Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഇന്ത്യാവിഷനിലെ പ്രശ്‌നം തീര്‍ന്നില്ല, മുനീറിന്റെ വീട്ടിലേക്ക് മാര്‍ച്ച്
തിരുവനന്തപുരം: ഇന്ത്യാവിഷന്‍ ചാനല്‍ കഴിഞ്ഞ 12 ദിവസമായി വാര്‍ത്തകളൊന്നും സംപ്രേഷണം ചെയ്യുന്നില്ല. ജീവനക്കാര്‍ക്ക് മൂന്ന് മാസമായി ശമ്പളം കിട്ടിയിട്ടില്ല. സമരത്തിലുള്ള മാധ്യമ പ്രവര്‍ത്തകരോട് ചര്‍ച്ചക്ക് പോലും ചാനല്‍ മാനേജ്‌മെന്റ് തയ്യാറാകുന്നില്ല.
ഇതോടെ സമരത്തിന്റെ നേതൃത്വം കേരള പത്രപ്രവര്‍ത്തക യൂണിയന്‍ ഏറ്റെടുക്കുകയാണ്. ചാനല്‍ ചെയര്‍മാനായ എംകെ മുനീറിന്റെ വീട്ടിലേക്ക് മാര്‍ച്ച് നടത്തുമെന്ന് യൂണിയന്‍ നേതാക്കള്‍ അറിയിച്ചു.
ചാനലിലെ മുഴുവന്‍ ജീവനക്കാര്‍ക്കും ഡിസംബര്‍ 31 നകം ശമ്പള കുടിശ്ശിക കൊടുത്ത് തീര്‍ക്കണം എന്നാണ് പത്രപ്രവര്‍ത്തക യൂണിയന്‍ ചാനല്‍ മാനേജ്മെന്റിനോട് ആവശ്യപ്പെട്ടിട്ടുള്ളത്. കഴിഞ്ഞ ദിവസം ലേബര്‍ കമ്മീഷണര്‍ വിളിച്ച് ചേര്‍ത്ത യോഗത്തില്‍ ചാനലിന്റെ റസിഡന്റ് ഡയറക്ടര്‍ ജമാലുദ്ദീന്‍ ഫറൂഖി നിഷേധാത്മക നിലപാടാണ് സ്വീകരിച്ചതെന്ന്‌യൂണിയന്‍ പത്രക്കുറിപ്പില്‍ ആരോപിക്കുന്നു.
12 ദിവസം ചാനല്‍ പ്രവര്‍ത്തനം നിലച്ചിട്ടും ഡയറക്ടര്‍ ബോര്‍ഡ് യോഗം ചേരാന്‍ പോലും മാനേജ്‌മെന്റ് തയ്യാറായിട്ടില്ല. താന്‍ സാങ്കേതികമായി മാത്രമാണ് ചാനലിന്റെ ചെയര്‍മാന്‍ എന്നാണത്രെ എംകെ മുനീര്‍ പറയുന്നത്. അതുകൊണ്ട് ഇത്തരം കാര്യങ്ങളില്‍ ഇടപെടാന്‍ കഴിയില്ലെന്നാണ് മുനീറിന്റെ നിലപാടെന്നും പത്രപ്രവര്‍ത്തക യൂണിയന്‍ നേതാക്കളായ എന്‍ പത്മനാഭനും കെ പ്രേംനാഥും ആരോപിച്ചു.
ഇന്ത്യാവിഷനില്‍ മാത്രമല്ല തൊഴില്‍ പ്രശ്‌നം രൂക്ഷമായിട്ടുള്ളത്. ഏറ്റവും ഒടുവില്‍ സംപ്രേഷണം തുടങ്ങിയ ടിവി ന്യൂവും ദിവസങ്ങളായി തത്സമയ വാര്‍ത്ത നല്‍കുന്നില്ല. ഇവിടേയും ശമ്പള കുടിശ്ശിക തന്നെയാണ് പ്രശ്‌നം. ഈ വിഷയത്തിലും പത്രപ്രവര്‍ത്തക യൂണിയന്‍ ഇടപെട്ടിട്ടുണ്ട്.
