നഗ്ന ചിത്രം പ്രചരിച്ച സംഭവം: ദീപ്തി സതി പൊലീസില് പരാതി നല്കും
ഇന്റര്നെറ്റില് തന്റെതെന്ന പേരില് നഗ്ന ചിത്രങ്ങള് പ്രചരിപ്പിച്ച സംഭവത്തില് പൊലീസില് പരാതി നല്കുമെന്ന് നീന എന്ന ചിത്രത്തിലൂടെ ശ്രദ്ധേയായ ദീപ്തി സതി. ആ ചിത്രങ്ങള് തന്നെ വല്ലാതെ അലോസരപ്പെടുത്തിയെന്നും ദീപ്തി പറയുന്നു.
Also Read: നീനയിലെ നായിക ദീപ്തി സതിയുടെ നഗ്ന ദൃശ്യങ്ങള് വൈറലാകുന്നു
ഷൂട്ടിങിന്റെ ആവശ്യത്തിനായി മുംബൈയില് നിന്നും ചെന്നൈയിലേക്ക് വരുമ്പോഴാണ് ഇങ്ങനെ ഒരു ചിത്രം പ്രചരിക്കുന്നതിനെ കുറിച്ച് ഒരാളില് നിന്നും അറിഞ്ഞത്. അയാളെ ഞാന് ആദ്യമായിട്ടാണ് കാണുന്നത് പോലും- ദീപ്തി സതി പറഞ്ഞു.
ഞാനല്ല
ആ ചിത്രങ്ങളില് കാണുന്നത് ഞാനല്ല. പക്ഷെ ആ ചിത്രങ്ങള് എന്നെ ഭയപ്പെടുത്തി.
ഇതാദ്യത്തെ അനുഭവം
ഇത്തരം അനുഭവങ്ങള് ജീവിതത്തില് ആദ്യമാണ്. ഇതേ കുറിച്ച് അറിഞ്ഞതുമുതല് എന്റെ രക്ഷിതാക്കളും ആകെ വിഷമത്തിലാണ്- ദീപ്തി പറയുന്നു.
ലാല് ജോസിനോട് പറഞ്ഞു
വിഷയം ലാല് ജോസിനെ വിളിച്ച് പറഞ്ഞെന്നും അദ്ദേഹമാണ് പൊലീസില് പരാതി നല്കാന് നിര്ദ്ദേശിച്ചതെന്നും ദീപ്തി പറഞ്ഞു.
ഒരു പണിയുമില്ലാത്തവരുടെ പണി
ഈ വൃത്തികേടിന് പരാതിനല്കുന്നതോടെ അവസാനമാകുമെന്ന് വിശ്വസിക്കുന്നു. ഒരു പണിയുമില്ലാതെ ഇരിക്കുന്നവരാണ് ഇത്തരത്തിലുള്ള വൃത്തികേടുകള് കാട്ടുന്നതെന്നും നടി പറഞ്ഞു.
ഇന്റര്നെറ്റ് ഇര
പല മുന്നിര താരങ്ങളുടെയും ഫോട്ടോ ഇതുപോലെ ഇന്റര്നെറ്റില് വൈറലായിട്ടുണ്ട്. ദീപ്തി സതിയുടെ മുഖച്ഛായയുള്ള ഫോട്ടയില് മുഖം വ്യക്തമായി കാണാനും സാധിക്കുന്നുണ്ട്.