Click it and Unblock the Notifications
Just In
Don't Miss
-
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
'മിനി പത്തിരുപത് വർഷമായി സഹിക്കുകയാണ്... നമ്മളോടുള്ള ദേഷ്യവും കൂടി മിനിയുടെ നെഞ്ചത്തായിരിക്കും'; മമ്മൂട്ടി -
ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ -
IPL 2024: കോലി എറിഞ്ഞാല് പോലും ഇങ്ങനെ അടി വാങ്ങില്ല, ഇതിലും ഭേദം 11 ബാറ്റര്മാരെ ഇറക്കുന്നത്: ഇതിഹാസ താരം -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...? -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
സ്വവര്‍ഗ്ഗ രതി സര്‍ഗാത്മകത: എം മുകുന്ദന്‍
തൃശൂര്‍:സ്വവര്‍ഗ്ഗ രതിയെ അനുകൂലിച്ച് എഴുത്തുകാരന്‍ എം മുകുന്ദന്‍ രംഗത്ത്. ചിന്തയിലും സാഹിത്യത്തിലും ലോകത്ത് വലിയ സംഭാവനകള്‍ നല്‍കിയ പലരും സ്വവര്‍ഗ്ഗ രതിയുടെ പാത സ്വീകരിച്ചവരായിരുന്നു എന്നാണ് എം മുകുന്ദന്‍ പറഞ്ഞത്.
സ്വവര്‍ഗ്ഗ രതി നിരോധിക്കുന്നത് സര്‍ഗ്ഗാത്മകത നിരോധിക്കുന്നതിന് തുല്യമാണ്. സര്‍ഗ്ഗാത്മക ഉണര്‍ത്തുന്ന എന്തോ ഒന്ന് സ്വവര്‍ഗ്ഗ രതിയില്‍ ഉണ്ടെന്നും എം മുകുന്ദന്‍ പറഞ്ഞു. സാറാ ജോസഫിന്റെ 'ആളോഹരി ആനന്ദം' എന്ന നോവലിന്റെ പ്രകാശനം നിര്‍വ്വഹിക്കുകയായിരുന്നു എം മുകുന്ദന്‍.
എന്നാല്‍ മുകുന്ദന്റെ അഭിപ്രായത്തിന് വിരുദ്ധമായാണ് നോവലിസ്റ്റ് സാറാ ജോസഫ് പറഞ്ഞ് തുടങ്ങിയത്. മതം യുക്തിരഹിതമായ അധികാരം പ്രയോഗിക്കുന്നു എന്നും അതിന്റെ ഫലമാണ് സ്വവര്‍ഗ്ഗ രതി വിഷയത്തില്‍ ഉള്ളതെന്നും സാറാ ജോസഫ് അഭിപ്രായപ്പെട്ടു.
എന്നാല്‍ തുടര്‍ന്നുള്ള വാക്കുകളില്‍ സ്വവര്‍ഗ്ഗ രതിക്ക് അനുകൂല നിലപാടാണ് സാറാ ജോസഫ് സ്വീകരിച്ചത്. നിലവിലെ സുപ്രീം കോടതി ഉത്തരവ് വ്യക്തിയുടെ ലൈംഗിക ആനന്ദത്തിലുള്ള കൈകടത്തലാണ്. സ്വവര്‍ഗ്ഗ രതിക്ക് അനുകൂലമായ നിയമ നിര്‍മാണം ആവശ്യമാണെന്നും സാറാ ജോസഫ് പറഞ്ഞു.
നേരത്തെ മറ്റൊരു അഭിമുഖത്തില്‍ സാറാ ജോസഫ് സ്വര്‍ഗ്ഗരതി ഉണ്ടാകുന്നതിനുള്ള സാഹചര്യങ്ങളെ പറ്റി അഭിപ്രായപ്പെട്ടിരുന്നു. ആഗോളീകരണത്തിന്റെ കാലത്ത്, പണ്ട് നമ്മള്‍ അംഗീകരിക്കാതിരുന്ന പലതിനും അംഗീകാരം കിട്ടുന്നു എന്നായിരുന്നു സാറാ ജോസഫ് പറഞ്ഞത്. എന്തുകൊണ്ട് ഇത്തരം കാര്യങ്ങള്‍ വ്യാപകമാകുന്നു എന്നത് അന്വേഷിക്കേണ്ടതാണെന്നും അവര്‍ പറഞ്ഞിരുന്നു.
