Click it and Unblock the Notifications
Just In
Don't Miss
-
ശ്വാസകോശത്തിന്റെ ആയുസ്സിന് ഭീഷണി: ഈ അപകട സൂചന അവഗണിക്കരുത് -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ആലിംഗന സമരം; മഹാരാജാസ് വിദ്യാര്‍ത്ഥികളുടെ സസ്‌പെന്‍ഷന്‍ പിന്‍വലിച്ചു
കൊച്ചി: മറൈന്‍ ഡ്രൈവില്‍ നടന്ന ചുംബന സമരത്തിന് ഐക്യദാര്‍ഢ്യം പ്രഖ്യാപിച്ച്, എറണാകുളം മഹാരാജാസ് കോളേജ് കാമ്പസില്‍ 'ഹഗ് ഓഫ് ലവ്' എന്ന പരിപാടി സംഘടിപ്പിച്ച വിദ്യാര്‍ത്ഥികളുടെ സസ്‌പെന്‍ഷന്‍ പ്രിന്‍സിപ്പല്‍ പിന്‍വലിച്ചു. വിദ്യാര്‍ത്ഥികളുടെയും സാമൂഹ്യപ്രവര്‍ത്തകരുടെയുമൊക്കെ പ്രതിഷേധത്തെ തുടര്‍ന്ന് സസ്‌പെന്‍ഷന്‍ 5 ദിവസമായി വെട്ടിച്ചുരുക്കുകയായിരുന്നു.
ഇതോടെ വിദ്യാര്‍ത്ഥികള്‍ ചൊവ്വാഴ്ചമുതല്‍ ക്ലാസില്‍ കയറി. ആറ് പെണ്‍കുട്ടികളും നാല് ആണ്‍കുട്ടികളും അടക്കം പത്തുപേരെ പത്തു ദിവസത്തേക്കായിരുന്ന പ്രിന്‍സിപ്പല്‍ ഡോ. ടി.വി. ഫ്രാന്‍സിസ് സസ്‌പെന്‍ഡ് ചെയ്തത്. ബിരുദാനന്തര ബിരുദ വിദ്യാര്‍ത്ഥിനികളായ അമയ, അര്‍ച്ചന, പത്മിനി, മൂന്നാം വര്‍ഷ ബിരുദ വിദ്യാര്‍ത്ഥികളായ നിതിന്‍ വാസു, കെ. അജിത്ത്, പയസ്‌മോന്‍ സണ്ണി, അനന്ദു എന്നിവരുടെ മാതാപിതാക്കളെയാണ് സസ്‌പെന്‍ഷന്‍ കാര്യം അറിയിച്ചത്.
മുന്‍കൂട്ടി അനുമതി വാങ്ങാതെ കാമ്പസില്‍ പരിപാടികള്‍ സംഘടിപ്പിക്കരുതെന്ന് നിര്‍ദ്ദേശമുണ്ടായിരുന്നെന്നും ഇത് പാലിക്കാത്തിനെ തുടര്‍ന്നാണ് സസ്‌പെന്‍ഡ് ചെയ്തത് എന്നു മായിരുന്നു പ്രിന്‍സിപ്പലിന്റെ വാദം. എന്നാല്‍ പ്രിന്‍സിപ്പല്‍ സദാചാര ഗുണ്ടകള്‍ക്ക് സപ്പോര്‍ട്ട് ചെയ്യുകയാണെന്ന് ആരോപിച്ച് എസ് എഫ് ഐ പ്രതിഷേധവുമായി രംഗത്തെത്തി.
കാമ്പസിനകത്തുതന്നെ അമ്പതോളംപേരെ പങ്കെടുപ്പിച്ച് ആലിംഗന സമരം നടത്തുകയും ചെയ്തു. സമരം കൂടുതല്‍ പ്രതിഷേധത്തിലേക്ക് കടക്കുമെന്ന ഘട്ടത്തിലാണ് വിദ്യാര്‍ത്ഥികളുടെ സസ്‌പെന്‍ഷന്‍ പ്രിന്‍സിപ്പല്‍ പിന്‍വലിച്ചത്. വിദ്യാര്‍ത്ഥികളുടെ സസ്‌പെന്‍ഷനെതിരെ സോഷ്യല്‍ സൈറ്റുകളിലും വിമര്‍ശനം ഉയര്‍ന്നിരുന്നു.
