മലപ്പുറം സ്ഫോടനം; കാറിനുള്ളില് നിന്ന് ലഭിച്ച പെന്ഡ്രൈവില് മുന്പ് നടന്ന സ്ഫോടന ദൃശ്യങ്ങള്
നേരത്തെ മറ്റ് സ്ഥലങ്ങളില് നടന്ന സ്ഫോടനങ്ങളുമായി ബന്ധപ്പെട്ട വീഡിയോകളാണ് അതിലുളളതെന്നും അദ്ദേഹം പറഞ്ഞു.
മലപ്പുറം: മലപ്പുറത്ത് സ്ഫോടനം നടന്ന കാറില് നിന്ന് ലഭിച്ച പെന്ഡ്രൈവില് വീഡിയോ ദൃശ്യങ്ങളാണ് ഉള്ളതെന്ന് തൃശൂര് റേഞ്ച് ഐജി എംആര് അജിത് കുമാര്. മലപ്പുറം കളക്ട്രേറ്റ് വളപ്പില് നടന്ന സ്ഫോടനസ്ഥലം സന്ദര്ശിച്ചശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. നേരത്തെ മറ്റ് സ്ഥലങ്ങളില് നടന്ന സ്ഫോടനങ്ങളുമായി ബന്ധപ്പെട്ട വീഡിയോകളാണ് അതിലുളളതെന്നും അദ്ദേഹം പറഞ്ഞു.
ഇനിയും ചില സ്ഥലങ്ങളില് സ്ഫോടനം ആവര്ത്തിക്കും എന്നും വീഡിയോ ദൃശ്യത്തില് വ്യക്തമാക്കുന്നു. എന്നാല് ഇത് മലയാളത്തില് ആണോ എന്നുളള ചോദ്യത്തിന് ഇപ്പോള് ആ കാര്യം വ്യക്തമായി പറയാന് കഴിയില്ലെന്നായിരുന്നു ഐജിയുടെ മറുപടി. സ്ഫോടനത്തിന് പിന്നില് മലയാളികള് ആണോ എന്നുളള കാര്യം ഇപ്പോള് പറയാന് സാധിക്കില്ല. തുടര്ന്നുള്ള അന്വേഷണത്തിന് ശേഷം മാത്രമേ കൂടുതല് എന്തെങ്കിലും പറയാന് സാധിക്കൂവെന്നും അദ്ദേഹം പറഞ്ഞു.
മേല്നോട്ടം
സംസ്ഥാന പൊലീസ് മേധാവി ലോക്നാഥ് ബെഹ്റ നേരിട്ടാണ് അന്വേഷണത്തിന് മേല്നോട്ടം വഹിക്കുന്നത്. കൂടാതെ മലപ്പുറം എസ്പിയാണ് ചീഫ് ഇന്വെസ്റ്റിഗേറ്റിങ് ഓഫിസര്.
അന്വേഷണം തുടരുന്നു
അന്വേഷണം നടന്നുകൊണ്ടിരിക്കുകയാണ്. ഭയപ്പെടാന് മാത്രം ഒന്നും ഇല്ലെന്നും തൃശൂര് റേഞ്ച് ഐജി എംആര് അജിത് കുമാര് പറഞ്ഞു.
സ്ഫോടനത്തിന് പിന്നില്
പെന്ഡ്രൈവിലെ വീഡിയോ ദൃശ്യങ്ങള് മലയാളത്തിലാണോ എന്ന ചോദ്യത്തിന് ഇപ്പോള് പറയാന് സാധിക്കില്ലെന്നായിരുന്നു ഐജിയുടെ മറുപടി.
സുരക്ഷ
അടുത്ത കാലത്തായി പൊതുസ്ഥലങ്ങളില് നടക്കുന്ന രണ്ടാമത്തെ സ്ഫോടനമാണിതെന്നും അതിനാല് സുരക്ഷകള് വര്ധിപ്പിക്കേണ്ടി വരുമെന്നും ഐജി പറഞ്ഞു.