യുഡിഎഫ് നല്ല ഭൂരിപക്ഷത്തില് അധികാരം പിടിച്ചില്ലെങ്കില് എന്നെ നിങ്ങള് കാണില്ല; വിഡി സതീശന്
കൊച്ചി: എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് മറുപടിയുമായി പ്രതിപക്ഷ നേതാവ് വിഡി സതീശന്. മികച്ച ഭൂരിപക്ഷത്തില് യുഡിഎഫിനെ അധികാരത്തില് എത്തിക്കാന് സാധിച്ചില്ലെങ്കില് രാഷ്ട്രീയ വനവാസത്തിന് പോകുമെന്ന് സതീശന് മാധ്യമങ്ങളോട് പറഞ്ഞു. പിന്നെ നിങ്ങള് എന്നെ കാണില്ലെന്നും സതീശന് വിശദീകരിച്ചു.
പറവൂരില് കഴിഞ്ഞ ദിവസം നടന്ന സംഘടനയുടെ പരിപാടിക്കിടെയാണ് വിഡി സതീശനെതിരെ വെള്ളാപ്പള്ളി നടേശന് കടന്നാക്രമിച്ച് സംസാരിച്ചത്. സതീശന് ഈഴവ വിരോധിയാണ് എന്ന് വെള്ളാപ്പള്ളി പറഞ്ഞു. ഇതിനുള്ള മറുപടിയും സതീശന് നല്കി. വെള്ളാപ്പള്ളി ആര്ക്ക് വേണ്ടിയാണ് സംസാരിക്കുന്നത് എന്ന് സതീശന് ചോദിച്ചു.
98 സീറ്റ് യുഡിഎഫിന് കിട്ടിയാല് രാജിവയ്ക്കുമെന്നാണ് വെള്ളാപ്പള്ളി നടേശന് പറഞ്ഞത്. അപ്പോള് 97 സീറ്റ് വരെ യുഡിഎഫിന് കിട്ടുമെന്ന് അദ്ദേഹത്തിന് സംശയമില്ല. 98 കിട്ടില്ല എന്നാണ് പറയുന്നത്. വെള്ളാപ്പള്ളിയുമായി തര്ക്കത്തിനില്ല. കേരള രാഷ്ട്രീയം നിരീക്ഷിക്കുന്ന വ്യക്തിയാണ് അദ്ദേഹം. യുഡിഎഫിന് 97 സീറ്റ് വരെ കിട്ടുമെന്ന് അദ്ദേഹം മറ്റൊരു തരത്തില് സമ്മതിക്കുകയാണെന്നും സതീശന് പറഞ്ഞു.
മികച്ച ഭൂരിപക്ഷം നേടി യുഡിഎഫ് അധികാരത്തില് എത്തിയില്ലെങ്കില് താന് രാഷ്ട്രീയ വനവാസത്തിന് പോകും. പിന്നെ നിങ്ങള് തന്നെ കാണില്ലെന്നും വിഡി സതീശന് മാധ്യമങ്ങളോട് പറഞ്ഞു. യുഡിഎഫ് അധികാരത്തിലെത്തിയാല് വെള്ളാപ്പള്ളി നടേശന് രാജിവയ്ക്കണം എന്ന് താന് പറയില്ല. അദ്ദേഹം അവിടെ തന്നെ ഇരുന്നോട്ടെ എന്നും സതീശന് പറഞ്ഞു.
വെള്ളാപ്പള്ളിക്കെതിരെ ഒന്നും പറഞ്ഞിട്ടില്ല. താന് ശ്രീനാരായണീയനാണ് എന്നാണ് പറഞ്ഞത്. ഗുരുവിന്റെ ആദര്ശങ്ങള് പ്രചരിപ്പിക്കാന് ശ്രമിക്കുന്ന വ്യക്തിയാണെന്നും പറഞ്ഞു. അതില് മാറ്റമില്ല. എന്നാല് നാട്ടില് വിദ്വേഷ പ്രചാരണത്തിന് ആര് ശ്രമിച്ചാലും യുഡിഎഫ് നേരിടും. സിപിഎമ്മിനെ പോലെ ഞങ്ങള് മാറി നില്ക്കില്ലെന്നും സതീശന് പറഞ്ഞു.
