സിപിഎമ്മുകാരായി കാണണമെന്ന് ഇന്നസെന്‍റും ജോയ്സും

ദില്ലി: ചാലക്കുടി എം പിയും നടനുമായ ഇന്നസെന്റും ഇടുക്കി എം പി ജോയ്‌സ് ജോര്‍ജും ഇന്ന് (10-06-2014- ചൊവ്വ) ലോക് സഭാ സ്പീകര്‍ക്ക് കത്ത് നല്‍കും. ഇടത് സ്വതന്ത്രരായി മത്സരിച്ച തങ്ങളെ സി പി എം പാര്‍ലമെന്ററി പാര്‍ട്ടിയില്‍ കണക്കാക്കണം എന്നാവശ്യപ്പെട്ടാണ് കത്ത് നല്‍കുന്നത്.

തിങ്കളാഴ്ച എ കെ ജി ഭവനില്‍ ചേര്‍ന്ന ജനറല്‍ ബോഡി യോഗത്തില്‍ ഇന്നസെന്റും ജോയ്‌സ് ജോര്‍ജും പങ്കെടുത്തിരുന്നു. പി കരുണാകരന്‍ എം പിയെ സി പി എം ലോക്‌സഭാ കക്ഷിയായി തിരഞ്ഞെടുത്തു.

പശ്ചിമ ബംഗാളില്‍ നിന്നുള്ള നേതാവ് മുഹമ്മദ് സലീമനെയാണ് ഡെപ്യൂട്ട് ലീഡറായി തിരഞ്ഞെടുത്തത്. ത്രിപുരയില്‍ നിന്നുള്ള നേതാവ് ജിതേന്ദ്ര ചൗധരിയാണ് പാര്‍ട്ടി വിപ്പായി തിരഞ്ഞെടുക്കപ്പെട്ടത്.

അതേ സമയം പാര്‍ലമെന്റില്‍ സ്വതന്ത്ര നിലപാട് സ്വീകരിക്കുമെന്നാണ് നേരത്തെ ഇന്നസെന്റ് പറഞ്ഞിരുന്നത്. നല്ല തീരുമാനങ്ങള്‍ എടുത്താല്‍ നരേന്ദ്ര മോദി സര്‍ക്കാറിനെ പിന്തുണയ്ക്കുമെന്നും തന്റെ നിലപാടുകള്‍ പാര്‍ട്ടിവിരുദ്ധമാണെങ്കില്‍ പാര്‍ട്ടിയെ പറഞ്ഞ് തിരുത്തുമെന്നുമാണ് നേരത്തെ ഇന്നച്ചന്‍ പറഞ്ഞത്.

English summary

Innocent and Joice George will give letter to Lok sabha Speaker