ഉണ്ണി മുകുന്ദനാണെന്നു കരുതി ഫോണ് വിളിക്കുന്നവര്ക്ക് പണി കിട്ടും, പ്രചരിക്കുന്നത് വ്യാജ നമ്പര്
വ്യാജ നമ്പറുകളും, അക്കൗണ്ടുകളും വര്ദ്ധിച്ചു വരുന്ന സാഹചര്യത്തില് നടന് ഉണ്ണി മുകുന്ദന് പരാതിയുമായി രംഗത്ത്. തന്റെ പേരില് വ്യാജ നമ്പര് പ്രചരിക്കുന്നുണ്ടെന്നാണ് ഉണ്ണി മുകുന്ദന് പറയുന്നത്. ഈ നമ്പറില് വാട്സ്ആപ്പ് അക്കൗണ്ടും ഉണ്ടെന്ന് താരം പറയുന്നു. 08893134145 എന്ന നമ്പറിലാണ് ഉണ്ണി മുകുന്ദന്റെ വ്യാജ അക്കൗണ്ട് ഉള്ളത്.
എന്നാല്, താനാണെന്നു കരുതി ഈ നമ്പറിലേക്ക് മെസേജ് അയക്കുകയും വിളിക്കുകയും ചെയ്യുന്ന ആളുകള് വെറുതെ പണി വാങ്ങി കൂട്ടേണ്ടെന്നാണ് ഉണ്ണി മുകുന്ദന് പറയുന്നത്. ആരാധകര് വഞ്ചിക്കപ്പെടരുതെന്ന് ആഗ്രഹമുള്ളതുകൊണ്ടാണ് ഇതറിയിക്കുന്നതെന്നും താരം പറയുന്നു. ഫേസ്ബുക്കിലൂടെയാണ് ഇക്കാര്യം ഉണ്ണി മുകുന്ദന് അറിയിച്ചത്.
|
UMe എന്ന പേരില്
UMe എന്ന പേരാണ് വാട്സ്ആപ്പിലുള്ളത്. ഈ നമ്പറില് മെസേജ് അയക്കുന്നവര് സൂക്ഷിക്കണമെന്നും തട്ടിപ്പില് കുടുങ്ങിപ്പോകരുതെന്നും ഉണ്ണി മുകുന്ദന് പറയുന്നു.
മെസേജുകള് കൊണ്ട് തലവേദനയായി
തനിക്കറിയാത്ത ആ നമ്പറിനെക്കുറിച്ച് ചോദിച്ച് ഒട്ടേറെ പേര് മെസേജുകള് അയക്കുന്നു. ഇതിനു മറുപടി പറഞ്ഞ് തലവേദനയായെന്നും ഉണ്ണി മുകുന്ദന് പറയുന്നു.
08893134145 എന്ന നമ്പര് തനിക്കറിയില്ല
ഈ നമ്പറില് തനിക്ക് വാട്സ്ആപ്പോ മൊബൈല് കണക്ഷനോ ഇല്ലെന്നാണ് താരം വ്യക്തമാക്കിയത്.
ആരാധകര് വഞ്ചിക്കപ്പെടരുത്
ആരാധകരോട് ഒരു അപേക്ഷയുണ്ട് താരത്തിന്. താനാണെന്ന് കരുതി ആ നമ്പറിലേക്ക് മേസേജുകള് അയച്ചും കോള് ചെയ്തും വഞ്ചിക്കപ്പെടരുത് എന്നാണ് ഉണ്ണി പറയുന്നത്.