നടി ആക്രമിക്കപ്പെട്ട സംഭവവും ദിലീപിനെ ചോദ്യം ചെയ്തതും അമ്മയില് ചര്ച്ച ചെയ്തു, ഇടവേള ബാബു
എല്ലാ കാര്യങ്ങളും അമ്മയുടെ എക്സിക്യൂട്ടീവ് യോഗത്തില് ചര്ച്ച ചെയ്തിട്ടുണ്ടെന്ന് ഇടവേള ബാബു. നടി ആക്രമിക്കപ്പെട്ട സംഭവവും ദിലീപിനെ ചോദ്യ ചെയ്തും ചര്ച്ച ചെയ്തുവെന്നാണ് ഇടവേള ബാബു പറയുന്നത്.
കൊച്ചി: എല്ലാ കാര്യങ്ങളും അമ്മയുടെ എക്സിക്യൂട്ടീവ് യോഗത്തില് ചര്ച്ച ചെയ്തിട്ടുണ്ടെന്ന് ഇടവേള ബാബു. നടി ആക്രമിക്കപ്പെട്ട സംഭവവും ദിലീപിനെ ചോദ്യ ചെയ്തും ചര്ച്ച ചെയ്തുവെന്നാണ് ഇടവേള ബാബു പറയുന്നത്. വിശദമായ ചര്ച്ച നാളെ നടക്കുന്ന വാര്ഷിക പൊതു യോഗത്തില് നടക്കും.
താരങ്ങള്ക്കിടയിലുള്ള പ്രശ്നങ്ങള് യോഗത്തില് ചര്ച്ച ചെയ്യില്ലെന്ന് ഇന്നസെന്റ് നേരത്തെ അറിയിച്ചിരുന്നു. യോഗത്തിന് ദിലീപിനെ കാത്തിരിക്കെല്ലെന്നും ഇന്നസെന്റ് പറഞ്ഞു. താരങ്ങള് തമ്മിലുള്ള പ്രശ്നങ്ങള് ചര്ച്ച ചെയ്യില്ലെന്ന് പറഞ്ഞെങ്കിലും നിലവിലെ വിഷയം ചര്ച്ചയായിരുന്നു.
യോഗത്തില് എക്സിക്യൂട്ടീവ് മെമ്പറായ നടി രമ്യാ നമ്പീശന് പങ്കെടുത്തില്ല. ചെന്നൈയിലായതിനാല് യോഗത്തില് പങ്കെടുക്കാന് എത്താന് കഴിയില്ലെന്ന് നേരത്തെ അറിയിക്കുകയായിരുന്നു.
എറണാകുളം ക്രൗണ് പ്ലാസയിലാണ് അമ്മയുടെ വാര്ഷിക പൊതുയോഗം നടക്കുന്നത്. നാളെ രാവിലെ 10. 30ന് യോഗം ആരംഭിക്കും. യോഗത്തില് മഞ്ജു വാര്യര് പങ്കെടുക്കില്ലെന്ന് നേരത്തെ അറിയിച്ചിരുന്നു. വ്യക്തിപരമായ അസൗകര്യമാണ് പൊതു യോഗത്തില് പങ്കെടുക്കാന് സാധിക്കാത്തതെന്ന് മഞ്ജു വാര്യര് അറിയിച്ചു.