കാഴ്ചയുടെ മാമാങ്കത്തിന് തിരിതെളിയാന് ഇനി നിമിഷങ്ങള് മാത്രം
തിരുവനന്തപുരം: ഇരുപതാമത് രാജ്യാന്തര ചലച്ചിത്ര മേളയ്ക്ക് തിരിതെളിയാന് ഇനി നിമിഷങ്ങള് മാത്രം. ഇനി തലസ്ഥാനത്തിന് ഒരാഴ്ച കാലം കാഴ്ചയുടെ മാമാങ്കമായിരിക്കും. വെള്ളിയാഴ്ച വൈകുന്നേരം ആറുമണിക്ക് മുഖ്യമന്ത്രി ഉമ്മന് ചാണ്ടി മേള ഉദ്ഘാടനം ചെയ്യും.
തബല മാന്ത്രികന് ഉസ്താദ് സക്കീര് ഹുസൈന്റെ സംഗീത പരിപാടിയോടെയാണ് ഇരുപതാമത് രാജ്യാന്തര ചലച്ചിത്ര മേള ആരംഭിക്കുക. ചൈനീസ് ത്രീഡി വുള്ഫ് ടോട്ടം ഉദ്ഘാടന ചിത്രത്തോടെയാണ് ചലച്ചിത്ര മേള മിഴിതുറക്കുന്നത്. ഇറാനിയന് സംവിധായകന് ദാരുഷ് മെഹ്ജി,ജൂറി ചെയര്മാന് ജൂലിബ്രസ്സന് എന്നിവര് പങ്കെടുക്കും.
പതിനാല് വിഭാഗങ്ങളില് 176 ചിത്രങ്ങള് പ്രദര്ശിപ്പിക്കും. മത്സര വിഭാഗത്തില് 14 ചിത്രങ്ങളാണുള്ളത്. ലോക സിനിമാ വിഭാഗത്തില് 90 ചിത്രങ്ങളും അന്തര്ദേശീയ വിഭാഗത്തില് 14 ചിത്രങ്ങളും മലയാള സിനിമാ വിഭാഗത്തില് ഏഴു ചിത്രങ്ങളും ഇന്ത്യന് സിനിമാ വിഭാഗത്തില് ഏഴു ചിത്രങ്ങളും പ്രദര്ശിപ്പിക്കും.
കണ്ട്രി ഫോക്കസ് വിഭാഗത്തില് ലിത്വാനിയായില് നിന്ന് അഞ്ചും മ്യാന്മാറില് നിന്ന് രണ്ടും ചിത്രങ്ങള് മേളയിലുണ്ട്. മേളയുടെ 20 വര്ഷത്തെ ചരിത്രത്തില് ആദ്യമായാണ് ഇത്രയധികം ചിത്രങ്ങള് പ്രദര്ശിപ്പിക്കുന്നത് എന്ന പ്രത്യേകതയുമുണ്ട്. ആദ്യപ്രദശനങ്ങള് മൂവായിരം പേര്ക്കിരിക്കാവുന്ന താത്ക്കാലിക തീയേറ്ററാണുള്ളത്. നാലു മുതല് 11 വരെയാണ് ചലച്ചിത്ര മേള.