• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കൽക്കരി ക്ഷാമം രൂക്ഷം: വന്‍കിട വൈദ്യുതി ഉപഭോക്താക്കള്‍ കൂട്ടത്തോടെ കേരളത്തിലേക്കെന്ന് കെഎസ്ഇബി

Google Oneindia Malayalam News

തിരുവനന്തപുരം: കൽക്കരി ക്ഷാമം രൂക്ഷമായതോടെ രാജ്യം വലിയ തോതിലുളള വൈദ്യുതി പ്രതിസന്ധിയാണ് നേരിട്ട് കൊണ്ടിരിക്കുന്നത്. വിവിധ സംസ്ഥാനങ്ങൾ പവർ കട്ടിലേക്ക് നീങ്ങിയിരിക്കുകയാണ്. അതിനിടെ വൻകിട വൈദ്യുതി ഉപഭോക്താക്കള്‍ കൂട്ടത്തോടെ കേരളത്തിലേക്ക് വരികയാണ് എന്നാണ് കേരള സ്റ്റേറ്റ് ഇലക്ട്രിസിറ്റി ബോർഡ് വ്യക്തമാക്കിയിരിക്കുന്നത്.

കേരളത്തിലെ വൈദ്യുതിയ്ക്ക് വില കുറവായതും മറ്റ് സംസ്ഥാനങ്ങളെ അപേക്ഷിച്ച് വൈദ്യുതി നിയന്ത്രണവും കുറവായതും കാരണം ഓപ്പണ്‍ ആക്സസ്‌ ഉപഭോക്താക്കള്‍ കൂട്ടത്തോടെ KSEBL ന്റെ വൈദ്യുതി ഉപയോഗിക്കാന്‍ തുടങ്ങിയതായി കെഎസ്ഇബി വ്യക്തമാക്കുന്നു.

'രാജ്യത്തെമ്പാടും അനുഭവപ്പെടുന്ന വൈദ്യുതി ഡിമാന്റ് വർദ്ധന കൊണ്ടും, കല്‍ക്കരി ക്ഷാമം മൂലം താപ വൈദ്യുതിയുടെ കുറഞ്ഞ ഉൽപാദനം കൊണ്ടും 10.7 ജിഗാവാട്ടിന്റെ ഉൽപാദനക്കുറവ് നേരിടുന്നുണ്ട്. ഇതിന്റെ ഫലമായി 14 സംസ്ഥാനങ്ങളില്‍ വൈദ്യുതി നിയന്ത്രണം ഏര്‍പ്പെടുത്തിക്കഴിഞ്ഞു. കഴിഞ്ഞ കുറച്ച് ദിവസങ്ങളിലായി പവര്‍ എക്സ്ചേഞ്ചുകളില്‍ 24 മണിക്കൂറും പരമാവധി നിരക്കിലാണ് വൈദ്യുതിയുടെ വില്‍പ്പന നടക്കുന്നത്.

'മോഹന്‍ലാലോ ഇടവേള ബാബുവോ മിണ്ടിയോ, വായിൽ പഴമാണോ? സർക്കാരിന് നാണമില്ലേ', തുറന്നടിച്ച് ബൈജു കൊട്ടാരക്കര'മോഹന്‍ലാലോ ഇടവേള ബാബുവോ മിണ്ടിയോ, വായിൽ പഴമാണോ? സർക്കാരിന് നാണമില്ലേ', തുറന്നടിച്ച് ബൈജു കൊട്ടാരക്കര

വൈദ്യൂതി ഉല്‍പാദകര്‍, വിതരണ ലൈസന്‍സികള്‍, ഉപഭോക്താക്കള്‍, വൈദ്യുതി വ്യാപാരികള്‍ തുടങ്ങിയവര്‍ക്ക്‌ പ്രസരണ ലൈനുകളും വിതരണ ലൈനുകളും വിവേചനമില്ലാതെ ഉപയോഗിക്കാന്‍ അനുമതി നല്‍കണമെന്ന്‌ 2003 ലെ വൈദ്യുതി നിയമം നിഷ്കര്‍ഷിക്കുന്നുണ്ട്. ഇപ്രകാരം വൈദ്യുതി ഉല്‍പാദകര്‍, വിതരണ ലൈസന്‍സികള്‍, ഉപഭോക്താക്കള്‍ വൈദ്യുതി വ്യാപാരികള്‍ തുടങ്ങിയവര്‍ക്ക്‌ പ്രസരണ ലൈനുകളും വിതരണ ലൈനുകളും ഉപയോഗിച്ച്‌ വിവിധ സ്രോതസ്സുകളില്‍ നിന്നും വൈദ്യുതി ലഭ്യമാക്കുന്നതിനെയാണ്‌ ഓപ്പണ്‍ ആക്സസ്‌ സംവിധാനം എന്നു വിഭാവനം ചെയ്തിട്ടുള്ളത്‌. കേരളത്തിലെ നിരവധി വന്‍കിട ഉപഭോക്താക്കള്‍ ഈ സംവിധാനം ഉപയോഗിക്കുന്നുണ്ട്.

എന്നാല്‍ കല്‍ക്കരിക്ഷാമം രൂക്ഷമായതോടെ, കമ്പോളത്തില്‍ വൈദ്യുതി വില കുതിച്ചുയരുകയും വൈദ്യുതിയുടെ ലഭ്യത കുറയുകയും ചെയ്തതോടെ, ഈ ഉപഭോക്താക്കള്‍ കൂട്ടത്തോടെ KSEBL ന്റെ വൈദ്യുതി ഉപയോഗിക്കാന്‍ തുടങ്ങിയതായി കണക്കുകള്‍ സൂചിപ്പിക്കുന്നു. കേരളത്തിലെ വൈദ്യുതിയ്ക്ക് വില കുറവാണെന്ന് മാത്രമല്ല, മറ്റ് സംസ്ഥാനങ്ങളെ അപേക്ഷിച്ച് വൈദ്യുതി നിയന്ത്രണവും കേരളത്തില്‍ കുറവാണ്, ഈ ഘടകങ്ങളാണ് വന്‍കിട ഉപഭോക്താക്കളെ ആകര്‍ഷിച്ചതെന്ന് കരുതുന്നു. ഇക്കഴിഞ്ഞ ദിവസങ്ങളില്‍ കേരളത്തിലെ വൈദ്യുതി ആവശ്യകതയില്‍ 125 മേഗാവാട്ടിന്റെയും ഉപഭോഗത്തില്‍ 2.44 ദശലക്ഷം യൂണിറ്റിന്റെ വര്‍ധനയുമാണ് വന്‍കിട ഉപഭോക്താക്കളുടെ തിരിച്ചുവരവിലൂടെ സംസ്ഥാനത്തുണ്ടായത്'.

'ദിലീപിന് പറ്റിയ അബദ്ധം അതാണ്', നടിയെ ആക്രമിച്ച കേസിന് മുൻപ് നല്ലവനായിരുന്നു: ബാലചന്ദ്ര കുമാർ'ദിലീപിന് പറ്റിയ അബദ്ധം അതാണ്', നടിയെ ആക്രമിച്ച കേസിന് മുൻപ് നല്ലവനായിരുന്നു: ബാലചന്ദ്ര കുമാർ

English summary
Huge demand for KSEBL electricity by open access consumers due to coal crisis, informs KSEB
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X