ആറ് ജില്ലകളില് ടിപിആര് നിരക്ക് കുറയുന്നില്ല; അടിയന്തര ഇടപെടല് നടത്തി ആരോഗ്യവകുപ്പ്, കര്ശന നടപടി
തിരുവനന്തപുരം: സംസ്ഥാനത്ത് കൊവിഡ് കേസുകള് കുറയുന്നുണ്ടെങ്കില് ടിപിആര് നിരക്ക് കുറയാത്തത് കൂടുതല് ആശങ്കകള്ക്ക് വഴിവച്ചിരുന്നു. ടിപിആര് നിരക്ക് കുറയാത്ത കാരണം കണക്കിലെടുത്താണ് നിയന്ത്രണങ്ങളില് സര്ക്കാര് ഇളവ് അനുവദിക്കാതിരുന്നത്. എന്നാല് ഇപ്പോഴിതാ ടിപിആര് നിരക്ക് കൂടുതലുള്ള ജില്ലകളില് അത് കുറയ്ക്കുന്നതിന് ആരോഗ്യവകുപ്പ് അടിയന്തര ഇടപെടല് നടത്തിയിരിക്കുകയാണ്.
മലയാളികളുടെ 'കണ്ണ് തള്ളിയ' ചില വൈറല് വെഡ്ഡിങ് ഫോട്ടോ ഷൂട്ടുകള്
ടെസ്റ്റ് പോസിറ്റീവിറ്റി കൂടിയ തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളില് ആരോഗ്യ വകുപ്പ് മന്ത്രി വീണാ ജോര്ജിന്റെ നേതൃത്വത്തില് ഉദ്യോഗസ്ഥരുടെ യോഗം ചേര്ന്നു. ടി.പി.ആര്. നിയന്ത്രിക്കാന് കര്ശന നടപടി സ്വീകരിക്കണമെന്ന് മന്ത്രി വീണാ ജോര്ജ് നിര്ദേശം നല്കി. മുഖ്യമന്ത്രിയുടെ നിര്ദേശ പ്രകാരമാണ് യോഗം ചേര്ന്നത്. ജില്ലാ കളക്ടര്മാരും, ജില്ലാ മെഡിക്കല് ഓഫീസര്മാരും യോഗത്തില് പങ്കെടുത്ത് നിലവിലെ അവസ്ഥയും ഇനി ചെയ്യേണ്ട കാര്യങ്ങളെ കുറിച്ചും വിലയിരുത്തി.
ടിപിആര് കൂടിയ ജില്ലകളെല്ലാം ടെസ്റ്റിംഗ് ടാര്ജറ്റ് കൈവരിച്ചിട്ടുണ്ട്. എങ്കിലും രോഗ വ്യാപന സാധ്യതയുള്ള സ്ഥലങ്ങളില് പരിശോധനകള് പരമാവധി കൂട്ടണം. ക്വാറന്റൈനും കോണ്ടാക്ട് ട്രെയ്സിംഗും ശക്തമാക്കണം. വീട്ടില് സൗകര്യമില്ലാത്തവരെ ഡിസിസികളിലേക്ക് മാറ്റേണ്ടതാണ്. ഡിസിസികളും സി.എഫ്.എല്.ടി.സി.കളും ശക്തിപ്പെടുത്തണം. അനുബന്ധ രോഗമുള്ളവരെ കോവിഡ് ആശുപത്രികളില് പ്രവേശിപ്പിക്കണം. ഇതോടൊപ്പം അവബോധ പ്രവര്ത്തനങ്ങള് കൂടുതല് ഊര്ജിതമാക്കണമെന്നും മന്ത്രി നിര്ദേശം നല്കി.
മൂന്നാം തരംഗം മുന്നില് കണ്ടുള്ള പ്രവര്ത്തനങ്ങള് ശക്തിപ്പെടുത്തേണ്ടതാണ്. ഇതു സംബന്ധിച്ച പ്രവര്ത്തനങ്ങളും യോഗം വിലയിരുത്തി. പരമാവധി ആളുകള്ക്ക് വാക്സിന് നല്കി പ്രതിരോധം തീര്ക്കണം. ഇതിനായി വാക്സിനേഷന് പ്രക്രിയ ശക്തിപ്പെടുത്താനും മന്ത്രി നിര്ദേശം നല്കി. ആരോഗ്യ വകുപ്പ് പ്രിന്സിപ്പല് സെക്രട്ടറി ഡോ. രാജന് എന്. ഖോബ്രഗഡെ, ആരോഗ്യ വകുപ്പ് ഡയറക്ടര് ഡോ. വി.ആര്. രാജു, അഡീഷണല് ഡയറക്ടര്മാര്, ജില്ലാ സര്വയലന്സ് ഓഫീസര്മാര്, ലാബ് സര്വയലന്സ് ടീം എന്നിവര് യോഗത്തില് പങ്കെടുത്തു.
സാരിയില് അതിസുന്ദരിയായി നവ്യ നായര്; ഏറ്റവും പുതിയ ചിത്രങ്ങള് വൈറല്
Click it and Unblock the Notifications
Sign in with Google