ശബരിമല സന്നിധാനത്ത് നിന്നും വൻ സ്ഫോടക വസ്തു ശേഖരം പിടികൂടി! സൂക്ഷിച്ചിരുന്നത് മണ്ണിനടിയിൽ...
മണ്ഡലപൂജയ്ക്ക് ഒരാഴ്ച ബാക്കിനിൽക്കേയാണ് ശബരിമല സന്നിധാനത്ത് നിന്നും അനധികൃതമായി സൂക്ഷിച്ചിരുന്ന വെടിമരുന്ന് പിടികൂടിയത്.
പമ്പ: ശബരിമല സന്നിധാനത്ത് നിന്നും വൻ സ്ഫോടക വസ്തു ശേഖരം പിടികൂടി. സന്നിധാനത്ത് അനധികൃതമായി സൂക്ഷിച്ചിരുന്ന വെടിമരുന്നാണ് പോലീസ് ഉദ്യോഗസ്ഥർ പിടികൂടിയത്.
ഡിസംബർ 20 ബുധനാഴ്ച ഉച്ചയോടെ നടത്തിയ പരിശോധനയിലാണ് അനധികൃതമായി സൂക്ഷിച്ചിരുന്ന വെടിമരുന്ന് കണ്ടെടുത്തത്. മണ്ണിനടിയിൽ കന്നാസുകളിലാക്കിയാണ് വെടിമരുന്ന് സൂക്ഷിച്ചിരുന്നത്. സംഭവത്തിൽ വിശദമായ അന്വേഷണം തുടങ്ങിയതായി പോലീസ് അറിയിച്ചു.
മണ്ഡലപൂജയ്ക്ക് ഒരാഴ്ച ബാക്കിനിൽക്കേയാണ് ശബരിമല സന്നിധാനത്ത് നിന്നും അനധികൃതമായി സൂക്ഷിച്ചിരുന്ന വെടിമരുന്ന് പിടികൂടിയത്. മണ്ഡല പൂജ അടുത്ത സാഹചര്യത്തിൽ നിരവധി തീർത്ഥാടകരാണ് അയ്യപ്പസന്നിധിയിലേക്ക് എത്തുന്നത്. ഡിസംബർ 26നാണ് മണ്ഡലപൂജ ആരംഭിക്കുക.
മണ്ഡല പൂജ ചടങ്ങുകൾക്ക് ശേഷം മകരവിളക്ക് ഉത്സവത്തിനായി ഡിസംബർ 30നേ പിന്നീട് നട തുറക്കുകയുള്ളു. തീർത്ഥാടകരുടെ തിരക്ക് വർദ്ധിച്ചതോടെ ശബരിമലയിലും പരിസരത്തും പോലീസ് സുരക്ഷയും കർശനമാക്കിയിട്ടുണ്ട്. ഇതിനോട് അനുബന്ധിച്ച് നടത്തിയ പരിശോധനയിലാണ് വെടിമരുന്ന് ശേഖരം പിടികൂടിയത്.
Click it and Unblock the Notifications
Sign in with Google