കെ രാധാകൃഷ്ണനെ ശാസ്ത്രഞ്ജനാക്കിയത് ഇന്നസെന്റിന്റെ മഹാമനസ്കത
ഇരിങ്ങാലക്കുട: ഇന്നസെന്റിന്റെ തമാശകള് സിനിമയില് മാത്രമല്ല ഇപ്പോള് ഇടയ്ക്കിടെ മാധ്യമങ്ങളിലൂടെയും പ്രശസ്തമാവുകയാണ്. തമാശക്കാരാനായ ഈ നടന് രാഷ്ട്രീയത്തില് കൂടി എത്തിയതോടെ അവിടെയും ചിരി പടരാന് തുടങ്ങി. ഇപ്പോഴിതാ ഇന്ത്യ മംഗള്യാന് ദൗത്യമൊക്കെ വിജയിപ്പിച്ചിരിയ്ക്കുമ്പോഴുമുണ്ട് ഇന്നച്ചന് പറയാന് ഒരു തമാശക്കഥ.
ഐഎസ്ആര്ഒ ചെയര്മാന് കെ രാധാകൃഷ്ണനെ ലോകമറിയുന്ന ശാസ്ത്രഞ്ജനാക്കി മാറ്റിയത് തനാണന്ന് ഇന്നസെന്റ് പറഞ്ഞാല് ആര്ക്കും അല്പ്പം അതിശയം ഉണ്ടാകും. ഇനി ഇന്നച്ചന് തന്നെ പറയുന്നത് കേള്ക്കാം. കഥയാണ് കേട്ടോ അല്പ്പം സസ്പെന്സോടെ വായിക്കാം
കഥ തുടങ്ങുന്നു
ഇന്നസെന്റും ശാസ്ത്രഞ്ജനായ കെ രാധാകൃഷ്ണന്റെ സഹോദരനും സഹപാഠികളായിരുന്നു. ഇരിങ്ങാലക്കുട സംഗമേശ്വര വിലാസം സ്കൂളില് അല്പ്പ സ്വല്പ്പം വികൃതികളായി നടക്കുന്നകാലം. നാലാം ക്ളാസ് പരീക്ഷ കഴിഞ്ഞു രാധാകൃഷ്ണന്റെ ചേട്ടനും ഇന്നച്ചന്റെ സുഹൃത്തുമായ ശിവദാസന് വിജയിച്ചു. ഇന്നസെന്റാകട്ടെ കാര്യങ്ങളൊക്കെ വിശദാമായി പഠിച്ച് പോകാമെന്ന മട്ടില് വീണ്ടും അതേ ക്ളാസില് (തോറ്റു). ഇനിയാണ് ട്വിസ്റ്റ്
ട്വിസ്റ്റ്
തോറ്റ ഇന്നച്ചനെ നോക്കി ശിവാദസന്റെ സെന്റി ഡയലോ് 'നിന്നെ ക്ളാസില് തനിച്ചാക്കി പോകുന്നതോര്ക്കുമ്പോള് എനിയ്ക്ക് സങ്കടം വരുന്നു'. ഉടന് ഇന്നച്ചന്റെ മറുപടി.'സാരമില്ല ശിവദാസാ ഞാന് ഈ സ്കൂളില്ലേ പഠിയ്ക്കണത് നമുക്ക് കാണാം' .ശിവാദാസന്റെ ഡയലോഗ് ഒട്ടും വൈകാതെ വന്നു. 'അതാണ് എനിയ്ക്ക് പേടി എന്റെ അനിയന് രാധാകൃഷ്ണന് ഇനി നാലം ക്ളസിലേക്ക് വരണുണ്ട്...ദയവായി നീ അവനെ ചീത്തയാക്കരുത്' . ഇന്നസെന്റാരായി?
ദാ വരണൂ...ശാസ്ത്രഞ്ജന്
അങ്ങനെ നാലാം ക്ളാസില് രാധാകൃഷ്ണനും ഇന്നസെന്റും സഹപാഠികളായി. രാധാകൃഷ്ണനെക്കൂടി തന്റെ കൂട്ടത്തിലേയ്ക്ക് കൂട്ടാന് ഇന്നസെന്റിന് പലതവണ ഉള്പ്രേരണയുണ്ടായി. എന്നാല് ശിവാദസന്റെ വാക്ക്...(എന്റെ അനിയനെ ചീത്തയാക്കേല്ലേ) ഇടയ്ക്കിടെ ഇന്നച്ചനോര്ക്കും
രാധാകൃഷ്ണന് രക്ഷപ്പെട്ടു
താന് കൂട്ടത്തില് കൂട്ടാത്തത് കൊണ്ട് കെ രാധാകൃഷ്ണന് ശാസ്ത്രഞ്ജനായെന്നും രക്ഷപ്പെട്ടെന്നും ഇന്നസെന്റ്. അന്നു മുതലുള്ള സൗഹൃദം ഇന്നും തുടരുന്നു
കാത്ത് വച്ച മുത്ത്
ഇന്ത്യയ്ക്ക് വേണ്ടി കാത്തുവച്ച മുത്താണ് രാധകൃഷ്ണനെന്നും തന്റെ വഴിയേ കൊണ്ടു വന്നെങ്കില് നല്ലൊരു ശാസ്ത്രഞ്ജനെ നഷ്ടപ്പെട്ടേനെ എന്നും ഇന്നസെന്റ്.