ഹണി റോസിന്റെ പരാതി; ഒരാൾ അറസ്റ്റിൽ, ആ 30 പേരും കുടുങ്ങും, അന്വേഷണം ഊർജിതമാക്കി പോലീസ്

കൊച്ചി: സ്ത്രീ വിരുദ്ധ കമന്റ് പങ്കിട്ടെന്ന നടി ഹണി റോസിന്‌റെ പരാതിയിൽ ഒരാൾ അറസ്റ്റിൽ. എറണാകുളം കുമ്പളം സ്വദേശി ഷാജിയാണ് അറസ്റ്റിലായത്. എറണാകുളം സെൻട്രെൽ പോലീസാണ് ഇയാളെ അറസ്റ്റ് ചെയ്തത്. സ്ത്രീത്വത്തെ അപമാനിച്ചതിന് ജാമ്യമില്ല വകുപ്പ് പ്രകാരമാണ് കേസ്. ഐടി വകുപ്പടക്കം ഇയാൾക്കെതിരെ ചുമത്തിയിട്ടുണ്ട്.

സമൂഹ മാധ്യമത്തിൽ പങ്കിട്ട പോസ്റ്റിന് താഴെ നടിയെ അപമാനിക്കുന്ന തരത്തിൽ ചിലർ കമന്റ് ചെയ്യുകയായിരുന്നു. തുടർന്ന് ഇന്നലെ രാത്രി തന്നെ നടി എറണാകുളം സെൻട്രൽ പോലീസിൽ പരാതി നൽകി. മോശം കമന്റുകളുടെ സ്ക്രീൻ ഷോട്ട് സഹിതമാണ് പരാതി നൽകിയത്. നടിയുടെ പരാതിയിൽ 30 പേർക്കെതിരെ പോലീസ് കേസെടുത്തിട്ടുണ്ട്. സൈബർ സെല്ലിന്റെ സഹായത്തോടെ ഇവരെ കണ്ടെത്താനുള്ള നടപടികൾ പോലീസ് ആരംഭിച്ചു.

തനിക്കെതിരെ ഒരു വ്യക്തി ദ്വയാർത്ഥ പ്രയോഗം നടത്തി അപമാനിക്കുന്നുവെന്ന് ചൂണ്ടിക്കാട്ടി നടി ഹണി റോസ് കഴിഞ്ഞ ദിവസം ഒരു പോസ്റ്റ് പങ്കിട്ടിരുന്നു. ഇയാളുടെ സ്ഥാപനത്തിന്റെ ഉദ്ഘാടന പരിപാടിക്കിടെ ദ്വയാർത്ഥ പ്രയോഗം കൊണ്ട് അപമാനിച്ചതിനാൽ താൻ ആ വ്യക്തിയുടെ സ്ഥാപനത്തിന്റെ ഒരു ചടങ്ങിലും പങ്കെടുക്കില്ലെന്ന് തീരുമാനിച്ചിരുന്നു എന്നാൽ പിന്നീട് പുറകെ നടന്ന് അപമാനിക്കുകയാണ് എന്നാണ് നടി വ്യക്തമാക്കിയത്. ' പ്രസ്തുത വ്യക്തി പിന്നീടും ചടങ്ങുകൾക്ക് എന്നെ ക്ഷണിച്ചപ്പോൾ ഞാൻ പോകാൻ വിസമ്മതം പ്രകടിപ്പിച്ചതിന് പ്രതികാരമെന്നോണം ഞാൻ പോകുന്ന ചടങ്ങുകളിൽ മനപ്പൂർവം വരാൻ ശ്രമിക്കുകയും കഴിയുന്ന ഇടത്തെല്ലാം സ്ത്രീത്വത്തെ അപമാനിക്കുന്ന രീതിയിൽ എന്റെ പേര് മാധ്യമങ്ങളിലൂടെ പറയുകയും ചെയ്യുന്നു. പണത്തിന്റെ ധാർഷ്ട്യത്താൽ ഏതു സ്ത്രീയേയും ഒരാൾക്ക്‌ അപമാനിക്കാൻ കഴിയുമോ', എന്ന് നടി കുറിച്ചു.

'ഇയാളുടെ പ്രവർത്തികളിൽ ഇന്ത്യൻ ശിക്ഷാനിയമത്തിൽ സ്ത്രീകൾക്കെതിരെ ലൈംഗികദ്യോതകമായ (sexually coloured remarks ) ഉദ്ദേശത്തോടെ സംസാരിക്കുകയും അതേ ഉദ്ദേശത്തോടെ പിന്തുടരുകയും ചെയ്യുന്നു എന്ന കുറ്റകൃത്യങ്ങൾ പ്രഥമദൃഷ്ട്യാ
നിലനിൽക്കുന്നതാണ് എന്നാണ് അറിയാൻ സാധിച്ചത്. ഞാൻ വ്യക്തിപരമായി, മാനസിക വൈകൃതം ഉള്ളവരുടെ ഇത്തരം പുലമ്പലുകളെ പുച്ഛത്തോടെയും സഹതാപത്തോടെയും അവഗണിക്കാറാണ് പതിവ്, അതിന് എനിക്ക് പ്രതികരണശേഷി ഇല്ല എന്നർത്ഥം ഇല്ല. ഒരാളുടെ വ്യക്തി സ്വാതന്ത്ര്യത്തിന്റെ വ്യാഖ്യാനത്തിൽ മറ്റൊരാളുടെ വ്യക്തിസ്വാതന്ത്ര്യത്തെ അപമാനിക്കാൻ ഉള്ള സ്വാതന്ത്ര്യം ഇല്ല', എന്ന് നടി കുറിച്ചു. ഇത്രയും നാൾ ഇതിനോടൊന്നും പ്രതികരിക്കാതിരുന്നത് അത്തരം സ്റ്റേറ്റ്മെന്റസ് ആസ്വദിക്കുന്നത് കൊണ്ടാണോ അതോ പറയുന്നതെല്ലാം അംഗീകരിക്കുന്നത് കൊണ്ടോ അല്ലെന്നും നടി പോസ്റ്റിൽ പറഞ്ഞു.

ബോബി