കാട്ടാന ആക്രമണത്തില് കൊല്ലപ്പെട്ട സോഫിയയുടെ കുടുംബത്തിന് 10 ലക്ഷം രൂപ സഹായം, മകള്ക്ക് ജോലി
ഇടുക്കി: ഇടുക്കി ജില്ലയിലെ പെരുവന്താനത്ത് കാട്ടാന ആക്രമണത്തില് കൊല്ലപ്പെട്ട സോഫിയയുടെ കുടുംബത്തിന് ധനസഹായം പ്രഖ്യാപിച്ച് കളക്ടര് വി. വിഘ്നേശ്വരി. സോഫിയയുടെ കുടുംബത്തിന് 10 ലക്ഷം രൂപ ധനസഹായം നല്കും എന്നും മകള്ക്ക് ജോലി നല്കുമെന്നും കളക്ടര് ഉറപ്പ് നല്കി. നാട്ടുകാരുടെ പ്രതിഷേധത്തെ തുടര്ന്ന് ഇന്ന് പുലര്ച്ചെ മാത്രമാണ് സോഫിയയുടെ മൃതദേഹം സംഭവസ്ഥലത്ത് നിന്ന് മാറ്റാന് സാധിച്ചത്.
സോഫിയയുടെ കുടുംബത്തിന് പ്രഖ്യാപിച്ച ധനസഹായം ഇന്ന് തന്നെ നല്കും എന്ന് കളക്ടര് അറിയിച്ചു. ഇന്നലെ രാത്രിയോടെയാണ് സോഫിയ കാട്ടാന ആക്രമണത്തില് കൊല്ലപ്പെട്ടത്. നെല്ലിവിള പുത്തന് വീട്ടില് സോഫിയ ഇസ്മയിലിനെ കൊമ്പന്പാറ ടി ആര് ആന്ഡ് ടീ എസ്റ്റേറ്റില് വെച്ചാണ് കാട്ടാന ആക്രമിച്ചത്. വീടിന് സമീപത്തെ അരുവിയിലേക്ക് കുളിക്കാന് പോയതായിരുന്നു സോഫിയ.
ഏറെ നേരം കഴിഞ്ഞിട്ടും തിരികെ വരാതായതോടെ വീട്ടുകാര് നടത്തിയ തിരച്ചിലിലാണ് സോഫിയയെ മരിച്ച നിലയില് കണ്ടെത്തിയത്. സ്കൂളില് നിന്നും വന്ന മക്കളെ വീട്ടിലെത്തിച്ച ശേഷമാണ് സോഫിയ കുളിക്കാനായി സമീപത്തെ അരുവിയിലേക്ക് പോയത്. ഇസ്മായിലും നാട്ടുകാരും ബഹളമുണ്ടാക്കിയാണ് സംഭവസ്ഥലത്ത് നിന്ന് കാട്ടാനയെ ഓടിച്ചത്. വനാതിര്ത്തിയോട് ചേര്ന്ന സ്ഥലത്താണ് സോഫിയയും കുടുംബവും താമസിക്കുന്നത്.
കാട്ടാന ഭീഷണിയില് പരാതി പറഞ്ഞിട്ടും നടപടിയെടുക്കാത്തതില് പ്രതിഷേധിച്ച നാട്ടുകാര് മൃതദേഹം കുളിക്കടവില് നിന്ന് എടുക്കാന് സമ്മതിച്ചിരുന്നില്ല. 26 ഓളം കാട്ടാനകളാണ് ജനവാസകേന്ദ്രങ്ങളില് വിഹരിക്കുന്നത് എന്ന് രണ്ട് വര്ഷമായി പരാതി കൊടുത്തിട്ടും യാതൊരു നടപടിയും സ്വീകരിച്ചിട്ടില്ല എന്നുമാണ് നാട്ടുകാര് പറയുന്നത്. അതേസമയം സോഫിയയുടെ മൃതദേഹം ഇന്ന് പോസ്റ്റ്മോര്ട്ടം ചെയ്യും.
മുണ്ടക്കയം മെഡിക്കല് ട്രസ്റ്റ് ആശുപത്രിയില് സൂക്ഷിച്ചിരിക്കുന്ന മൃതദേഹം ഇന്ക്വസ്റ്റ് നടപടികള് പൂര്ത്തിയാക്കിയതിന് ശേഷം കാഞ്ഞിരപ്പള്ളി താലൂക്ക് ആശുപത്രിയിലേക്ക് മാറ്റും. വിദ്യാര്ത്ഥികളായ ഷേക്ക് മുഹമ്മദ്, ആമിന എന്നിവരാണ് സോഫിയയുടെ മക്കള്. ഈ മാസം കാട്ടാനയുടെ ആക്രമണത്തില് കൊല്ലപ്പെടുന്ന രണ്ടാമത്തെയാളാണ് സോഫിയ. മറയൂരില് ഫെബ്രുവരി ആറിനുണ്ടായ ആക്രമണത്തില് ചമ്പക്കാട് കുടി സ്വദേശി വിമലന് കൊല്ലപ്പെട്ടിരുന്നു.
അതേസമയം വനം മന്ത്രിക്ക് നേരിട്ട് പരാതി നല്കാനും തുടര് പ്രതിഷേധങ്ങള് സംഘടിപ്പിക്കാനുമുള്ള ആലോചനയിലാണ് നാട്ടുകാര്. ഈ വര്ഷം ഒന്നര മാസം കൊണ്ട് ഏഴ് പേരാണ് വന്യജീവി ആക്രമണത്തില് സംസ്ഥാനത്താകെ കൊല്ലപ്പെട്ടത്.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി
Click it and Unblock the Notifications
Sign in with Google