Click it and Unblock the Notifications
Just In
Don't Miss
-
ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ് -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും -
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
ജെയിംസ് മാത്യുവിന്റെ അറസ്റ്റ് വൈകാന്‍ കാരണം സി.പി.എം. സമ്മര്‍ദ്ധമോ?
തളിപ്പറമ്പ:ടാഗോര്‍ വിദ്യാനികേതന്‍ സ്‌കൂള്‍ പ്രധാനാധ്യാപകന്‍ ഇ.പി.ശശിധരന്‍ ആത്മഹത്യചെയ്ത സംഭവത്തില്‍ ജെയിംസ് മാത്യു എം.എല്‍.എ.യുടെ അറസ്റ്റ് വൈകുന്നു. ശ്രീകണ്ഠപുരം പോലീസ് റജിസ്റ്റര്‍ചെയ്ത ആത്മഹത്യാപ്രേരണക്കേസിലെ രണ്ടാംപ്രതി ജെയിംസ് മാത്യുവിന്റെ അറസ്റ്റ് സി.പി.എം. സംസ്ഥാന സമ്മേളനം തീരുംവരെ വൈകിപ്പിക്കാന്‍ നീക്കം. സി.പി.എം. സമ്മേളനം നടക്കാന്‍ ഒരു ദിവസം ബാക്കി നില്‍ക്കെ ജെയിംസ് മാത്യുവിന്റെ അറസ്റ്റ് നടന്നാല്‍ പാര്‍ട്ടിയ്ക്ക് അത് ക്ഷീണമാവും എന്നതും സി.പി.എം. ജില്ലാ നേതൃത്വത്തിന്റ കടുത്ത സമ്മര്‍ദ്ധവുമാണ് എം.എല്‍.എ.യുടെ അറസ്റ്റ് വൈകിപ്പിക്കാന്‍ കാരണം എന്നാണ് റിപ്പേര്‍ട്ടുകള്‍.
അതേ സമയം തലശ്ശേരി ജില്ലാ സെഷന്‍സ് കോടതിയും ഹൈക്കോടതിയും മുന്‍കൂര്‍ ജാമ്യാപേക്ഷ തള്ളിയിട്ടും എം.എല്‍.എ. കോടതിയിലോ അന്വേഷണ ഉദ്യോഗസ്ഥന്റെ മുന്നിലോ കീഴടങ്ങിയിട്ടില്ല. കേസിലെ ഒന്നാംപ്രതിയായ ടാഗോര്‍ സ്‌കൂള്‍ അധ്യാപകന്‍ എം.വി.ഷാജിയെ ചൊവ്വാഴ്ച കോടതി റിമാന്‍ഡ് ചെയ്തിരുന്നു.
കേസ് അന്വേഷിക്കുന്ന ശ്രീകണ്ഠപുരം സി.ഐ. കെ.എ.ബോസ് ഇനി നാലുദിവസം സ്ഥലത്തുണ്ടാവില്ല. തൃശ്ശൂരില്‍ പരിശീലനത്തില്‍ പങ്കെടുക്കാന്‍ പോയിരിക്കുകയാണ് അദ്ദേഹം. 24 വരെ സി.പി.എം. സംസ്ഥാന സമ്മേളനമാണ്. നിലവില്‍ സംസ്ഥാനസമിതി അംഗമായ ജെയിംസ് മാത്യു സമ്മേളനത്തില്‍ പങ്കെടുക്കും.
ഹൈക്കോടതി മുന്‍കൂര്‍ ജാമ്യഹര്‍ജി തള്ളിയ ശേഷവും ജെയിംസ് മാത്യു പോലീസ് ഉദ്യോഗസ്ഥരുടെ സാന്നിധ്യത്തില്‍ത്തന്നെ വിവിധ പൊതുപരിപാടികളില്‍ പങ്കെടുത്തിരുന്നു. ഇ.പി.ജയരാജന്‍ വധശ്രമക്കേസില്‍ കെ.സുധാകരനെ തീവണ്ടിയില്‍വെച്ച് അറസ്റ്റുചെയ്ത പോലീസ് ജെയിംസ് മാത്യുവിന്റെ കാര്യത്തില്‍ ഇരട്ടത്താപ്പ് കാണിക്കുകയാണെന്ന് കഴിഞ്ഞ ദിവസം നടന്ന ഡി.സി.സി. യോഗത്തില്‍ വിമര്‍ശമുണ്ടായിരുന്നു.ഇനി സി.പി.എം. സമ്മേളനത്തിനിടയില്‍ ജെയിംസ് മാത്യുവിന്റെ അറസ്റ്റ് നടത്തനാണോ ചെന്നിത്തലയുടെ പോലീസ് കാത്തിരിക്കുന്നത് എന്നതും കാണേണ്ടിയിരിക്കുന്നു.
