പത്മനാഭസ്വാമി ക്ഷേത്രത്തിനടുത്ത് വന് ബോംബ് ശേഖരം
തിരുവനന്തപുരം: ശക്തമായ സുരക്ഷാ സംവിധാനങ്ങളുള്ള ശ്രീപത്മനാഭസ്വാമി ക്ഷേത്രത്തിനടുത്ത് നിന്ന് വന് ബോംബ് ശേഖരം കണ്ടെത്തി. ക്ഷേത്രത്തിനടുത്തുള്ള ശ്രീപാദം കുളം വൃത്തിയാക്കുമ്പോഴാണ് ബോംബ് ശേഖരം കണ്ടെത്തിയത്.
അഞ്ച് പൈപ്പ് ബോംബുകള് ഒരു ചാക്കില് കെട്ടിയ നിലയിലായിരുന്നു കുളത്തിന്റെ അടിത്തട്ടില് ഉണ്ടായിരുന്നത്. കുളത്തില് നിന്ന് ക്ഷേത്രത്തിലേക്ക് കടക്കാന് കഴിയുന്ന രഹസ്യ വാതിലും കണ്ടെത്തിയിട്ടുണ്ട്.
പത്മനാഭസ്വാമി ക്ഷേത്രത്തിന്റെ വടക്കേ നടയുടെ അടുത്താണ് ശ്രീപാദം കുളം. പുരാവസ്തുവകുപ്പ് ഓഫീസിനോട് ചേര്ന്നാണിത്. പുരാവസ്തുവകുപ്പിന്റെ നേതൃത്വത്തിലാണ് കുളം വറ്റിച്ചതും.
കുളത്തിനടയില് ക്ഷേത്രത്തിലേയ്ക്ക് കടക്കാനുള്ള വാതില് കണ്ടെത്തിയ വിവരം തൊഴിലാളികള് പുരാവസ്തുവകുപ്പ് അധികൃതരെ അറിയിച്ചിരുന്നു. തുടര്ന്നും വൃത്തിയാക്കല് ജോലികളുമായി മുന്നോട്ട് പോകുമ്പോഴാണ് ബോംബുകള് ചാക്കില് കെട്ടിയിട്ട നിലയില് കണ്ടെത്തിയത്.
തുടര്ന്ന് പോലീസും ബോംബ് സ്ക്വാഡും സ്ഥലത്തെത്തി പരിശോധന നടത്തി . ബോംബുകള് ഒന്നും തന്നെ പ്രവര്ത്തനക്ഷമമല്ല. വര്ഷങ്ങള്ക്ക് മുമ്പ് കുളത്തില് നിക്ഷേപിച്ചതാകാമെന്നാണ് നിഗമനം .
ലക്ഷക്കണക്കിന് കോടികള് വിലമതിയ്ക്കുന്ന അപൂര്വ്വ നിധിയാണ് പത്മനാഭസ്വാമി ക്ഷേത്രത്തില് ഉള്ളത് . നിധി കണ്ടെത്തിയതിനെ തുടര്ന്ന് ശക്തമായ സുരക്ഷയാണ് ക്ഷേത്രത്തിന് ഏര്പ്പെടുത്തിയിരിയ്ക്കുന്നത് .