ആര് വര്ഗീയത പറഞ്ഞാലും എതിര്ക്കും. ന്യൂനപക്ഷ വര്ഗീയത പറഞ്ഞാലും ഭൂരിപക്ഷ വര്ഗീയത പറഞ്ഞാലും ശരി. അത് ഞങ്ങളുടെ തീരുമാനമാണ്. വര്ഗീയത പറഞ്ഞല്ല യുഡിഎഫ് വോട്ട് പിടിക്കുന്നത്. കേരളത്തെ രക്ഷിക്കാനുള്ള പദ്ധതി തങ്ങള്ക്കുണ്ട്. വേണ്ട സമയം അത് പ്രഖ്യാപിച്ച് ജനങ്ങളെ വിശ്വാസത്തിലെടുത്ത് മികച്ച ഭൂരിപക്ഷത്തില് അധികാരത്തില് എത്തുമെന്നും സതീശന് പറഞ്ഞു.
ആര്ക്കു വേണ്ടിയാണ് വെള്ളാപ്പള്ളി ഇത്തരം വാക്കുകള് പറയുന്നത് എന്ന് അറിയില്ല. വര്ഗീയത പറഞ്ഞതിനെ മാത്രമാണ് എതിര്ത്തത്. ഒരു സമുദായത്തെയും യുഡിഎഫ് എതിര്ക്കില്ല. എല്ലാവരുമായും നല്ല ബന്ധമാണ്. എന്നെ പറ്റി പറഞ്ഞ ഭാഷ എനിക്ക് തിരിച്ചു പ്രയോഗിക്കാന് സാധിക്കില്ല. ഇരിക്കുന്ന കസേരയെ ബഹുമാനിക്കണമല്ലോ എന്നും വിഡി സതീശന് പറഞ്ഞു.
-
സ്വർണ വില ഗ്രാമിന് 27000ത്തിന് മുകളിലോ, പവൻ 2.15 ലക്ഷത്തിലേക്കും?സ്വർണം കൂടുതൽ ഞെട്ടിക്കാനൊരുങ്ങുന്നു..പ്രവചനം -
ഗള്ഫില് സ്വര്ണം കുത്തനെ കുതിച്ചു..! ഇന്ത്യയില് കുറയുമ്പോള് ദുബായില് കൂടാന് കാരണമെന്ത്? -
ഭക്തരോട് മാപ്പ് ചോദിക്കുന്നു; ആറ്റുകാല് അമ്മയ്ക്ക് എന്നെ അറിയാം: വൈകാരിക പ്രതികരണവുമായി അന്ന രാജന് -
വ്യാപകമായി സ്വർണം വിറ്റഴിച്ച് നിക്ഷേപകർ, സ്വർണവിലയിലെ കുറവ് താൽക്കാലികം മാത്രം, ഇനി വൻ കുതിപ്പ് വരും -
സ്വർണ വില ഉച്ചയോടെ വീണ്ടും താഴേക്ക്; വിൽക്കാൻ കാത്തിരുന്നവർ പെട്ടു..ഇനിയും ഇടിഞ്ഞ് വീഴും? -
ഇങ്ങനെ പോയാന് പച്ചക്കറി, ഫ്രൂട്ട്സ് വില കുറയും; നാട് പട്ടിണിയിലാകും, ഗള്ഫ് കയറ്റുമതി നിലച്ചു -
പൊങ്കാല ഇടുമ്പോൾ വീട്ടിലെ സ്വകാര്യ ചിത്രങ്ങൾ പുറത്ത് പ്രചരിപ്പിച്ചു'; തുറന്നടിച്ച് നടി രമ്യ പണിക്കർ -
മൂന്ന് ദിവസം കൊണ്ട് ഇടിഞ്ഞത് 85800 രൂപ! സ്വര്ണം വാങ്ങിയവര്ക്ക് ഇരിപ്പുറക്കുന്നില്ല, മുന്നിലുള്ളത് വന്നഷ്ടം! -
കെ റെയിൽ പദ്ധതിയിൽ നിലപാട് ആവർത്തിച്ച് കേന്ദ്രം; ഡിപിആർ പരിഷ്കരിക്കണം, ബ്രോഡ്ഗേജ് മതി -
നഴ്സുമാർക്ക് എന്തിനാണ് 40,000 രൂപ ശമ്പളം? വിലക്കയറ്റം ഒക്കെ വെറും തോന്നലല്ലേ? പിന്തുണയുമായി നടി സരിത -
37 കോടിയുടെ ബിഗ് ടിക്കറ്റ് ബംപർ മലയാളിക്ക്; തുക ഇങ്ങനെ ചെലവഴിക്കുമെന്ന് ഡ്രൈവറായ വിബീഷ് -
ധന രാജയോഗം 30 വർഷത്തിന് ശേഷം; ഈ രാശിക്കാർക്ക് പണവും ജോലിയും ആഡംബരവും ഒരുമിച്ച് കിട്ടും!
Click it and Unblock the Notifications
Sign in with Google