ഐഎൻഎല്ലിൽ പ്രശ്ന പരിഹാരം; അഖിലേന്ത്യ പ്രസിഡന്റ് ഇന്ന് കേരളത്തിൽ

കാന്തപുരം വിഭാഗത്തിന്റെ യുവജന നേതാവ് ഡോ. അബ്ദുൾ ഹക്കീം അസ്ഹാരിയുടെ നേതൃത്വത്തിലാണ് ഇപ്പോൾ സമവായ ചർച്ചകൾ മുന്നോട്ട് പോകുന്നത്. അബ്ദുൾ ഹക്കീമുമായി മുഹമ്മദ് സുലൈമാൻ കൂടിക്കാഴ്ച നടത്തുന്നുണ്ട്

കോഴിക്കോട്: ഇന്ത്യൻ നാഷ്ണൽ ലീഗിലെ (ഐഎൻഎൽ) ആഭ്യന്തര പ്രശ്നങ്ങൾക്ക് അടിയന്തര പരിഹാരം തേടി ദേശീയ നേതൃത്വം. അബ്ദുൾ വഹാബ്-കാസിം ഇരിക്കൂർ വിഭാഗങ്ങൾ തമ്മിലുള്ള പ്രശ്നം പാർട്ടി പിളർപ്പിലേക്ക് വരെ എത്തിച്ചിരുന്നു. അതേസമയം അനുരഞ്ജന ചർച്ചകളും അണിയറയിൽ പുരോഗമിക്കുകയാണ്. ഇതിനിടയിലാണ് അഖിലേന്ത്യ പ്രസിഡന്റ് മുഹമ്മദ് സുലൈമൻ ഇന്ന് കേരളത്തിലെത്തുന്നത്.

ഒരു സംസ്ഥാന നേതാവിന്റെ മകളുടെ വിവാഹത്തിൽ പങ്കെടുക്കാനാണ് അഖിലേന്ത്യ പ്രസിഡന്റ് എത്തുന്നതെങ്കിലും ചില മുതിർന്ന നേതാക്കളുമായി അദ്ദേഹം ചർച്ച നടത്തും. കാന്തപുരം വിഭാഗത്തിന്റെ യുവജന നേതാവ് ഡോ. അബ്ദുൾ ഹക്കീം അസ്ഹാരിയുടെ നേതൃത്വത്തിലാണ് ഇപ്പോൾ സമവായ ചർച്ചകൾ മുന്നോട്ട് പോകുന്നത്. അബ്ദുൾ ഹക്കീമുമായി മുഹമ്മദ് സുലൈമാൻ കൂടിക്കാഴ്ച നടത്തുന്നുണ്ട്. നിലവിലെ സാഹചര്യം അബ്ദുൾ ഹക്കീം അഖിലേന്ത്യ പ്രസിഡന്റിനെ ബോധ്യപ്പെടുത്തും.

ദിവസങ്ങൾക്ക് മുൻപ് എറണാകുളത്ത് നടന്ന നേതൃയോഗത്തിലുണ്ടായ കയ്യാങ്കളിയാണ് പ്രശ്നം പിളർപ്പിലേക്ക് വരെ നയിച്ചത്. സം​സ്​​ഥാ​ന പ്ര​സി​ഡ​ൻ​റ്​ എ.​പി. അ​ബ്​​ദു​ൽ വ​ഹാ​ബി​നെ പു​റ​ത്താ​ക്കി​യ​ത്​ അ​ഖി​ലേ​ന്ത്യ പ്ര​സി​ഡ​ൻ​റാ​യി​രു​ന്നു. പി​ന്നീ​ട്​​ അ​ഖി​ലേ​ന്ത്യ ക​മ്മി​റ്റി​യെ ത​ള്ളി വ​ഹാ​ബ്​ രം​ഗ​ത്തു​വ​രു​ക​യും ചെ​യ്​​തു. പ്രശ്നം അതീവ സങ്കീർണതയിലേക്ക് എത്തിയ ഘട്ടത്തിൽ മുന്നണി നിലനിൽപ്പ് പോലും ഐഎൻഎല്ലിന് ഭീഷണിയായി. ഈ സാഹചര്യത്തിലാണ് പ്രശ്ന പരിഹാരത്തിനുള്ള മധ്യസ്ഥ ശ്രമങ്ങളുമായി ഹക്കീം അസ്ഹാരി രംഗത്തെത്തുന്നത്.

