കെ-ഫോൺ കണക്ഷൻ എങ്ങനെ എടുക്കാം? നിരക്കുകൾ എങ്ങനെ? അറിയാം

സംസ്ഥാനത്ത് കെ-ഫോൺ പദ്ധതി യാഥാർഥ്യമായിരുക്കുകയാണ്. പദ്ധതിയിലൂടെ കേരളത്തിലെ 75 ലക്ഷം കുടുംബങ്ങളിലും ഇന്റര്‍നെറ്റ് സേവനം നല്‍കാമെന്നാണ് സർക്കാർ കണക്കുകൂട്ടല്‍. ഇതിൽ സാമ്പത്തികമായി പിന്നോക്കം നിൽക്കുന്ന 20 ലക്ഷം കുടുംബങ്ങൾക്ക് സൗജന്യമായും മറ്റുള്ളവർക്ക് മിതമായ നിരക്കിലും ഇന്റർനെറ്റ് സേവനം ലഭിക്കും.

കണക്‌ഷൻ എങ്ങനെ നേടാം ?

പാവപ്പെട്ടവർക്കും മുൻഗണനാ വിഭാഗങ്ങൾക്കും സേവനം സൗജന്യമാണ്. കെ ഫോൺ മൊബൈൽ ആപ്ലിക്കേഷൻ ആപ്പ് സ്റ്റോറിലും പ്ലേസ്റ്റോറിലും ലഭ്യമാകും. ആപ്ലിക്കേഷൻ ഇൻസ്റ്റാൾ ചെയ്താൽ പേര്, മൊബൈൽ നമ്പർ, മേൽവിലാസം, ജില്ല, ലൊക്കേഷൻ, പിൻകോഡ് എന്നിവ നൽകി രജിസ്റ്റർ ചെയ്യാം. പിന്നീട് കെഫോൺ ബിസിനസ് സപ്പോർട്ട് സെന്ററിൽ നിന്നു എക്സിക്യൂട്ടീവ് വിളിക്കുകയും കണക്​ഷൻ നൽകാൻ പ്രാദേശിക നെറ്റ്‍വർക്ക് പ്രൊവൈഡർമാരെ ഏൽപിക്കുകയും ചെയ്യും.

സേവന നിരക്കുകൾ

സേവന നിരക്കുകൾ കെ ഫോൺ പ്രഖ്യാപിച്ചിട്ടുണ്ട്. പ്രതിമാസം 299 രൂപ മുതൽ 1249 രൂപവരെയുള്ള നിരക്കുകളാണുള്ളത്. 299 രൂപ നൽകിയാൽ 20 എംബിപിഎസ് (സെക്കൻഡിൽ 20 എംബി) അടിസ്ഥാന വേഗതയിൽ ഇന്റർനെറ്റ് സേവനങ്ങൾ ആസ്വദിക്കാം. 20 എംബിപിഎസ് മുതൽ 250 എംബിപിഎസ് വരെയുള്ള ഒൻപത് തരം നിരക്കുകളുടെ പാക്കേജാണുള്ളത്.

പ്രതിമാസ നിരക്ക്, ഡാറ്റ, വേഗത, കാലാവധി, ആറുമാസത്തേക്കുള്ള വാടക എന്നിവ ക്രമത്തിൽ
1. 299 രൂപ, 3000 ജിബി, 20 എംബിപിഎസ്, 180, 1,794 രൂപ
2. 349 രൂപ, 3000 ജിബി, 30 എംബിപിഎസ്, 180, 2,094 രൂപ
3. 399 രൂപ, 4000 ജിബി, 40 എംബിപിഎസ്, 180, 2,394 രൂപ
4. 449 രൂപ, 5000 ജിബി, 50 എംബിപിഎസ്, 180, 2,694 രൂപ
5. 499 രൂപ, 5000 ജിബി, 75 എംബിപിഎസ്, 180, 2,994 രൂപ
6. 599 രൂപ, 5000 ജിബി, 100 എംബിപിഎസ്, 180, 3,594 രൂപ
7. 799 രൂപ, 5000 ജിബി, 150 എംബിപിഎസ്, 180, 4,794 രൂപ
8. 999 രൂപ, 5000 ജിബി, 200 എംബിപിഎസ്, 180, 5,994 രൂപ
9. 1,249 രൂപ, 5000 ജിബി, 250 എംബിപിഎസ്, 180, 7,494 രൂപ.

English summary

How to get K-fon connection? How about the rates? know here