പ്രസംഗം. തൃശൂരില്‍ നടന്ന ക്ഷേത്രരക്ഷാ സംഗമത്തില്‍ സംസാരിക്കുമ്പോഴാണ് ശശികല മന്ത്രി സുധാകരനെതിരെയും മുസ്ലീം മതവിഭാഗത്തിനെതിരെയും രംഗത്ത് വന്നത്.

സന്യാസിമാരുടെ വസ്ത്രധാരണത്തെ കുറ്റം പറഞ്ഞതിനാണ് ജി സുധാകരനെ കെപി ശശികല അസഭ്യം പറഞ്ഞത്. സന്യാസിമാരുടെ വസ്ത്രത്തെപ്പറ്റി പറയാന്‍ സുധാകരന്‍ ആരാണെന്നും സുധാകരന്റെ അപ്പനപ്പൂപ്പന്മാര്‍ കോണകമെടുത്ത് നടന്നതുകൊണ്ട് കേരളത്തില്‍ എന്തെങ്കിലും കുഴപ്പമുണ്ടായെന്ന് ആരും പറഞ്ഞുകേട്ടിട്ടില്ലെന്നും ശശികല പറഞ്ഞു.

ഹിന്ദുസ്ത്രീകളെ മുസ്ലിം പുരുഷന്മാര്‍ ഇരകളാക്കുകയാണ്. മുത്തലാഖും ഏക സിവില്‍ കോഡും ഹിന്ദുസമൂഹത്തെക്കൂടി ബാധിക്കുന്ന പ്രശ്‌നമാണ്. അതുകൊണ്ട് ഹിന്ദു സ്ത്രീകളുടെ അഭിപ്രായങ്ങളും ഇക്കാര്യത്തില്‍ പരിഗണിക്കണം. മതംമാറ്റം നിയമം മൂലം നിരോധിക്കാത്ത സാഹചര്യത്തില്‍ ഈ നിയമങ്ങള്‍ ദുരുപയോഗം ചെയ്യപ്പെടുന്നുണ്ടെന്നന്നും ശശികല പറഞ്ഞു.

ശബരിമലയിലെ സ്ത്രീപ്രവേശന വിഷയത്തില്‍ വിവാദമുണ്ടാക്കുന്നവര്‍ മുസ്ലിം പള്ളികളിലെ സ്ത്രീപ്രവേശത്തെക്കുറിച്ച് മിണ്ടുന്നില്ല,. സ്ത്രീകളുടെ സുരക്ഷ കണക്കിലെടുത്താണ് യുവതികള്‍ ശബരിമലയില്‍ പോകേണ്ടെന്ന് പറയുന്നതെന്നും കെപി ശശികല വാദിച്ചു. ശശികലയുടെ വര്‍ഗ്ഗീയ പ്രസംഗതതിനെതിരെ സോഷ്യല്‍മീഡിയയില്‍ വലിയ പ്രതിഷേധമുയര്‍ന്നിട്ടുണ്ട്.

വണ്‍ഇന്ത്യയിലേക്ക് നിങ്ങള്‍ക്കും വാര്‍ത്തകളും ഫോട്ടോകളും അയയ്ക്കാം. ഉചിതമായവ പ്രസിദ്ധീകരിക്കും. അയയ്‌ക്കേണ്ട വിലാസം [email protected]

English summary

Hindu Leader KP Sasikala communal Speech against Muslim and G Sudhakaran