വ​ഹാ​ബ്​ വി​ഭാ​ഗ​വു​മാ​യും കാ​സിം ഇ​രി​ക്കൂ​ർ വി​ഭാ​ഗ​വു​മാ​യും ഹ​ക്കീം അ​സ്​​ഹ​രി ഇ​തി​നോടകം ര​ണ്ട് വ​ട്ടം ച​ർ​ച്ച പൂർത്തിയാക്കി. അ​ഖി​ലേ​ന്ത്യ നേ​തൃ​ത്വ​ത്തി​‍െൻറ നി​ല​പാ​ട്​ നി​ർ​ണാ​യ​ക​മാ​യ​തി​നാ​ൽ മു​ഹ​മ്മ​ദ്​ സു​ലൈ​മാ​നു​മാ​യി ച​ർ​ച്ച ന​ട​ത്തി​യ​ശേ​ഷം തു​ട​ർ​നീ​ക്കം ന​ട​ത്താ​നാ​ണ്​ ആ​ലോ​ച​ന​യെ​ന്ന്​ അ​റി​യു​ന്നു. അ​തി​നി​ടെ, കാ​സിം വി​ഭാ​ഗം മെം​ബ​ർ​ഷി​പ് കാ​മ്പ​യി​നു​മാ​യി മു​ന്നോ​ട്ടു​പോ​വു​ക​യാ​ണ്. വ​ഹാ​ബ്​ പ​ക്ഷ​മാ​ക​​ട്ടെ പു​തി​യ നാ​ഷ​ന​ൽ യൂ​ത്ത്​​ലീ​ഗ്​ ക​മ്മി​റ്റി രൂ​പ​വ​ത്​​ക​രി​ക്കു​ക​യും പ്ര​വ​ർ​ത്ത​ന​ങ്ങ​ളു​മാ​യി മു​ന്നോ​ട്ടു​പോ​വു​ക​യും ചെ​യ്യു​ന്നു.

അതേസമയം പാര്‍ട്ടിയെ ഒരുമിച്ച് നിര്‍ത്താന്‍ പരമാവധി വിട്ടുവീഴ്ചകള്‍ക്ക് തയ്യാറാണെന്നാണ് എപി അബ്ദുള്‍ വഹാബ് വ്യക്തമാക്കിയത്. ഇക്കാര്യം മധ്യസ്ഥര്‍ വഴി കാസിം ഇരിക്കൂര്‍ പക്ഷത്തെ അറിയിച്ചിട്ടുണ്ട് എന്നും പറയുന്നു. എന്നാൽ കാസിം വിഭാഗം ഇതിനോട് അനുഭാവ പൂർവ്വം ഇതുവരെ പ്രതികരിച്ചട്ടില്ല. ഏറ്റവും മിതമായ ആവശ്യങ്ങള്‍ ആണ് അവര്‍ക്ക് മുന്നില്‍ തങ്ങള്‍ ഉന്നയിച്ചത് എന്നാണ് വഹാബ് വിഭാഗം പറയുന്നത്. പാര്‍ട്ടിയില്‍ ഐക്യം പുന:സ്ഥാപിക്കപ്പെടുന്നതുവരെ ഇരു വിഭാഗം നേതാക്കളും പ്രകോപനം സൃഷ്ടിക്കാതെ തുടരണം എന്ന നിര്‍ദ്ദേശമാണ് മുന്നോട്ട് വച്ചത്. എന്നാല്‍ ഈ നിര്‍ദ്ദേശം കാസിം വിഭാഗം പരിഗണിക്കുന്നില്ല എന്ന ആക്ഷേപമാണ് ഉയരുന്നത്.

എപി അബ്ദുള്‍ വഹാബ് അടക്കമുള്ളവരാണ് പാര്‍ട്ടിയില്‍ നിന്ന് പുറത്ത് പോയത്, തങ്ങള്‍ ആണ് യഥാര്‍ത്ഥ ഐഎന്‍എല്‍ എന്ന നിലപാടില്‍ ആണ് കാസിം ഇരിക്കൂര്‍ വിഭാഗം. മെമ്പര്‍ഷിപ് കാമ്പയിന്‍ നേരത്തേ തീരുമാനിച്ചതിന്റെ അടിസ്ഥാനത്തിലാണ് നടത്തുന്നത് എന്ന് കാസിം ഇരിക്കൂര്‍ നേരത്തേ വ്യക്തമാക്കിയിരുന്നു. കോഴിക്കോടും പിന്നീട് ആലുവയിലും നടന്ന പ്രവര്‍ത്തക സമിതി യോഗമാണ് ഇത് സംബന്ധിച്ച തീരുമാനമെടുത്തത് എന്നാണ് പറയുന്നത്. ജൂലായ് 25 ന് തെരുവ് സംഘര്‍ഷത്തിലേക്ക് നയിച്ച കൊച്ചിയിലെ സെക്രട്ടേറിയറ്റ് യോഗത്തിന് ശേഷം ആയിരുന്നു ആലുവയില്‍ കാസിം ഇരിക്കൂര്‍ വിഭാഗം പ്രവര്‍ത്തക സമിതി യോഗം ചേര്‍ന്നത്.

English summary

INL all India president in Kerala; meeting with senior leaders and mediator